Ellefu ára stúlka hefur verið kærð fyrir hatursglæp, eftir að tíu ára stúlka þurfti að þola bæði andlegt og líkamlegt ofbeldi. Frá þessu greinir CNN. Atvikið átti sér stað í skólabíl í New York-fylki, Bandaríkjunum. Þrjár stúlkur áttu hlut í máli, tvær þeirrar voru hvítar, en fórnarlambið svart. Foreldrar fórnarlambsins fóru með málið til lögreglu. Lesa meira
El Hadji Diouf, fyrrum leikmaður Liverpool, hefur ekki mikla trú á sínu fyrrum félagi. Diouf telur að Liverpool geti ekki unnið deildina á þessu tímabili eftir að hafa verið einu stigi frá titlinum í maí. Diouf telur að það hafi verið tækifæri Liverpool og að þeir hafi sjálfir klúðrað málunum. ,,Ég sé ekki að þeir Lesa meira
Foreldrar hinnar fimm ára stúlku, Christine, í nágrenni Chicago í Bandaríkjunum áttu bágt með að trúa því þegar stúlkan kom hlaupandi inn og sagði að sléttuúlfur hefði hlaupið á eftir henni. Þegar þau kíktu á eftirlitsmyndavél við heimilið sáu þau þó að stúlkan sagði dagsatt frá. Sléttuúlfar geta verið hættulegir og eru dæmi um að Lesa meira
Ísland fellur um sex sæti í úttekt IMD viðskiptaháskólans á stafrænni samkeppnishæfni í ár og fer því úr 21. sæti niður í 27. sæti af 63 samkvæmt tilkynningu frá Viðskiptaráði. Um er að ræða sambærilega úttekt og IMD gerir á samkeppnishæfni ríkja í víðu samhengi, þar sem Ísland mælist í 20. sæti.
Niðurstaðan er sögð talsvert bakslag eftir hækkun síðustu ár og er Ísland nú komið í sama sæti og árið 2014. Lækkunin er sögð skýrast helst af lakara mati á hversu viðbúnir Íslendingar eru að takast á við breytingarnar framundan.
„Á tímum þegar tæknibreytingar eru hraðar og geta ríkja til að takast á við þær mun ráða árangri á ýmsum sviðum samfélagsins eru niðurstöðurnar umfram allt vonbrigði. Ísland þarf og á að gera betur til að tryggja stafræna samkeppnishæfni,“ segir í tilkynningunni.
„Það eru vonbrigði að Ísland falli í stafrænni samkeppnishæfni. Undanfarin ár hefur Viðskiptaráð lagt mikið upp úr því að fyrirtæki og hið opinbera taki á móti og nýti þau tækifæri sem felast í tæknibreytingum svo ljóst er að við þurfum að gera mun betur. Til að snúa við þróuninni og sækja fram þurfum við annars vegar að hlúa að styrkleikum Íslands og hins vegar bæta veikleikana. Í því samhengi höfum við tekið saman lista yfir nokkra af helstu styrkleikum og veikleikum Íslands. Vegna þess hve fámenn við erum munum við seint skora hátt á mælikvörðum eins og hversu hátt hlutfall vélmenna á heimsvísu er á Íslandi. Aftur á móti getum við gert betur í að laða til landsins alþjóðlega reynslu, auka flæði erlendra og íslenskra stúdenta yfir landamærin, nýta betur rannsóknir til að skapa viðskiptatækifæri og bæta úr stafrænni þjónustu hins opinbera.“
segir Ásta S. Fjeldsted, framkvæmdastjóri Viðskiptaráðs.
Stafrænni samkeppnishæfni er skipt í þrjá meginþætti:
Bandaríkin sitja sem fyrr í efsta sæti en þar á eftir koma Singapúr og Svíþjóð. Mjög litlar breytingar hafa orðið á efstu sætum fyrir utan að Holland hefur farið upp í 6. sæti en Noregur færst niður í 9. sæti. Öll hin Norðurlöndin eru því á topp tíu og langt fyrir ofan Ísland.
