Fyrir þremur árum var skýrt frá því að margir bandarískir og kanadískir stjórnarerindrekar á Kúbu og fjölskyldur þeirra glímdu við undarleg veikindi. Heyrn fólksins var að stríða því, það glímdi við höfuðverk, svima og síþreytu. Þetta var kallað Havana-heilkennið. Bandarísk stjórnvöld kenndu yfirvöldum á Kúbu um og sögðu þau bera alla ábyrgð á veikindunum og Lesa meira
Árið 2012 hóf maður að nafni James Holmes skothríð í kvikmyndahúsi í Aurora í Colorado í Bandaríkjunum. Tólf létust í árásinni og sjötíu særðust. Fórnarlömbin voru gestir á miðnætursýningu Batman myndarinnar The Dark Knight Rises. Holmes kastaði táragasi inn í salinn og hóf skothríð. Þegar að sjálfvirkur riffill hans hætti að virka notaði hann haglabyssu.
Fréttamiðillinn Entertainment Weekly birti opið bréf frá nokkrum fórnarlömbum árásinnar í Aurora og ættingjum þeirra og var það stílað á Warner Bros., framleiðslufyrirtæki myndarinnar. Í bréfinu segjast skrifendur hafa alvarlegar áhyggjur af nýju Joker kvikmyndinni, sem væntanleg er í næstu viku, og áhrifum hennar.
Í umræddri kvikmynd leikur Joaquin Phoenix geðtruflaðan morðingja sem er málaður upp sem fórnarlamb. Þykir höfundum bréfsins líklegt að myndin eigi eftir að hvetja til ofbeldis þegar skotárásir hafa verið í auknum mæli undanfarna mánuði, að sé hættusvæði að túlka ógeðfellda persónu í líkingu við Jókerinn sem fígúru sem ætlast er til að áhorfandinn finni til með. Höfundar bréfsins segja það sláandi hversu margt persóna Phoenix á sameiginlegt með James Holmes – en báðar Joker og The Dark Knight Rises eru framleiddar af sama fyrirtæki.
„Skotárásin í Aurora hófst með félagslega einangruðum einstaklingi sem taldi samfélagið hafa svikið sig. Þetta atvik breytti lífi okkar og þegar við komumst að því að til stendur hjá Warner Bros. að gefa út kvikmynd með Jókernum í aðalhlutverki og er túlkaður sem einstaklingur með sorglega baksögu, þá frusum við öll…
Við styðjum að sjálfsögðu ykkar rétt til málfrelsis og túlkunarfrelsis, en allir sem hafa séð kvikmyndir byggðar á myndasögum vita að miklu valdi fylgir mikil ábyrgð,“ segir í bréfinu.
Joaquin Phoenix, aðalleikari myndarinnar, hefur svarað gagnrýninni og segir ábyrgðina ekki falla á fólkið sem framleiðir kvikmyndirnar. Á kvikmyndahátíðinni í Feneyjum var hann nýlega spurður út í möguleg áhrif myndarinnar á einstaklinga með geðræn vandamál og telur hann að flest fólk þekki muninn á réttu og röngu.
„Fólk er stöðugt að mistúlka texta úr lögum eða kafla úr bókum, þannig að mér finnst það ekki vera ábyrgð kvikmyndagerðarfólks að kenna áhorfendum lexíu um siðferði eða muninn á réttu og röngu. Mér finnst það nokkuð augljóst,“ segir hann.
Leikstjóri myndarinnar, Todd Philips, hefur einnig verið spurður út í þessi áhrif og tekur hann undir orð aðalleikara síns. Hann segir listformið vera snúið og hefur litlar áhyggjur af afleiðingum sem myndin gæti haft.
„List getur verið flókin og stundum er það tilgangur hennar. Ef þú vilt einfalda list skaltu snúa þér að skrautskrift, en kvikmyndagerð verður alltaf flókið listform.“
Stiklu úr kvikmyndinni Joker má sjá hér að neðan.
