Það eru næstum allir og amma þeirra að taka þátt í 10 ára áskoruninni. Hún er ekki flókin, að birta tvær myndir af sér til samanburðar á samfélagsmiðlum, Facebook, Twitter eða Instagram, já eða bara þeim öllum: eina mynd eins og viðkomandi leit út fyrir 10 árum og aðra eins og hann lítur út í dag.
Ísland vaknar þrennan á útvarpsstöðinni K100: Kristín Sif, Jón Axel Ólafsson og Ásgeir Páll Ágústsson
Ingólfur H. Geirdal, gítarleikari DIMMU og töframaður: „2005 Vs. 2019. Fyrsta DIMMU promo myndin sem var tekin af kallinum…og sú nýjasta.“
Mynd: Bragi Haraldsson (2005) og Ólöf Erla Einarsdóttir (2019)
Eva Ruza gleðigjafi og alt muligt kona: „Mér fannst ég æðisleg….26 yrs vs. 36 yrs. Það var lítið um highlights and contouring back in the days.“
Guðmundur Fylkisson sem leitar að Týndu börnunum
Þórhallur Þórhallsson uppistandari: „10 ár á milli. Aðeins feitari en betur greiddur.“
Sigmar Vilhjálmsson er með húmorinn að vopni: „Orð eru óþörf“
Heiðar Austmann útvarpsmaður á K100: „Ekkert breyst nema að nokkur kg hafi bæst við (lesist massi) en það er bara kúl.“
Aron Mola leiklistarnemi
Ríkharð Óskar Guðnason, Rikki G. útvarpsmaður
Kjartan Atli Kjartansson útvarpsmaður
Selma Björnsdóttir söngkona og leikstjóri með meiru
Sigurður Sólmundarson, Costco gaurinn skemmtilegi
Gerður Huld Arinbjarnar eigandi Blush
Samfélagsmiðlastjörnurnar Sunneva Einarsdóttir, Guðrún Veiga Jónsdóttir og Sólrún Diego
Elva Hrund Ágústsdóttir stílisti og snillingur
Berglind Pétursdóttir, Berglind Festival, samfélagsmiðlaskvísa og fjölmiðlakona
Gunnar Smári Egilsson Sósíalistaforingi birti í dag lista yfir 330 einstaklinga og hvað þeir hefðu greitt meira í fjármagnstekjuskatt í Danmörku en á Íslandi. Hann segir í færslu á síðu Sósíalistaflokks Íslands að þetta séu „helstu styrkþegar ríkisins á meðal hinna tekjuhæstu“, hefur hann einnig talað um þennan hóp sem „bótaþega“. Um sé að ræða þróun á tímum nýfrjálshyggju sem miði að því að lækka fjármagnstekjuskatt.
Stundin birti á vef sínum í morgun lista yfir tekjuhæstu 330 Íslendingana árið 2016, byggða á upplýsingum af vefnum tekjur.is, en vefnum var lokað. Tekjublað DV byggir aðeins á launatekjum en þessi listi byggir einnig á fjármagnstekjum. Þau voru alls með 60 milljarða í heildartekjur árið 2016 og greiddu af þeim 23,3% skatt.
Gunnar Smári segir að sá listi dugi til að bera saman skatta þessa 330 einstaklinga við þá skatta sem þau hefðu þurft að greiða í Danmörku: „Til að sjá hvernig bylting hinna ríku hefur leikið ríkisreksturinn ættum við að gera kröfu um að fá blaðsíður fremst í fjárlögin, sem sýna styrki til auðugasta fólksins. Til dæmis með því að bera skattheimtuna hér við skattheimtu landa, sem gengu ekki jafn langt inn blindgötu nýfrjálshyggjunnar.“
Hann setur þó þann fyrirvara á að það vanti marga af ríkustu Íslendingunum, en á listanum séu þeir sem hafi há laun, greitt sér mikinn arð eða selt eignir. „Það er margt auðugt fólk sem á miklar eignir en tók sér minna en 5,2 m.kr. á mánuði í arð eða laun, en það voru mörkin til að ná inn fyrir 0,1 prósent hinna tekjuhæstu árið 2016, jafngildi 21faldum lágmarkslaunum þess tíma,“ segir Gunnar Smári.
„En ef við beitum danska skattkerfinu til samanburðar þá var stuðningur ríkissjóðs við hin tekjuhæstu þessi vegna tekna ársins 2016. Þetta eru hinir raunverulegu bótaþegar nýfrjálshyggjunnar:
STYRKUR RÍKISINS TIL HINNA 330 TEKJUHÆSTU
1. Sigurður Þ K Þorsteinsson: -700,6 m.kr.
2. María Bjarnadóttir: -695,4 m.kr.
3. Gísli J Friðjónsson: -625,0 m.kr.
4. Einar Friðrik Sigurðsson: -421,5 m.kr.
5. Katrín Þorvaldsdóttir: -398,7 m.kr.
6. Guðmundur Kristjánsson: -251,3 m.kr.
7. Ármann Einarsson: -175,0 m.kr.