„Þetta er áhyggjuefni því Ísland vill almennt bera sig saman við hin Norðurlöndin og niðurstöðurnar gefa til kynna að við stöndum ekki jafn vel að vígi og þau þegar kemur að yfirstandandi tæknibreytingum,“
segir í tilkynningu.
Um úttektina
Úttekt IMD á samkeppnishæfni ríkja er ein sú umfangsmesta í heimi og hefur verið framkvæmd í meira en 30 ár. Viðskiptaráð Íslands hefur verið samstarfsaðili IMD hér á landi síðustu ár. Árið 2017 hóf IMD einnig sérstaka birtingu á stafrænni samkeppnishæfni í 63 ríkjum og er hún nú birt í þriðja sinn. Sú úttekt samanstendur af 51 undirþætti. Af þeim byggja 31 á haggögnum og 20 á alþjóðlegri stjórnendakönnun sem um 6.200 stjórnendur fyrirtækja og annarra samtaka taka þátt í.
El Hadji Diouf, fyrrum leikmaður Liverpool þolir í raun ekki félagið. Þessi fyrrum sóknarmaður frá Senegal er duglegur að tjá sig um málefni líðandi stundar hjá Liverpool, spádómar hans eru yfirleitt ekki mjög góðir. Diouf er líka illa við marga af sínum gömlu liðsfélögum, þá sérstaklega Jamie Carragher og Steven Gerrard. Diouf lék með Liverpool Lesa meira
Jón Þór Hauksson, landsliðsþjálfari A kvenna, hefur þurft að gera eina breytingu á hóp liðsins fyrir leikina gegn Frakklandi og Lettlandi. Sonný Lára Þráinsdóttir getur ekki tekið þátt í leikjunum vegna meiðsla. Í hennar stað kemur Ingibjörg Valgeirsdóttir, KR, inn í hópinn.
Hafdísi Hilmarsdóttur kennara tókst að gjörbreyta heimili sínu á mjög einfaldan hátt. Hún lét plasta innréttingar og hurðar heima hjá sér sem eru úr eik.
„Þær voru orðnar mjög appelsínugular og það var farið að pirra okkur,“ segir hún.
„Í dag líður okkur eins og við séum flutt í nýja íbúð. Þvílík breyting. Mér var hætt að finnast eins gaman að gera fínt heima hjá mér. En núna er það allt annað,“ segir Hafdís.
Hafdís valdi liti út frá borðplötunni og flísunum í eldhúsinu.
„Ég var að reyna að nota borðplötuna sem var grá og flísarnar, var svolítið bundin af því. Ég er rosalega sátt með útkommuna. Það birti til inn í skápunum. Þetta er ótrúlega flott og ótrúlega vel unnið,“ segir hún.
Hafdís segist mæla eindregið með fyrirtækinu Húsaföt. „Þvílíkir snillingar og fagmenn. Það var unun að horfa á þá vinna, allt stóðst hundrað prósent,“ segir hún.
„Mér skilst svo að það sé hægt að fjarlægja filmurnar með sérstökum blásara án þess að hurðarnar eða innréttingarnar skemmist.“
Hafdís vill undirstrika kosti þess að plasta frekar en að kaupa nýjar innréttingar þegar fólk vill gera upp heimili sín.
„Þetta er umhverfisvæn og góð leið til að breyta heima hjá sér. Kostar alveg helming af nýju eldhúsi með efni og vinnu. Ég held að þetta sé það sem koma skal, að við þurfum að nota hlutina betur,“ segir hún.
Sjáðu fleiri myndir hér að neðan.