Sænski aðgerðarsinninn Greta Thunberg var ekki lengi að bregðast við eftir að Donald Trump Bandaríkjaforseti virtist hæðast að henni á Twitter.
Trump deildi ræðu hennar þar sem hún skammaði heimsleiðtoga fyrir aðgerðarleysi í loftslagsmálum. Í tísti Bandaríkjaforsetans hæðist hann að Thunberg og kallar hana hamingjusama stúlku sem hlakkar til yndislegrar framtíðar.
She seems like a very happy young girl looking forward to a bright and wonderful future. So nice to see! https://t.co/1tQG6QcVKO
— Donald J. Trump (@realDonaldTrump) September 24, 2019
Thunberg ákvað að bregðast við en í stað þess að svara Trump beint þá breytti hún lýsingu sinni á sér að Twitter aðgangi sínum í þá lýsingu sem hann kom með: „Afar hamingjusöm ung stúlka, sem hlakkar til bjartrar og yndislegrar framtíðar.“
Það er nú talað um það að það sé orðið heitt undir Mauricio Pochettino, stjóra Tottenham á Englandi.
Tottenham náði frábærum árangri í Meistaradeildinni á síðustu leiktíð og komst alla leið í úrslit.
Gengið í ensku úrvalsdeildinni var þó ekki gott undir lokin og hefur liðið ekki byrjað sannfærandi í haust.
Tölfræðin er hörmuleg undanfarna mánuði en Tottenham tapaði gegn Colchester í deildarbikarnum í kvöld.
Tottenham hefur aðeins unnið átta af síðustu 26 leikjum sínum og af þeim hafa 13 tapast.
Mauricio Pochettino’s last 26 games:
0⃣8⃣ — Won
0⃣5⃣ — Drawn
1⃣3⃣ — LostEnd of the road? pic.twitter.com/pDzQzPpzIV
— UtdArena. (@utdarena) 24 September 2019
„Skemmtileg reykvíska borgarastéttin og við heppin að eiga hana. Nú er Björn Bjarnason, fyrrum dómsmálaráðherra og mjög fínn maður aftur tekinn til starfa við að breiða út lygarnar og rógburðinn um að ég hafi stolið pening úr sjóðum Eflingar og framið ýmis glæpaverk.“
Svona hefst stöðufærsla hjá Sólveigu Önnu Jónsdóttur, formaður Eflingar, en þarna vísar hún í skrif Björns Bjarnasonar, fyrrverandi ráðherra Sjálfstæðisflokksins. Í bloggfærslu skrifar Björn að Sólveig hafi mánuðum saman neitað að ræða við starfsmenn sem þau ýttu til hliðar í hreinsunum sósíalistanna, eins og hann orðar það.
„Sólveig Anna telur sér hafa verið heimilt að beita fólkið ofríki að eigin geðþótta af því að hún hafi fengið 80% greiddra atkvæða í formannskjöri,“
segir Björn.
Sólveig veitir engan afslátt í færslu sinni um Björn og skrifar:
„Hann situr einhversstaðar, fancý karlinn sem hann er og ýtir á takka á lyklaborðinu sínu og um hann fer fiðringur þegar hann skrifar um að ég sé vondur sósíalisti og þess vegna viðbjóðslegt glæpakvendi, natural born lagabrjótur og þjófur. Gömlu góðu dagarnir rifjast upp, þegar að róttæklinga-pakki og derringnum í þeim var svarað á eina rétta og skynsamlega mátann, með lygum. Marg og þaulreynt bragð.
Eins og einhver sagði einhvern tímann: Ef þú bara heldur áfram að ljúga og lýgur sömu lyginni aftur og aftur þá mun fólk fara að trúa henni. Og sérstaklega flott að sjá fyrrum dómsmálaráðherra lýðveldisins brúka það af svona miklum og innilegum innblæstri. Flottur karl að takast á við áskoranir; hver er duglegastur að breiða út lygar um andstæðinga auðvaldsins? Skál, stirred, not shaken, fyrir Birni, hann er mjög mjög ofarlega á listanum.