8. Marta Árnadóttir: -163,9 m.kr.
9. Grímur Alfreð Garðarsson: -163,8 m.kr.
10. Guðrún Birna Leifsdóttir: -153,6 m.kr.
11. Brynjólfur Gunnar Halldórsson: -138,6 m.kr.
12. Benedikt Rúnar Steingrímsson: -121,9 m.kr.
13. Magnús Jóhannsson: -119,5 m.kr.
14. Kristín Fenger Vermundsdóttir: -117,3 m.kr.
15. Jón Sigurðsson: -116,5 m.kr.
16. Ari Fenger: -116,3 m.kr.
17. Hinrik Kristjánsson: -105,6 m.kr.
18. Henning Jóhannesson: -105,0 m.kr.
19. Eiríkur Ingvar Þorgeirsson: -96,0 m.kr.
20. Árni Pétur Jónsson: -93,2 m.kr.
Á dögunum var ég að prófa mig áfram með brokkolí og útbjó æðislegt salat sem er frábært sem meðlæti með ýmsum mat eða gott eitt og sér.
Uppskriftin er einföld og fljótleg og hentar vel þeim sem eru á ketó eða á lágkolvetna matarræði.
Lofar góðu.
Ketó brokkolí salat
Hráefni:
2 bollar ferskt brokkolí 4 msk mæjónes (ég nota avocado mæjónes) rauðlaukur, saxaður smátt 4 sneiðar eldað beikon salt og pipar
Aðferð:
Mæjónesinu ásamt salti pipar og lauknum blandað saman í skál og hrært vel áður en brokkolí og beikon fær að blandast við.
Þið finnið mig á snapchat þar sem ég sýni allskonar ketó uppskriftir og fleira skemmtilegt hannsythora. Og með því að fylgja Facebook síðunni minni Hanna Þóra – hönnukökur.
„Dóttur minni, Áslaugu Perlu, var nauðgað á hrottafenginn máta á 10. hæð í blokk við Engihjalla árið 2000. Gerandinn lagði hana á magann á rör handriðs á 10. hæð og þröngvaði henni yfir það. Héraðsdómur trúði ekki frásögn ákærða, taldi framburð hans ótrúverðugan, en studdist við ýmis gögn sem dómnum þótti sanna að ákærði hefði í raun kastað Áslaugu Perlu fram af svölunum.“
Þetta segir Gerður Berndsen, móðir Áslaugar Perlu, í aðsendri grein í Morgunblaðið. Áslaug Perla var myrt af Ásgeiri Inga Ásgeirssyni. Hann viðurkenndi að hafa stundað kynlíf með henni en margt bendir til þess að hann hafi nauðgað Áslaugu. Þegar hún vildi ekki stunda kynlíf með honum kastaði hann henni fram af svölunum. Ásgeir hlaut 16 ára dóm fyrir verknaðinn en neitaði að hafa hrint stúlkunni fram af svölunum.
Ekki hlustað á vitni
Gerður hefur um langt skeið barist fyrir því að mál dóttur hennar verði tekið upp að nýju. „Hæstaréttardómur var í algjörri þversögn við héraðsdóm. Hann var byggður á sandi; engin sönnunargögn, engin rannsóknarskýrsla og hunsun vitna í héraði. Tæknimaður hjá lögreglu fjallaði um förin á rörinu í héraðsdómi, en Hæstiréttur hunsaði þær upplýsingar. Héraðsdómur fékk prófessor í eðlisfræði við HÍ til að vinna álitsgerð um fallið, sem var unnin samkvæmt útreikningum eðlisfræðinnar og var upp á margar síður: Hinni látnu hafði verið kastað yfir handriðið með takmörkuðum krafti eða hún látin falla niður,“ segir Gerður.
Hún segir að Hæstiréttur hafi hunsað allt sem vitni sögðu í héraðsdómi. „Eftir uppsögn héraðsdóms óskaði ákærði eftir, að dómkvaddur yrði matsmaður til að gefa álit um tilteknar spurningar. Héraðsdómur synjaði beiðninni. Hún var kærð til Hæstaréttar sem samþykkti að talað yrði við eðlisfræðing og lífeðlisfræðing í gegnum síma til að álykta út frá eðlisfræðilegri þekkingu þeirra einni saman. Engin álitsgerð. Málinu var áfrýjað til Hæstaréttar. Þar sem dómarar Hæstaréttar hunsuðu allar upplýsingar vitna í héraði, þá höfðu þeir engin gögn til að dæma eftir,“ segir Gerður.
