Kristján leitar að syni sínum: Hefur þú séð Björn Heiðar?

Kristján Jóhann Matthíasson lýsir eftir syni sínum, Birni Heiðari, sem er týndur. Hann óskar eftir aðstoð almennings við leitina en að hans sögn hóf lögreglan leit að honum í gær. Björn Heiðar Kristjánsson er 16 ára og 162 sm að hæð.
Kristján segir í samtali við DV að hann vonist til að finna Björn Heiðar fljótt. Kristján sá son sinn síðast í gærmorgun þegar hann skutlaði honum í vinnuna. „Við erum búinn að þrengja hringinn. Hann er á Völlunum í Hafnarfirði,“ segir Kristján Jóhann.
Kristján biður þá sem vita um ferðir Björns Heiðar að hafa samband við lögreglu.
Uppfært kl. 17:30
Björn Heiðar er fundinn heill á húfi.