Og af því að Björn er skemmtilegasta tegundin af fancý karli þá er skemmtilegt að sjá hvernig hann hefur ekkert fjallað um ríkislögreglustjóra, Harald Johannessen, þann hressa merkismann, vín-connoisseur (shaken, stirred, skvett á fólk) og meðlim borgarastéttarinnar. Fyrrum dómsmálaráðherra hefur ekkert að segja um þann æðisgengna hasar sem er að gera allar löggur og löggustjóra landsins vitlausa en hann lætur ekki sitt eftir liggja í að ljúga uppá mig glæpum. Hann kann sannarlega að forgangsraða, enda ávallt haft mikið að gera og verið mjög önnum kafinn.
Eitt sinn sagði Donald Rumsfeld, félagi Björns í því mikilvæga verkefni að hafa stjórn á pakkinu í heiminum og líka alltaf mjög önnum kafinn: As we know, there are known knowns; there are things we know we know. We also know there are known unknowns; that is to say we know there are some things we do not know.
Ég vil nota tækifærið og segja: Það er allskonar sem er vitað og annað sem er óvitað og enn fleira sem við vitum að við vitum og enn annað sem við vitum að við vitum ekki. En eitt er sannarlega vitað: Björn Bjarnason, fyrrum dómsmálaráðherra Íslands og fyrsta flokks borgarastétt er ömurlegur afturhaldstittur og mykjudreifari. Það er eitt af því sem er mest vitað af öllu vituðu. En mér finnst hann samt og reyndar þessvegna skemmtilegur. Af því það er óumdeilanlega svo gaman fyrir láglauna-róttæklinga-konu eins og mig að verða vitni að hræsni, yfirborðsmennsku og ömurð valdakarla. Og ef það er eitthvað sem ég hef lært á mínum 44 árum er það að reyna alltaf, alltaf að njóta þess að hlægja að pólitískum óvinum vinnuaflsins.“
Á föstudaginn höfðu tvær milljónir manna boðað komu sína að Area 51 í Nevadaeyðimörkinni í Bandaríkjunum. Ætlunin var að ryðjast inn á svæðið til að sannreyna hvort bandarísk yfirvöld hafi geimverur í haldi þar. En það voru aðeins 75 sem mættu til leiks og verða heimturnar að teljast ansi lélegar. Boðað var til viðburðarins á Lesa meira
Barcelona 2-1 Villarreal 1-0 Antoine Griezmann 2-0 Arthur 2-1 Santi Cazorla Barcelona vann mikilvægan sigur í spænsku úrvalsdeildinni í kvöld er liðið mætti Villarreal. Staðan var orðin 2-0 eftir 15 mínútur en þeir Antoine Griezmann og Arthur komust á blað. Santi Cazorla minnkaði muninn fyrir Villarreal undir lok fyrri hálfleiks en fleiri urðu mörkin ekki. Lesa meira
Í sumar tilkynnti streymisveitan Netflix að Breaking Bad kvikmynd væri væntanleg í haust. Myndin ber heitið El Camino og má búast við henni á Netflix þann 11. október. Nú er komið fyrsta sýnishornið úr kvikmyndinni sem aðdáendur þáttanna halda ekki vatni yfir. Stikluna má sjá hér að neðan en hún birtist fyrst í kringum Emmy-verðlaunahátíðina. Lesa meira
Arthur, leikmaður Barcelona á Spáni, skoraði galið mark í kvöld er liðið mætti Villarreal. Börsungar unnu 2-1 heimasigur í kvöld en Brassinn skoraði seinna mark liðsins í leiknum. Mark Arthur var það besta í kvöld en hann skoraði með stórbrotnu skoti langt fyrir utan vítateig. Krafturinn var gríðarlegur í skotinu og átti markvörður Villarreal ekki Lesa meira
David Luiz, leikmaður Arsenal, ætti að fá fyrirliðabandið hjá félaginu að mati Paul Merson. Granit Xhaka er yfirleitt með bandið hjá Arsenal þessa stundina en Unai Emery vill nota fimm fyrirliða. Merson er á því máli að Luiz sé besti kosturinn en hann kom aðeins til félagsins í sumar. ,,David Luiz verður að fá fyrirliðabandið, Lesa meira
Óhætt er að segja að langþráður draumur hjónanna Kristine Barnett og Michael Barnett hafi ræst í maí 2010 þegar þau ættleiddu stúlku að nafni Natalia Grace. Samkvæmt fæðingarvottorði var Natalia sex ára og hafði hún fæðst í Úkraínu en flutt til Bandaríkjanna tveimur árum fyrr.