Ítrekað neitað
Hún segist ítrekað hafa fengið neitanir um endurupptöku. „Dóttur minni var nauðgað. Dómurinn laug upp á hana. Ákærði þröngvaði dóttur minni sannanlega yfir rörið á handriði svalanna. Ég sótti um endurupptöku á málinu 2006 hjá Ríkissaksóknara með aðstoð dómsmálaráðherra, fékk neitun. Aftur 2009 vegna nauðgunar sem var órannsökuð, fékk líka neitun. Ég sendi póst til sérhvers alþingismanns um að setja á fót réttarfarsdómstól og hringdi í þriðjung þeirra. Ég sendi beiðni til endurupptökunefndar 2015 og fékk neitun. Sendi aftur beiðni 2017, þá lét ég fylgja með 75 síður úr lögregluskýrslum, sem sönnunargögn, en fékk aftur neitun,“ segir Gerður.
Hún bendir máli sínu til stuðnings á Guðmundar- og Geirfinnsmálið. „Um endurupptöku dæmdra mála í Hæstarétti: Ef verulegar líkur eru leiddar að því að sönnunargögn sem færð voru fram í máli hafi verið rangt metin svo að áhrif hafi haft á niðurstöðu þess, þá getur Hæstiréttur orðið við beiðni manns, sem telur sig ranglega sakfelldan eða sakfelldan fyrir mun meira brot en það sem hann hefur framið. Innanríkisráðherra sagði mér að Guðmundar- og Geirfinnsmálið færi til endurupptökunefndar á undanþágu, en í stað þess breytti Alþingi lögunum 2015. Þá gátu makar, börn, foreldrar eða systkini látins dæmds einstaklings fengið samþykkta beiðni um endurupptöku í nefndinni. Áður mátti ekki taka upp mál þar sem látnir einstaklingar áttu hlut að máli. Lögin áttu ekki við um dóttur mína, samt var hún dómfelld fyrir að eiga harkalegar samfarir við ákærða. Hún er dáin af því hún var myrt.“
Fáir knattspyrnumenn hafa breytt liði jafn mikið og Virgil Van Dijk hefur breytt Liverpool á einu ári.
Hollenski varnarjaxlinn hefur breytt liði Liverpool til hins betra, slakur varnarleikur heyrir sögunni til.
Van Dijk hefur bundið saman vörn Liverpool sem er í dag orðinn einn helsti styrkleiki liðsins, hann stýrir vörninni eins og herforingi.
Van Dijk kostaði Liverpool 75 milljónir punda frá Southampton en það gæti vel borgað sig, Liverpool er á toppi ensku úrvalsdeildarinnar og á góðri leið með að vinna deildina í fyrsta sinn í 29 ár.
Með Van Dijk í vörn sinni heldur Liverpool oftar hreinu, fær á sig færri mörk og varnarleikurinn er traustari heilt yfir.
Philippe Coutinho leikmaður Barcelona er orðaður við lið á Englandi þessa dagana. Hann fær lítið að spila hjá Barcelona.
Coutinho hefur ekki náð flugi eftir að Barcelona keypti hann frá Liverpool fyrir ári síðan.
Spænskir miðlar segja að Coutinho sé á óskalista Manchester United og þá myndi Liverpool hafa áhuga aftur.
Telegraph segir það rangt að Liverpool hafi áhuga, sagt er að félagið hafi ekki neinn áhuga á að fá Coutinho aftur.
Coutinho fór frá Liverpool fyrir 142 milljónir punda fyrir ári síðan en hann gæti yfirgefið Barcelona næsta sumar, ef staða hans breytist ekki. Þá gæti Barcelona viljað selja hann til að fjármagna kaup á Neymar frá PSG.
Villiköttur sem sjálfboðaliðum tókst að handfanga eignaðist kettlinga fljótlega eftir að henni var komið fyrir í öruggt skjól. Skömmu eftir fæðingu var læðan, ásamt kettlingum sínum sett í fóstur svo hún gæti alið kettlingana sína upp í rólegu umhverfi.
Konan sem tók kettina að sér heitir Tracy Pitisci og færði hún þá á heimili sitt aðeins nokkrum klukkustundum eftir að þeir fæddust. Þegar kettlingarnir stækkuðu tók Tracy eftir því að einn kettlingurinn sem hún nefndi Aries var ólíkur hinum. Báðir afturfætur Aries voru snúnir sem gerði það að verkum að hann leit út eins og könguló.