Reykjavík Meat er einstakt steikhús í hjarta Reykjavíkur og fagnaði eins árs afmæli 6. september síðastliðinn. Kokkarnir sérhæfa sig í sérvöldum gæðasteikum sem eru grillaðar á viðargrillinu á staðnum. „Þetta gefur kjötinu þetta extra bragð sem fólk sækist eftir þegar það langar í virkilega góða steik. Við erum einnig með úrval af fisk- og veganréttum, frábæra forrétti og gómsæta eftirrétti til að enda kvöldið. Reykjavík Meat er með eitthvað fyrir alla,“ segir Hanna Kristín Eyjólfsdóttir, einn af eigendum staðarins.
Reykjavík Meat hefur hlotið verðskuldaða athygli fyrir fallega og hönnun og einstaklega notalegt andrúmsloft. „Við viljum að fólki líði vel þegar það kemur inn til okkar. Ljósin höfum við frekar dempuð sem skapar munúðarfulla og notalega stemningu. Staðurinn er einnig settur upp þannig að það sé ekki of mikill hávaði og fólk geti notið þess að tala saman og notið kvöldsins.
Við leggjum líka mikla áhersu á þjónustuna á staðnum og höfum fengið til liðs við okkur frábæra þjóna sem ráðleggja gestum okkar þegar kemur að því að velja af matseðlinum. Einnig eru þeir fróðir um vínið okkar og hjálpa gestum að sérvelja vín úr vínherberginu okkar sem passar sérstaklega fyrir gestinn og það sem hann er að fara að borða.“
Jólin á Reykjavík Meat
Frá og með 21. nóvember er um að gera að skella sér í girnilegan jólamatseðil hjá Reykjavík Meat. „Við verðum með fimm rétta jólaseðil sem kemur á borðið „family style“. Maturinn kemur þá á borð matargesta sem deila honum. Jólaseðillinn var með svipuðu móti í fyrra. Fólk tók svakalega vel í þetta og vildum við því halda í þetta form áfram í ár.“
Það minnir svo ótal margt á jólin
Á boðstólum er mikið um girnilega rétti sem minna óneitanlega á jólin. „Við verðum með tvíreykt hangilæri, heitreyktan lax og hreyndýr. Í aðalrétt verður svínasíða og nautalund með gómsætu meðlæti. Svo endar máltíðin á ris à l’amande í desert og smákökum með kaffinu til að kalla inn jólin endanlega.
Við bjóðum upp á flotta vínpörun með jólamatseðlinum. Þá pörum við sérvalið vín úr vínherberginu okkar, sem við köllum hjarta staðarins. Einnig verða nokkrir vel valdir jólakokteilar sem og ilmandi og hlýtt jólaglögg.“
Borðapantanir eru í síma 557-7665 og á netfanginu rvkmeat@rvkmeat.is. Sjá nánar á Facebooksíðunni: RVK Meat og vefsíðunni rvkmeat.is.
„Banki sem græddi 3 milljarða króna á fyrri helming ársins rak í dag 100 manns til að bæta um um einum milljarði við hagnað sinn. Bankastjórinn barmaði sér yfir erfiðum rekstri og einkum fyrir að þurfa að borga skatt til ríkissjóðs. Og fjármálaráðherra tekur undir að lækka verði skatta á bankanna. Svo þeir geti grætt meira. Svona var ein fréttin hjá Ríkisútvarpinu í kvöld.“
Svo skrifar Gunnar Smári Egilsson, sósíalistaforingi, eftir fregnir gærdagsins þegar Arion banki sagði upp 100 starfsmönnum vegna hagræðingar í rekstri. Ljóst er að Gunnar Smári tekur annan pól í hæðina heldur en Hörður Ægisson hjá Fréttablaðinu, sem sagði í blaði dagsins að fækkun bankastarfsmanna á liðnum árum væri ekki nóg.