Eftir að ættleiðingin gekk í gegn fór ótrúleg atburðarás í gang sem ekki enn sér fyrir endann á. Kristine og Michael fullyrða að Natalia sé fullorðin kona en ekki barn. Lögregla og saksóknarar eru ekki á sama máli. Eftir erfiða tíma þar sem Natalia er sögð hafa hótað og reynt að drepa hjónin flutti fjölskyldan til Kanada á meðan Natalie varð eftir í Lafayette í Indiana í Bandaríkjunum. Það vildi ekki betur til en svo að þau voru ákærð fyrir vanrækslu.
Natalia fæddist með fötlun og þjáist meðal annars af dvergvexti. Kristine lýsti atburðarásinni á ítarlegan hátt í viðtali við Mail Online.
Í viðtalinu kemur meðal annars fram að innan við ári eftir að ættleiðingin gekk í gegn hafi farið að bera á undarlegri hegðun hjá stúlkunni. Hún hafi til dæmis reynt að ýta Kristine á rafmagnsgirðingu og hellt klór í kaffið hennar. Þá hefði hún hótað að stinga hjónin meðan þau sváfu.
Hjónin segjast hafa farið með stúlkuna til lækna og sálfræðinga og árið 2012 hafi dómstóll í Marion-sýslu komist að þeirri niðurstöðu að Natalia væri að líkindum fædd árið 1989. Lögreglan í Tippecanoe-sýslu heldur því fram að Natalia hafi verið 9 ára barn þegar hún var skilin eftir í Indiana og þess vegna sæti hjónin ákæru fyrir vanrækslu. Kristine og Michael halda því hins vegar fram að hún hafi verið komin yfir tvítugt þegar hún var skilin eftir.
Atburðarásin minnir um margt á hryllingsmyndina The Orphan frá árinu 2009 þar sem ættleidd stúlka gerði fjölskyldu sinni lífið leitt. Síðar kom í ljós að hún var fullorðin. Í þessu tilviki er þó ekki um neinn skáldskap að ræða ef marka má frásögn Kristine og Michaels – frásögn sem ýmsir sem að málinu koma eiga bágt með að trúa.
„Kvikmyndin Orphan er nákvæmlega það sem gerðist. Hún skrifaði texta og teiknaði myndir þar sem hún sagðist vilja drepa fjölskylduna, rúlla þeim upp í teppi og koma þeim fyrir úti í garð,“ segir Kristine. „Hún stóð yfir okkur um miðja nótt og við áttum erfitt með svefn. Við földum alla beitta hluti,“ segir hún og bætir við að hún hafi séð með eigin augum þegar Natalie setti klór og hreinsiefni út í kaffið hennar. „Eitt sinn spurði ég hana hvað hún væri að gera og hún svaraði: „Ég er að reyna að drepa þig.“ Fjölmiðlar mála mig upp sem einhverskonar barnaníðing en staðreyndin er sú að það kemur ekkert barn við sögu hér.“
Kristine bætir við að Natalie hafi verið fullorðin kona og allt í fari hennar hafi bent til þess. „Hún hafði blæðingar, var komin með allar fullorðins tennurnar og stækkaði ekki um sentímetra sem þó gerist hjá börnum með dvergvöxt,“ segir hún. Þá bætir hún við að læknar hafi greint hana með andleg veikindi sem jafnan greinast aðeins hjá fullorðnum. „Hún stökk út úr bíl á ferð, smurði blóði á veggina og gerði hluti sem maður getur ekki ímyndað sér að barn geri,“ segir hún.