Sagði Tracy í viðtali við The dodo að fætur Aries hefðu legið alveg upp að maga hans og að greinilega mátti sjá að liðirnir beindu ekki í rétta átt. Tracy tók ákvörðun um að taka Aries að sér í varanlegt fóstur og segir hún að þrátt fyrir galla sinn stöðvi það hann ekki.
Samkvæmt Tracy lifir Aries hamingjusamlegu lífi. Hann á í nokkrum erfiðleikum með það að komast upp úr leikgrindinni sinni, hann getur ekki hoppað og hann vill frekar hlaupa um á rassinum heldur en að ganga. Það stöðvar hann þó ekki frá því að leika sér, klifra yfir hindranir og að kanna heiminn. Aries upplifir engan sársauka og það eina sem er að hjá Aries er að hann lítur öðruvísi út heldur en aðrir kettir.
Fyrirsætan Kate Moss fagnaði 45 ára afmæli sínu í vikunni á Dorchester-hótelinu í London. Kate var þekkt um árabil sem mikil gleðskapskona og birti breska pressan margoft myndir af henni blindfullri á götum Lundúnaborgar.
Í annarlegu ástandi.Erfitt kvöld.
Kate var alræmd fyrir drykkju sína. Í raun drakk hún svo mikið áfengi að hún gekk undir viðurnefninu Tankurinn þar sem hún gat drukkið freyðivín á morgnana, vín og vodka með hádegismatnum og skellt sér síðan á galeiðuna um kvöldið.
Nú er hins vegar öldin önnur þar sem Kate hætti að drekka áfengi fyrir rúmlega ári síðan og breytti um lífsstíl til að vera sem heilbrigðust. Í dag drekkur Kate óáfenga kokteila, fer á safakúra og mætir reglulega í heilsurækt.
Kate hefur verið edrú í rúmt ár.
Það sést greinilega á afmælismyndum Kate og hefur hún sjaldan litið betur út. Meðal gesta í teitinu var kærasti fyrirsætunnar, Nikolai von Bismarck, leikkonan Liv Tyler, Edward Enninful, ritstjóri Vogue og fatahönnuðurinn Stella McCartney. Sú síðastnefnda deildi skemmtilegri mynd af sér og Kate, en þær hafa verið vinkonur um árabil.
Í 31 sinn er nú auglýst eftir handritum til að keppa um Íslensku barnabókaverðlaunin.
Stofnað var til Íslensku barnabókaverðlaunanna 1985 í tilefni af sjötugsafmæli rithöfundarins Ármanns Kr. Einarssonar og voru verðlaunin veitt í fyrsta sinn vorið 1986. Að verðlaununum standa fjölskylda Ármanns Kr. Einarssonar, Barnavinafélagið Sumargjöf, IBBY á Íslandi og Forlagið. Fulltrúar þessara aðila skipa dómnefnd, auk tveggja nemenda úr 8. bekk.
Einu sinni á ári er auglýst er eftir handritum til að keppa um Íslensku barnabókaverðlaunin og er skilafrestur til 8. febrúar. Nánari upplýsingar má finna á heimasíðu Forlagsins.
Íslensku barnabókaverðlaunin hafa verið veitt fyrir eftirtaldar bækur: Emil og Skundi eftir Guðmund Ólafsson, 1986 Franskbrauð með sultu eftir Kristínu Steinsdóttur, 1987 Fugl í búri eftir Kristínu Loftsdóttur, 1988 Álagadalurinn eftir Heiði Baldursdóttur, 1989 Í pokahorninu eftir Karl Helgason, 1990 Gegnum þyrnigerðið eftir Iðunni Steinsdóttur, 1991 Benjamín dúfa eftir Friðrik Erlingsson, 1992 Brak og brestir eftir Elías Snæland Jónsson, 1993 Röndóttir spóar eftir Guðrúnu H. Eiríksdóttur, 1994 Eplasneplar eftir Þóreyju Friðbjörnsdóttur, 1995 Grillaðir bananar eftir Ingibjörgu Möller og Fríðu Sigurðardóttur, 1996 Margt býr í myrkrinu eftir Þorgrím Þráinsson, 1997 Heljarstökk afturábak eftir Guðmund Ólafsson, 1998 Leikur á borði eftir Ragnheiði Gestsdóttur, 2000 Sjáumst aftur … eftir Gunnhildi Hrólfsdóttur, 2001 Ferðin til Samiraka eftir Hörpu Jónsdóttur, 2002 Biobörn eftir Yrsu Sigurðardóttur, 2003 Leyndardómur ljónsins eftir Brynhildi Þórarinsdóttur, 2004 Háski og hundakjöt eftir Héðin Svarfdal Björnsson, 2006 Loforðið eftir Hrund Þórsdóttur, 2007 Steindýrin eftir Gunnar Theodór Eggertsson, 2008 Þvílík vika eftir Guðmund Brynjólfsson, 2009 Ertu Guð, afi? eftir Þorgrím Þráinsson, 2010 Flugan sem stöðvaði stríðið eftir Bryndísi Björgvinsdóttur, 2011 Hrafnsauga eftir Kjartan Yngva Björnsson og Snæbjörn Brynjarsson, 2012 Ótrúleg ævintýri afa eftir Guðna Líndal Benediktsson, 2014 Skuggasaga – Arftakinn eftir Ragnheiði Eyjólfsdóttur, 2015 Skóladraugurinn eftir Ingu Mekkín Beck, 2016 Er ekki allt í lagi með þig? eftir Elísu Jóhannsdóttur, 2017
