„Vissulega þykir mér þetta ákaflega leiðinlegt,“ segir Tómas Tómasson, eigandi Hamborgarabúllu Tómasar, sem er eitt þeirra fjölmörgu fyrirtækja sem keyptu iðnaðarsalt af Ölgerðinni. Í samtali við DV.is segir Tómas Hamborgarabúlluna hafa verslað við heildsöluna Dreifingu í þrjátíu ár. Ölgerðin keypti fyrirtækið fyrir tæpu ári síðan að sögn Tómasar og stundaði því Hamborgarabúllan viðskipti við Ölgerðina. Á þessum tíma, eða tæpu ári sem Hamborgarbúllan hefur verslað við Ölgerðina, hefur búllan keypt salt fyrir 3600 krónur að sögn Tómasar.