Þess er getið í umfjöllun Mail Online að Kristine og Michael hafi verið fyrirmyndarforeldrar. Þannig komu þau fram í viðtali við 60 Mínútur árið 2012 vegna sonar þeirra, Jacob, sem greindist með einhverfu tveggja ára. Hann var undrabarn í eðlisfræði og vakti gríðarlega athygli fyrir þekkingu sína á því sviði.
Þegar Natalia kom inn í líf fjölskyldunnar árið 2010 ráku þau hjónin dagheimili. Börn voru þeirra ær og kýr og segir Kristine að aldrei hafi annað staðið til en að Natalia yrði tekið fagnandi og opnum örmum.
„Ég vildi alltaf eiga stóra fjölskyldu en það gekk erfiðlega hjá mér að eignast sjálf börn. Þegar boðið kom um að ættleiða stúlkuna, sem þá var á fósturheimili í Flórída, ákváðu hjónin að bruna til Flórída þar sem gengið var frá nauðsynlegri pappírsvinnu. Þau fengu upplýsingar um að Natalia hefði búið í Bandaríkjunum í tvö ár og hefði fæðst í Úkraínu þann 4. september 2003. Hún þyrfti á heimili að halda strax því fyrri foreldrar hennar höfðu gefist upp á henni, af óútskýrðum ástæðum.
„Það var augljóst að hún þurfti á mikilli athygli að halda. Hún var taugaóstyrk,“ segir Kristine og bætir við að þau hjónin hafi veitt henni mikla athygli. Hana fór að gruna að ekki væri allt með felldu þegar hún sá stúlkuna nakta í fyrsta sinn. „Ég var að baða hana og tók eftir því að hún var með fullan hárvöxt á kynfærasvæðinu. Það var nýbúið að segja mér að hún væri sex ára en það var mjög augljóst að hún var eldri.“ Hjónin tóku eftir fleiru í fari stúlkunnar sem vakti athygli þeirra; hún lék sér ekki með dúkkur eða leikföng og sótti í félagsskap táningsstúlkna. Þá var orðaforði hennar mun betri en hjá jafnöldrum hennar og ekkert í tali hennar gaf til kynna að hún væri frá Austur-Evrópu. Hún talaði ekki með hreim og kunni ekki stakt orð í úkraínsku.
Kristine segir að hana hafi grunað að Natalia væri unglingur en ekki barn. Hún hefði fundið blóðug föt sem bentu til þess að hún hefði blæðingar en væri að reyna að fela það. Svo fór að Kristine fór með Nataliu til læknis þar sem beinþéttnimæling leiddi í ljós að hún var að minnsta kosti 14 ára gömul. Kristine segir í viðtalinu að hún hafi í raun ekki kippt sér mikið upp við þessa niðurstöðu þó grunur hennar hefði að einhverju leyti fengist staðfestur. En það var hegðun Natalia í kjölfarið sem vakti óhug hjá Kristine og Michael.
Kristine lýsir því að árið 2011 hafi Natalia orðið árásarhneigð, hótað þeim lífláti og andleg heilsa hennar og hegðun tekið miklum breytingum. Þetta varð til þess að Natalia var lögð inn á sjúkrahús í nokkur skipti þar sem hún dvaldi í nokkra daga eða vikur í senn. Það var svo árið 2012 að Natalia reyndi að draga Kristine á rafmagnsgirðingu, að sögn Kristine. Um svipað leyti segir Kristine að Natalia hafi viðurkennt að hún væri mun eldri en hún segðist vera. Þá hafa þau hjónin pappíra undir höndum frá geðlækni þar sem stúlkan er sögð viðurkenna að vera 18 ára.