Stormsker – Fólkið sem fangaði vindinn eftir Birki Blæ Ingólfsson, 2018
Í þrjú skipti var auglýst sérstaklega eftir myndskreyttum handritum og urðu þessi þá hlutskörpust: Veislan í barnavagninum eftir Herdísi Egilsdóttur og Erlu Sigurðardóttur, 1995 Risinn þjófótti og skyrfjallið eftir Sigrúnu Helgadóttur og Guðrúnu Hannesdóttur, 1996 Sagan af undurfögru prinsessunni og hugrakka prinsinum hennar eftir Margréti Tryggvadóttur og Halldór Baldursson, 2006
Miðflokkurinn og Flokkur fólksins eru einu flokkarnir sem bæta við sig fylgi í nýrri könnun MMR, fylgi þeirra féll talsvert í kjölfar Klaustursmálsins. Sjálfstæðisflokkurinn mældist með stuðning 22,2% landsmanna og helst nær óbreytt frá síðustu mælingu sem lauk 11. desember. Samfylkingin mældist með 15,0% fylgi, sem er tæplega tveimur prósentustigum minna en flokkurinn mældist með í síðustu könnun. Þá minnkaði fylgi Vinstri grænna um rúmlega tvö og hálft prósentustig. Fylgi Miðflokksins jókst um eitt prósentustig og mælist nú 6,9%, það er þó öllu minna en þau nærri 13% sem flokkurinn fékk í síðustu kosningum, en fylgi flokksins hrapaði í kjölfar Klaustursmálsins, en þar heyrðust þingmenn Miðflokksins og Flokks fólksins tala um pólitísk hrossakaup ásamt því að hæðast og baktala ótal einstaklinga og samstarfsmenn á þingi, meðal annars með orðunum „kunta“ og „tík“. Tveir þingmenn Miðflokksins eru í leyfi og tveir þingmenn Flokks fólksins voru reknir úr flokknum.
Fylgi Flokks fólksins jókst um tvö og hálft prósentustig frá síðustu mælingum og mælist nú 6,7%. Í síðustu könnun náði flokkurinn ekki inn manni, hafði fylgið hrunið nokkuð í kjölfar Klaustursmálsins.
Stuðningur við ríkisstjórnina jókst lítillega en 41,1% sögðust styðja ríkisstjórnina nú samanborið við 40,3% í síðustu mælingu.
Fylgi Pírata mældist nú 13,8% og mældist 14,4% í síðustu könnun.
Fylgi Framsóknarflokks mældist nú 11,7% og mældist 12,5% í síðustu könnun.
Fylgi Viðreisnar mældist nú 7,8% og mældist 8,5% í síðustu könnun.
Fylgi annarra flokka mældist 4,6% samanlagt.
Könnunin var framkvæmd var dagana 4.-14. janúar. 2061 einstaklingur svaraði.
Tractive er GPS-tæki fyrir gæludýr sem tengist við snjallforrit í snjallsímanum þínum. Þar getur þú rakið ferðir gæludýrsins í rauntíma og fengið upp nákvæma staðsetningu.
Virk rakning
Þú getur séð í rauntíma hvar loðni vinur þinn er þegar það skiptir mestu. Tractive hefur rauntíma rakningu en staðsetningin er uppfærð á 2ja-3ja sekúndu fresti. Það er enginn takmörkun á vegalengd sem tækið getur rakið gæludýrið, svo lengi sem það er staðsett á svæði með símasambandi. Tractive nýtist afar vel þar sem gæludýrið er laust eða hætta á að það sleppi, t.d. í sumarbústaðalandi, í sveit eða þegar haldið er í lengri gönguferðir.
Sýndarrafgirðing
Tractive bíður upp á stillingu fyrir sýndarrafgirðingu sem sendir þér skilaboð um leið og gæludýrið þitt fer út fyrir fyrirfram ákveðið svæði. Þannig getur þú stillt hvaða svæði er öruggt fyrir dýrið og færð tilkynningu þegar hætta er á að gæludýrið sleppi. Þetta er góð lausn fyrir t.d. hunda sem fá að vera lausir í garði eða haga, eða útiketti. Þá er t.d. hægt að stilla sýndarrafgirðingu utan um hverfið og fá tilkynningu ef kötturinn fer út fyrir sín heimkynni.