Sjá nánar: Hörður um mikla fækkun bankastarfsmanna á Íslandi – „Það er of lítið“
Gunnar undrast að það sé rætt af alvöru, að bankarnir séu ekki að fá nóg, eftir milljarða hagnað síðustu ár:
„Hvað vilja mennirnir? Bankarnir hafa sogað upp úr þjóðlífinu um 2% af landsframleiðslu frá Hruni, meira en tvöfalt meira en t.d. í Bandaríkjunum, þar sem það er viðurkennd staðreynd í samfélagsumræðunni að bankarnir séu krabbamein á fólki og fyrirtækjum. Hér er hins vegar í alvörunni rætt um það í útvarpi ríkisins af fréttamönnum þar og af fjármálaráðherra, sem ætti að gæta hagsmuna almennings, að bankarnir fái ekki nóg, að tryggja þurfi þeim þyngra pund af líkama almennings. Við lifum sturlaða tíma. Þessi frétt var af samfélagi sem misst hefur vitið.“
Gunnar nefnir að máske hefði RÚV mátt vera með annarskonar vinkil á frétt sína um uppsagnir Arioan banka:
„Ef eitthvert vit væri í fréttastofu Ríkissjónvarpsins hefði fréttin átt að snúast um fullkomið ábyrgðarleysi eigenda Arionbanka að segja upp 100 starfsmönnum þegar niðursveifla er hafin í efnahagslífinu til þess eins að auka hagnað bankans til að geta greitt sér meiri arð. Og fréttastofan hefði átt að afhjúpa innihaldsleysi þeirra kenninga sem fjármálaráðherrann byggir stefnu sína á, um að eðlilegt sé að reka fyrirtæki aðeins út frá hagsmunum hluthafa og getu þeirra til að greiða út arð, en ekki út frá hagsmunum starfsfólks, samfélags og umhverfis. Þau eru fá eftir í heiminum sem enn halda að fyrirtæki sé aðeins hægt að meta út frá arðgreiðslum til eigenda, en því miður stjórna þau Íslandi, sitja í ríkisstjórn, reka bankanna og segja okkur fréttir á vegum ríkisins.“
„Á þeim níu mánuðum sem ég hef verið í veikindaleyfi hef ég ekki heyrt frá yfirmönnum mínum, starfsmannastjóra né öðrum sem eru í forsvari hjá Tollstjóraembættinu, þetta er þá öll umhyggjan fyrir velferð starfsfólksins!“
Þetta segir Björgvin V. Björgvinsson tollvörður í aðsendri grein sem hann skrifar í Morgunblaðið í dag. Björgvin segir farir sínar af samskiptum við tollstjóraembættið ekki sléttar en hann er starfsmaður embættisins til 30 ára. Björgvin kveðst hafa lent í vinnuslysi í janúar 2018 sem orsakaði 20 prósenta örorku hjá honum í baki.
„Dagarnir hjá mér voru æði misjafnir og oft var ég með mikla verki. Um haustið þetta sama ár tók mér að versna og var þá svo komið að ég gat ekki sinnt verklegum hluta starfsins né klæðst skotheldu vesti, vesti þetta vegur 8,5 kg. Ekki var gerð nein athugasemd varðandi þetta hjá yfirmönnum mínum. Ég var í sjúkraþjálfun allt þetta ár en það virtist ekki hjálpa mér nema að litlu leyti.“
Það var svo þann 15. október að hann fékk vottorð frá heimilislækni um að hann gæti ekki klæðst skothelda vestinu við dagleg störf.
„Hinn 5. desember var hringt í mig frá einkafyrirtækinu Heilsuvernd þar sem ritari tjáði mér að ég skyldi mæta til trúnaðarlæknis og hvaða tími myndi henta mér. Þar sem ég var búinn að fá vottorð hjá mínum heimilislækni þá taldi ég enga ástæðu til þess að hitta trúnaðarlækni tollstjóra,“ segir Björgvin og vísar í lög um réttindi sjúklinga máli sínu til stuðnings. Segir hann að starfsmönnum tollstjóra beri engin skylda til að fara til trúnaðarlæknis.