Það var svo í júní 2012 að hjónin fengu aldur Natalia leiðréttan hjá dómstólum í Marion-sýslu. Það gerðu þau svo hún gæti fengið viðunandi heilbrigðisþjónustu fyrir fullorðna. Samkvæmt niðurstöðunni var réttur aldur Nataliu metinn 22 ára – hún hefði fæðst 4. september 1989 en ekki 4. september 2003. Þegar þessi niðurstaða kom var Natalia metin fullorðin hjá yfirvöldum í Indiana og því ábyrg fyrir sjálfri sér.
Kristine og Michael benda á að þrátt fyrir það hafi þau haldið áfram að styðja við hana og aðstoða hana. Þannig leigðu þau íbúð fyrir hana í ágúst 2012 og var hún undir eftirliti hjá Aspire Indiana sem er einskonar opinber heilbrigðisþjónusta Indiana-ríkis. Hún missti íbúð sína vegna ótilgreinds atviks og stigu hjónin þá aftur inn og leigðu fyrir hana íbúð í Lafayette svo hún yrði ekki heimilislaus. Kristine segir að þar hafi þær lagt á ráðin um að Natalia færi í skóla og sækti sér menntun til að eiga auðveldara með að fá starf. Kristine greiddi ársleigu fyrir Nataliu og sagði við hana að hún fengi fjárhagslegan stuðning í eitt ár til viðbótar. „Sem er það nákvæmlega sama og ég geri fyrir öll börnin mín.“
Þegar árið 2013 gekk í garð hafði Kristine gefið út sögu sonar síns, Jacob, undrabarnsins í eðlisfræði, sem var þá orðinn 21 árs. Þetta ár flutti fjölskyldan til Kanada, að sögn til að Jacob gæti lagt stund á nám í eðlisfræði í Waterloo í Ontario. Natalia varð hins vegar eftir í íbúðinni í Indiana. Kristine segir að um það leyti sem þau flutti til Kanada hafi Natalia verið hætt að svara símtölum frá henni. Hún segist hafa óttast að hún væri hætt að taka lyfin sín og léki sama leik og áður þegar hún þóttist vera barn við aðra fjölskyldu. „Ég hefði þvingað hana í meðferð en ég gat það ekki því hún var fullorðin.“ Kristine segist hafa heyrt í Nataliu síðast árið 2013 og þvertekur fyrir það að hafa yfirgefið hana.
Lögreglan í Tippecanoe-sýslu segir hins vegar að málið sé flóknara en Kristine lýsir. Þannig liggi fyrir vottorð frá lækni á Peyton Manning-barnaspítalanum sem framkvæmdi beinþéttnimælingu á Nataliu árið 2010. Samkvæmt þeirri mælingu var Natalie átta ára gömul. Önnur mæling, framkvæmd tveimur árum síðar, benti til þess að hún væri um það bil ellefu ára. Sjálf hafði Natalie samband við lögreglu árið 2014 þegar hún sagði að fjölskylda hennar hefði yfirgefið hana og farið til Kanada. Framburður hennar hafi verið trúverðugur og áreiðanlegur.
Óvíst er þó hvers vegna fimm ár liðu þar til rannsókn lögreglu lauk og ákæra var gefin út, en það gerðist þann 11. september síðastliðinn. Bæði Kristine og Michael voru handtekin en þeim var síðan sleppt gegn tryggingu. Ljóst er að ekki eru öll kurl komin til grafar í málinu en Kristine og Michael ætla berjast fyrir því að sanna sakleysi sitt í málinu. Líklegt þykir að önnur aldursgreining fari fram á Nataliu til að staðfesta, í eitt skipti fyrir öll, hvort hún sé barn eða fullorðin. Í frétt Mail Online kemur fram að óvíst sé hvar Natalie er niður komin í dag.