Staðsetningarsaga
Hefurðu einhverntímann velt því fyrir þér hvar gæludýrin eru þegar þú ert ekki á staðnum? Tractive vörurnar sýna þér ekki einungis hvar gæludýrið er, heldur einnig hvar það hefur nýlega verið. Þannig getur Tractive einnig nýst til að sjá hvar dýrið var staðsett síðast, jafnvel þótt rafhlaðan tæmist á meðan dýrið var úti. Rafhlaðan endist í 2-5 daga eftir notkun tækisins.
Vatnsþolið og nánast högghelt
Tractive er stórsniðug vara fyrir þau dýr sem vilja vera utandyra. Tractive er vel varið og vatnshelt. Ef gæludýrið ykkar elskar að vera utandyra og njóta frelsisins þá er Tractive rétta tækið fyrir ykkur. Einföld og smágerð hönnun sem truflar hvorki hreyfingu dýrsins né veldur því óþægindum. Gæludýrið þitt getur þess vegna haldið á vit ævintýranna og þú fylgist áhyggjulaus með í símanum.
Tractive GPS er hentugt á öll dýr yfir 4.5 kg í þyngd, ketti líka og upp í 35 kg þung dýr.
Það er gaman að gera vel við sig um helgar og nostra við ýmislegt í eldhúsinu, hvort sem það er bakkelsi eða aðrir réttir. Þessar súkkulaðibitamúffur eru virkilega gómsætar og lífga upp á daginn.
Hitið ofninn í 175°C og takið til múffuform og jafnvel stálform til að setja múffuformin í. Blandið hveiti, salti, lyftidufti og matarsóda saman í skál. Þeytið síðan smjör, sykur og púðursykur saman í annarri skál í nokkrar mínútur. Bætið eggi saman við og þeytið og síðan vanilludropunum. Bætið helmingnum af þurrefnunum saman og síðan helmingnum af mjólkinni. Endurtakið og blandið síðan súkkulaðibitunum varlega saman við með sleif eða sleikju. Deilið deiginu á milli múffuforma og bakið í 23 til 25 mínútur.
Ole Gunnar Solskjær sem stýrir Manchester United fram í maí ætlar ekki að feta í fótspor Jose Mourinho og búa á hóteli.
Mourinho bjó á Lowry hótelinu í tvö og hálft ár í miðborg Manchester, kona hans vildi áfram búa í London og Mourinho vildi ekki búa einn í eigin húsnæði.
Solskjær tók við United í desember þegar Mourinho var rekinn og hefur búið á Lowry hótelinu síðan. Það er að fara að breytast.
,,Ég ennþá á hótelinu en er búinn að finna mér íbúð og verð því ekki lengi í viðbót þarna,“ sagði Solskjær.
,,Ég hef verið að keyra um og finna rétta húsnæðið, ég er með vini hérna og ég er því ekki einn að hanga á hóteli.“
Solskjær gæti fengið starfið til framtíðar en liðið hefur unnið alla sex leikina undir hanst stjórn. ,,Ég hef elskað þetta, ég er spenntur á morgnana að fara til vinnu.“
Samkvæmt fréttum hefur Aaron Ramsey miðjumaður Arsenal skrifað undir samning hjá Juventus. Hann er samningslaus næsta sumar og gat því skrifað undir.
Samningurinn tekur gildi í sumar en fullyrt er að Ramsey muni hækka hressilega í launum.
Sagt er að Ramsey muni þéna 300 þúsund pund á viku sem gerir hann að næst launahæsta breska knattspyrnumanninum.
Juventus hefur í gegnum árin verið klókt að sækja sér leikmenn sem eru að renna út af samningi. Ramsey er einn af þeim.
Aðeins Gareth Bale þénar meira af breskum knattspyrnumönnum en Real Madrid borgar honum 350 þúsund pund á viku. Báðir koma frá Wales og munu leika utan Bretlands á næstu leiktíð.
Grunnskólakennari sem lést þann 19. desember síðastliðinn eftir stutta en erfiða baráttu við krabbamein var lagður til hinstu hvílu á miðvikudag. Var kennslukonan dáð af fyrrverandi nemendum sínum fyrir gott hjartalag og var kista hennar skreytt myndum sem þau teiknuðu handa henni.
Daginn sem Sue East lést, aðeins fimmtíu og átta ára gömul, hafði hún notað til þess að skrifa nemendum sínum bréf þar sem hún útskýrði veikindi sín og þakkaði þeim fyrir gleði og vináttu.