„Það var síðan hinn 4. janúar 2019 sem ég fékk tölvupóst frá fyrrverandi formanni Tollvarðafélagsins og núverandi yfirtollverði þess efnis að mér bæri að fara í veikindaleyfi frá og með 7. janúar 2019, ástæðan var sögð umrætt læknisvottorð frá 15. október 2018. Ég var því settur í veikindaleyfi fyrirvaralaust frá og með 7. janúar sl., þetta varð mér að sjálfsögðu mikið áfall og það fyrsta sem fór í gegnum hugann var að fá skýringar á þessari framkomu. Ég óskaði því eftir fundi með starfsmannastjóra. Umræddur fundur var haldinn þriðjudaginn 8. janúar þar sem mætt voru yfirtollvörður, starfsmannastjóri, formaður Tollvarðafélags Íslands og undirritaður. Efni fundarins var það að fá skýringar á þeirri stöðu sem upp var komin.“
Björgvin segir að skemmst sé frá því að segja að hann fékk engin svör við þeim spurningum sem hann bar upp, til dæmis hversu lengi hann ætti að vera í veikindaleyfi. Þannig hafi hann spurt starfsmannastjórann átta sinnum hver hefði tekið ákvörðun um að hann ætti að fara einhliða í umrætt veikindaleyfi. Það mun hafa verið aðstoðartollstjóri og segist Björgvin vera búinn að bíða eftir viðtali við hann í átta mánuði – án árangurs.
„Fyrrverandi formaður Tollvarðafélagsins og núverandi yfirtollvörður hafði lítið til málanna að leggja annað en að glotta að þeim skýringum sem ég lagði fram eins og til dæmis þeim er varða „réttindi sjúklinga til að velja sér lækni sem hentar best“. Formaður Tollvarðafélagsins kom með tillögu um hvort ég gæti verið í 80% vinnu og 20% veikindaleyfi en því var fljótsvarað af starfsmannastjóra „tollverðir geta ekki verið í hlutastarfi“. Það var því ákvörðun embættisins að senda mig fyrirvaralaust í veikindaleyfi, mér var enginn annar kostur gefinn. Ég var sem sagt kominn í veikindaleyfi og næstu mánuðir urðu mér mjög erfiðir andlega.“
Þar með er ekki öll sagan sögð því lok mars á þessu ári var hann á göngu við heimili sitt þegar hann fékk mikinn verk fyrir brjóstið sem leiddi út í báða handleggi. Hann skildi ekki í fyrstu hvað var í gangi en áttaði sig á því að hann hlyti að vera á fá hjartaáfall.
„Þetta reyndist rétt því ég var fluttur á Landspítalann við Hringbraut með sjúkrabifreið beint á hjartadeild Landspítalans, ég fór síðan í aðgerð daginn eftir. Mér var tjáð af læknum eftir aðgerðina að ég væri heppinn að vera á lífi og þakka ég Guði fyrir það.“
Björgvin segir að margar spurningar hafi vaknað hjá honum þegar hann lá á Landspítalanum um það hvernig á því stæði að hann hafi fengið hjartaáfall. Hann hafði aldrei reykt og hafði engin líkamleg einkenni sem gætu bent til þess að hann vær í áhættuflokki varðandi hjartaáfall.
„Þegar ég hafði sagt læknunum mína sögu um framkomu embættisins við mig og þá andlegu krísu sem ég hafði gengið í gegnum á undanförnum mánuðum þá töldu þeir ekki ólíklegt að þetta hefði haft veruleg áhrif á þessi veikindi mín. Þessi einhliða ákvörðun hefur því skaðað mig fyrir lífstíð. Frá því að þetta gerðist þá hef verið á Reykjalundi í endurhæfingu. Því miður hefur batinn ekki verið mikill.“
Björgvin er verulega óhress með tollstjóraembættið sem hann segir stæra sig af merkilegri mannauðsstefnu. Vísar hann í heimasíðu embættisins þar sem segir að tollstjóri beri umhyggju fyrir velferð starfsfólks.