Aníta Rún Harðardóttir, tveggja barna móðir, Selfyssingur og bloggari, datt af hestbaki fyrir rúmu ári síðan. Á sínum tíma skrifaði Aníta færslu um atvikið og sagði meðal annars þar að gleðilegur reiðtúr varð að martröð á svipstundu. Í kjölfarið á þessu dvínaði alveg löngunin að koma nálægt hestum aftur. Aníta skrifar nýja færslu á Vynir.is Lesa meira
Ég sá menn sýta það hér á alnetinu að veitingahús sem nefnist Nonnabiti (pínulítið tvíbent heiti) sé að loka. Það er staðsett í Hafnarstræti. Ég gekk þar framhjá áðan og þá rann upp fyrir mér að Nonnabiti er til húsa í býsna merkilegu rými. Þar var í eina tíð Bókaverslun Snæbjarnar – eða The English Bookshop eins og hún hét líka.
Bókaverslun Snæbjarnar stóð á gömlum merg, opnaði fyrst í Bankastræti 1927 – stofnandinn var Snæbjörn Jónsson skjalaþýðandi. Í bókabúðinni var lögð áhersla á bækur á ensku, og þá ekki bara skáldskap, heldur líka fræðibækur, orðabækur og handbækur alls konar. Rekstrinum var hætt 1989.
Á árunum þegar ég var að fá áhuga á bókmenntum var hægt að fara býsna stóran túr milli bókabúða í Reykjavík. Mál & menning á Laugavegi var stæsta bókabúðin, með íslenskri deild á miðhæð, stórri erlendri deild á efstu hæð og svo var stofnuð sérstök barnabókadeild í kjallara. Mál & menning var líka eins konar félagsheimili – þar innan um bækurnar hitti maður alltaf eitthvað fólk sem maður þekkti.
Eymundsson var í Austurstræti þar sem búðin er enn – og á hæðinni fyrir ofan bókabúðina Café Tröð. Innar í Austurstrætinu var svo Bókaverslunin Ísafold. Báðar verslanirnar voru stofnaðar á 19. öld. Húsið þar sem Ísafold var til húsa var Austurstræti 8 – síðar var það flutt og hýsir nú Fiskmarkaðinn í Aðalstræti.
Í Lækjargötu var Bókabúð Braga Brynjólfssonar, og þar fyrir utan gjarnan skilti þar sem voru auglýst Ný dönsk blöð, en neðst á Skólavörðustígnum var Bókabúð Lárusar Blöndal.
Þá má ekki gleyma Bókaverslun KRON (Kaupfélags Reykjavíkur og nágrennis) sem var í einlyftu húsi á horni Bankastrætis og Skólastrætis. Þar var bóksalinn Þorvarður Magnússon og lagði sig fram um að selja góðar erlendar bækur. Þetta var ágæt menningarstofnun en flestum gleymd.
Svo má nefna allar fornbókaverslanirnar. Sú helsta var Bókin sem var á Skólavörðustíg en síðan á Laugavegi, þar réðu ríkjum Gunnar Valdimarsson og Snær Jóhannesson. Ég man eftir tveimur fornbókaverslunum á Hverfisgötu, ein var á Laufásvegi, og svo var ein í Hafnarstræti. Af henni fór misjafnt orð – þar voru seld þvæld klámblöð leynt og ljóst.
Bókabúðaflóran er óneitanlega einsleitari nú. Það er svo með lífið í borgum að svo margt hefur verið að hverfa sem var þar áður, bankaútibú, pósthús, plötubúðir, já og bókabúðir – þær eru fjórar eftir í Miðborginni, þrjár í eigu sömu verslanakeðju, og ein fornbókabúð. En kannski á maður bara að þakka fyrir það sem enn lifir.
PSG 0-2 Reims 0-1 Hassane Kamara 0-2 Boulaye Dia Paris Saint-Germain tapaði heldur óvænt í frönsku úrvalsdeildinni í kvöld er liðið mætti Reims. PSG hafði fyrir viðureignina tapað einum deildarleik 2-1 gegn Rennes í annarri umferð. Reims gerði sér lítið fyrir og vann PSG 2-0 í kvöld en mörkin skoruðu Hassane Kamara og Boulaye Dia. Lesa meira
Raunveruleikaþættirnir sívinsælu, The Biggest Loser, snúa aftur með nýja þjálfara. Þau Steve Cook og Ericu Lugo. People greinir frá.