Í bréfið sem Metro birti skrifaði Sue meðal annars: „Aldrei gleyma því að það er hægt að finna álfaryk í hvaða stöðu sem er, sama hversu erfið hún er.“
Um sjö hundruð ungmenni, foreldrar, fyrrum nemendur og starfsmenn skólans mættu í jarðarför Sue í gær og var kistan umlukin teikningum af álfum, fiðrildum, hjörtum, regnbogum og álfaryki.
Skilaboð nemenda til kennara síns voru meðal annars að hún hafi verið: Uppáhalds kennarinn þeirra, skemmtileg, elskuleg, spennandi, glimmeruð, góð, ástrík, hafi kennt nemendum sínum að trúa á sjálfa sig og dreift álfaryki um allt.
Elsti sonur Sue, John, hélt ræðu um mömmu sína og greindi frá því hversu heppinn þau systkinin hafi verið með móður. Hún hafi ekki bara elskað þau systkinin, heldur öll önnur börn líka.
Þórhildur Sunna Ævarsdóttir, þingmaður Pírata, segir ekkert í íslenskum lögum koma í veg fyrir að valdamiklir menn geti látið nauðungavistað einstaklinga sem saka þá um kynferðisbrot. „Staðreyndin er sú að það er fáránlega auðvelt að fá varnarlausa manneskju nauðungarvistaða á Íslandi,“ segir Þórhildur Sunna í í grein á vef Stundarinnar í dag. Telur hún málflutning Aldísar Schram í garð föður síns, Jóns Baldvins Hannibalssonar, fyrrverandi utanríkisráðherra og sendiherra, vera trúverðuga. Líkt og DV hefur fjallað um síðustu daga sakar Aldís föður sinn um sifjaspell og að hafa misnotað aðstöðu sína sem sendiherra til að fá lögreglu til að gera aðför að sér.
„Framkoma samfélagsins, stjórnkerfisins og heilbrigðiskerfisins við Aldísi Schram er áfellisdómur yfir réttarríkinu á Íslandi og undirstrikar brýna þörf á víðtækum lagabreytingum til aukinnar verndar þeirra sem vistaðir eru nauðugir á geðdeild,“ segir Þórhildur Sunna. Aldís hefur framvísað vottorði þess efnis að hún sé heil á geði, þvert á fullyrðingar Jóns Baldvins, og vísað í opinber gögn máli sínu til stuðnings:
„Frásögn Aldísar dregur upp þá mynd að þarna hafi valdamikill maður í samfélaginu í krafti stöðu sinnar getað svipt dóttur sína frelsinu og ærunni. Þetta gat hann án nokkurs viðnáms frá því kerfi sem á að standa vörð um réttindi hennar. Jafnvel með fullu samþykki og aðstoð þessa sama kerfis.“
Þórhildur Sunna segir að frásagnir kvennanna vera átakanlegar og það sé umhugsunarefni hvers vegna það sé ekki staðið með þolendum, en sem betur fer hafi átt sér stað vitundarvakning á undanförum árum. Jafnvel á þeim sjö árum sem eru liðin frá því að Guðrún Harðardóttir birti klámfengnu bréfin frá Jóni Baldvin. Staðan sé þó enn slæm þegar kemur að réttarvörslu í nauðungarvistunarmálum:
„Staðan í dag er sú að ekkert í íslenskum lögum kemur í veg fyrir að sagan hennar Aldísar endurtaki sig. Í íslenskum lögum er ekkert sem tryggir að valdamiklir menn misnoti ekki stöðu sína og kerfið til þess að læsa þolendur sína og ásakendur inn á geðdeild og draga þannig úr trúverðugleika frásagna þeirra. Því miður er það svo á Íslandi í dag að lagaramminn sem gildir um nauðungarvistanir, hin svokölluðu lögræðislög, er svo veikur að það kæmi ekki á óvart þótt fleiri óhugnanleg dæmi um þetta leyndust í fortíðinni.“
Nú ríður ansi áhugaverður tískustraumur yfir Harajuka-svæðið í Tókíó. Kaffihúsið Sweet XO Good Grief bíður upp á ís sem heitir Unchi-kun, en Unchi-kun er smekklegt nafn yfir saur.
Ísinn nefnilega lítur alveg eins út og kúkur, þó að bragðið af honum sé alls ekki tengt nafninu. Ísinn er með súkkulaðibragði og hægt að fá alls kyns skraut á hann og jafnvel fylgihluti eins og eyru og kórónur.
Einn skammtur af ísnum kostar rúmlega sjö hundruð krónur en glöggir sjá að saurísinn minnir um margt á saurtjáknið fræga.