„Á þeim níu mánuðum sem ég hef verið í veikindaleyfi hef ég ekki heyrt frá yfirmönnum mínum, starfsmannastjóra né öðrum sem eru í forsvari hjá Tollstjóraembættinu, þetta er þá öll umhyggjan fyrir velferð starfsfólksins! Í rúm 30 ár hef ég starfað hjá embættinu, þetta hefur verið ævistarf mitt. Vonandi eru yfirmenn og starfsmannahald stolt af sínum verkum, það munaði ekki miklu að þetta fólk hefði líf mitt á samviskunni!“
Lögreglan á höfuðborgarsvæðinu handtók tvo ölvaða menn í Austurstræti á þriðja tímanum í nótt. Mennirnir eru grunaðir um þjófnað og fjársvik, en þeir eru sagðir hafa reynt að koma fölsuðum peningum í umferð. Í skeyti frá lögreglu kemur fram að mennirnir hafi verið vistaðir í fangageymslu lögreglu. Nóttin var að öðru leyti nokkuð róleg í Lesa meira
Hlaðvarpsþátturinn, 90 mínútur heldur áfram á fullu fjöri en um er að ræða þátt sem Hörður Snævar Jónsson, ritstjóri 433.is stýrir. Þátturinn hefur notið mikilla vinsælda en afar áhugaverðir gestir hafa komið í þáttinn.
Gestur þáttarins að þessu sinni er Skúli Jón Friðgeirsson sem hefur leikið sinn síðasta leik á ferlinum, aðeins 31 árs gamall. Skúli hefur átt geggjaðan feril með KR og lék í 3 ár í Svíþjóð. Hann hefur leikið fyrir öll landslið Íslands og gengur stoltur frá borði. Við gerum upp feril Skúla í þessu áhugaverða spjalli.
Í þættinum sem var birtur í dag ræðir Skúli Jón um atvik sem átti sér stað árið 2012, þá voru tveir breskir leikmenn að níða honum skóinn, á samfélagsmiðlum. Steven Lennon og Gary Martin hökkuðu þá Skúla Jón í sig.
Lennon þá leikmaður Fram hafði skorað fimm mörk í sigri á KR í Lengjubikarnum og Martin reið á vaðið á twitter. „Númer 7 í vörninni hefur tvo gíra. Hann er svakalega fljótur,“ skrifaði Gary, léttur.
Lennon svaraði. „Var hann ekki valinn í landsliðið? Ég hef spilað við betri leikmenn í yngri flokkunum,“ sagði Lennon en skömmu síðar samdi Skúli Jón við Elfsborg í Svíþjóð og varð sænskur meistari.
Skúli man eftir málinu þegar við ræðum það við hann. ,,Ég tók þetta eitthvað inn á mig þó að maður hafi vitað að þetta hafi verið tveir vitleysingar á Twitter,“ sagði Skúli Jón um málið.
Skúli var ekki í góðu formi þegar þarna kom við sögu og játar því. ,,Ég man að þessi leikur gekk ömurlega, þetta var eftir einhvern leik gegn FH. Ég fann að ég var ekki í svaka standi.“
,,Þetta er áður en ég fer svo út. Það sýndi að ég hefði mátt vera í betra standi. Ég held að ég hafi áttað mig á því frekar fljótt að þetta væri bara banter eins og þeir segja sem er aðeins kvikindislegra en Íslendingar grínast með.“
Skúli lét það vera að fara á sama plan og svara þeim en vinir hans sáu um það. ,,Þó að margir aðrir hafi verið mjög pirraðir og svarað þessum mönnum fyrir mína hönd þá var ég frekar rólegur yfir þessu.“
Viðtalið við Skúla má heyra hér að neðan.