Erica á mjög auðvelt með að setja sig í spor keppenda, en árið 2013 var hún 146 kg.
„Þeir treysta mér því ég var þarna,“ segir Erica um samband sitt við keppendur The Biggest Loser.
„Ég veit hvenær þau gráta á meðan þau gera burpee, ég hef verið þarna. Ég hef grátið sömu tárunum.“
Þyngdartapssaga Ericu byrjar árið 2013 þegar hún varð þreytt bara við það að standa upp úr sófanum svo hún gæti leikið við þriggja ára son sinn. Hún áttaði sig á því að ef hún myndi ekki gera einhverjar lífsstílsbreytingar fljótlega þá myndi hún ekki geta verið almennilega til staðar fyrir drenginn sinn.
Hún byrjaði á því að hreyfa sig. Hún mætti í vinnu klukkan 5 á morgnanna og fyrir það fór hún í ræktina. Hún missti 20 kg með því að fara á skíðavélina í fimm tíma í hverri viku og gerði einnig HIIT-æfingar.
Fljótlega stofnaði hún sinn eigin Instagram-aðgang þar sem hún deildi æfingum sínum, greindi frá þyngdartapi sínu og hjálpaði öðrum konum sem voru að byrja að hreyfa sig.
Í janúar á þessu ári var Erica greind með skjaldkirtilskrabbamein á öðru stigi. Hún fór í aðgerð og síðan geislameðferð og er í dag laus við krabbameinið. En þetta hafði mikil áhrif á hana, bæði andlega og líkamlega.
The Biggest Loser snýr aftur á USA sjónvarpsstöðina á næsta ári.
Manchester United er komið áfram í enska deildarbikarnum eftir leik við smálið Rochdale í kvöld. United var mun sterkari aðilinn í leik kvöldsins en tókst þó aðeins að skora eitt mark og það gerði Mason Greenwood. Luke Matheson jafnaði hins vegar metin fyrir Rochdale og tókst að tryggja liðinu vítaspyrnukeppni. Þar höfðu þeir rauðu þó Lesa meira
Það er búið að draga í 16-liða úrslit enska deildarbikarsins en 32-liða úrslitin kláruðust í kvöld. Það fara fram tveir stórleikir í næstu umferð en leikið er á Stamford Bridge og á Anfield. Chelsea fær Manchester United í heimsókn og getur hefnt fyrir 4-0 tap í fyrstu umferð deildarinnar. Á sama tíma þá þarf Arsenal Lesa meira
Við þekkjum öll hraðamyndavélarnar sem finna má á vegum víða en nú er ný tegund af myndavél farin að ryðja sér til rúms. Það er myndavél sem hefur það eina hlutverk að góma ökumenn sem eru í símanum undir stýri. Það eru yfirvöld í Nýju Suður-Wales, fjölmennasta ríki Ástralíu, sem eru með myndavélina á sínum Lesa meira
Alvaro Morata, leikmaður Atletico Madrid, átti líklega eina verstu innkomu sögunnar á Spáni í kvöld. Morata og félagar mættu Mallorca í efstu deild en framherjinn kom inná sem varamaður á 69. mínútu. Diego Costa og Joao Felix voru búnir að koma Atletico í 2-0 en Morata kom inná fyrir Costa. Morata entist aðeins í átta Lesa meira
ÍA 3-4 Breiðablik 0-1 Brynjólfur Darri Willumsson (10′) 1-1 Eyþór Aron Wöhler (67′) 2-1 Bjarki Steinn Bjarkason (79′) 2-2 Benedikt V. Warén (89′) 2-3 Ýmir Halldórsson (104′) 2-4 Benjamín Mehic (sjálfsmark, 113′) 3-4 Bjarki Steinn Bjarkason (123′) Breiðablik er bikarmeistari í 2. flokki karla eftir leik við ÍA í stórskemmtilegum leik í gærkvöldi. Það var Lesa meira
150 Lbs SW: 322 Lbs