Þetta er ekki fyrsti staðurinn til að bjóða upp á mat í anda saurs þar sem veitingastaðurinn Modern Toilet í Tævan ber ýmsa rétti fram, svo sem núðlur og ís, í litlum salernisskálum.
„Fjällräven setur náttúruna alltaf í fyrsta sæti. Þaðan komum við og þangað ætlum við að fara. Við sigrum ekki fjöllin eða veðrið og temjum ekki árnar. Við förum okkur hægt og stígum ávallt varlega til jarðar.“
Náttúrunni allt
Útivistarmerkið Fjällräven ættu flestir Íslendingar að þekkja enda vinsælt hjá öllum kynslóðum og vörurnar fallegar, stílhreinar og endingargóðar. Fyrirtækið var stofnað í Örnköldsvik í Svíþjóð árið 1960 af ungum náttúruunnanda að nafni Åke Nordin. Síðan hefur markmið Fjällräven ætíð verið að skapa tímalausa og endingargóða útivistarvöru.
Fjällräven er ekki bara fyrirtæki sem framleiðir og selur töskur og fatnað, heldur er Fjällräven lífsstíll. Helsta markmið Fjällräven er að minnka þau skaðlegu áhrif sem fataframleiðsla hefur á umhverfið og því er hugsað út í hvert einasta skref þegar kemur að framleiðsluferlinu. Einnig eru eigendur Fjällräven meðvitaðir um að allt sem við gerum hefur áhrif á umhverfið. Heimspeki Fjällräven er sú að skilja við náttúruna eins og komið var að henni, eða betur.
Umhverfisvæn efni
Fjällräven velur efnin með endingu í huga, en einnig að þau hafi sem minnst neikvæð áhrif á umhverfið. Fjällräven reynir eftir fremsta megni að nota lífræn efni, en stundum þarf að fara aðrar leiðir. Fyrirtækið er þá sífellt á höttunum eftir nýjum efnum sem framleidd eru með umhverfisvernd að sjónarmiði og rannsóknum á efnunum sem það notar nú þegar og uppfærir efnalista sinn eftir því.
Endurunnin efni
Þess má geta að Fjällräven notar mikið endurunnin efni, svo sem endurunnið pólíester, endurunna ull og ullarafganga. Til dæmis má nefna að Re-Kånken er búin til úr endurunnu plasti úr ellefu plastflöskum. Efnið er svo litað með Spindye-tækni sem notar talsvert minna magn af vatni, orku og skaðlegum efnum en aðrar litunaraðferðir.
Dýrindis dúnn
Fjällräven tekur enn fremur þátt í svokölluðu dúnloforði (e. down promise). Allur dúnn sem Fjällräven notar er aukaafurð frá matvælaiðnaðinum auk þess sem hann er fullkomlega rekjanlegur. Fyrirtækið er að sama skapi mjög virkt í að kanna aðstæður fuglanna þaðan sem dúnninn kemur.
Tímalaus og klassísk hönnun
Hönnun Fjällräven er tímalaus og klassísk sem þýðir einfaldlega að hún fer ekki úr tísku. Ef þú kaupir Fjällräven vöru þá muntu geta notað hana um aldur og ævi. Efnin eru einstaklega slitsterk og endingargóð og flíkin endist töluvert lengur en ef um ódýrara efni væri að ræða. Þetta kemur í veg fyrir að fólk þurfi sífellt að kaupa nýjar flíkur eins og viðgengst í tískubransanum þar sem efni eru oft léleg og endast stutt.
Frægasti bakpoki í heimi
Flestir kannast við Kånken bakpokann, en hann var lausn Åke á bakvandamálum skólakrakka í Svíþjóð. Einföld og falleg hönnun hefur viðhaldið vinsældum pokans frá 1978 og er hann notaður úti um allan heim af fólki af öllum aldri.
Hjá Fjällräven Laugarvegi 67 fæst bakpokinn góði í ýmsum litum og stærðum auk þess sem verslunin býður upp á gott úrval af fatnaði og aukahlutum frá merkinu.
hannsythora. Og með því að fylgja Facebook síðunni minni 
Konan sem tók kettina að sér heitir Tracy Pitisci og færði hún þá á heimili sitt aðeins nokkrum klukkustundum eftir að þeir fæddust. Þegar kettlingarnir stækkuðu tók Tracy eftir því að einn kettlingurinn sem hún nefndi Aries var ólíkur hinum. Báðir afturfætur Aries voru snúnir sem gerði það að verkum að hann leit út eins og könguló.
Daginn sem Sue East lést, aðeins fimmtíu og átta ára gömul, hafði hún notað til þess að skrifa nemendum sínum bréf þar sem hún útskýrði veikindi sín og þakkaði þeim fyrir gleði og vináttu.