Unai Emery, stjóri Arsenal hefur ákveðið að Granit Xhaka sé nýr fyrirliði liðsins. Hann hefur borið bandið á þessari leiktíð. Emery fékk leikmenn félagsins til að kjósa um fyrirliða og notaði atkvæði leikmanna til að velja Xhaka. Xhaka er nokkuð umdeildur á meðal stuðningsmanna Arsenal, ekki eru allir á því að hann sé neitt sérstaklega Lesa meira
Pálmi Rafn Pálmason og Aron Bjarki Jósepsson skrifuðu báðir undir nýja samninga við KR í dag. Fótbolti.net segir frá. Pálmi skrifaði undir nýjan eins árs samning og Aron undir tveggja ára samning. Báðir koma frá Húsavík og hafa reynst KR vel, Pálmi hefur verið frábær í sumar þegar KR varð Íslandsmeistari. Aron Bjarki var í Lesa meira
Þetta var ósköp venjulegur mánudagur þar til starfsfólkið leit út um gluggann og sá par stunda kynlíf í byggingunni á móti.
Parið hafði sleppt því að draga fyrir gluggann. Það má hugsanlega reikna með að það hafi verið gert viljandi, því athæfið fór ekki fram hjá neinum sem sá inn um gluggann, og nutu þau ásta alveg upp við gluggann. The Sun greinir frá.
Myndbandi af athæfinu var deilt á Twitter. Starfsmaður, á ónefndum vinnustað í byggingunni á móti parinu, tók upp myndbandið og má hlátrasköll starfsfólksins.
Exhibitionists or Monday morning bend unawareness? pic.twitter.com/BRWwdzNoq8
— B Cardi (@browncardigan69) September 23, 2019
Tveir leikmenn Derby á Englandi hafa verið ákærðir fyrir ölvunarakstur en þeir keyrðu á hvorn annan á þriðjudag. Lögreglan var kölluð til eftir að Range Rover og Mercedes bifreið skullu saman. Það voru þeir Mason Bennett og Tom Lawrence leikmenn Derby sem voru undir stýri, þeir voru að koma úr gleðskap með leikmönnum Derby. Ricard Lesa meira
Sólberg Ásgeirsson hefur verið dæmdur í 12 mánaða skilorðsbundið fangelsi fyrir umfangsmikinn fjárdrátt. Sólberg dró að sér rúmlega 12 milljónir króna á meðan hann var ólaunaður stjórnarmaður Ungmennafélags Grundarfjarðar. Fjárdrátturinn stóð yfir í rúm 6 ár og skiptist niður í 248 tilvik. Sólberg hafði aðgang að fjórum bankareikningum Ungmennafélagsins og lagði pening af þeim reikningum Lesa meira
Kasper Dolberg, framherji Nice í Frakklandi er gjörsamlega brjálaður. Liðsfélagi hans stal úrinu hans í klefanum. Ekki er um að ræða neitt venjulegt úr en úrið sem Dolberg átti kostar 62 þúsund pund, rúmar 9 milljónir íslenskra króna. Dolberg er danskur sóknarmaður sem Nice keypti í sumar frá Ajax. Úrið var í skápnum í klefanum, Lesa meira
„Við ætlum að vera leiðandi í sjálfbærri þróun. Við ætlum að hafa samkeppnishæfni að leiðarljósi og starfa í sátt við land og þjóð. Við ætlum að setja arðsemi framar fjölda ferðamanna, vinna að ávinningi heimamanna um allt land, gæta jafnvægis milli verndar og nýtingar og miða að einstakri upplifun, gæðum og fagmennsku. Það er mikilvægur áfangi að allir helstu hagsmunaaðilar séu sammála um þessa framtíðarsýn og þessi leiðarljós. Og Jafnvægisásinn tryggir að við munum beina kröftum okkar í rétta átt til að ná settu marki,“
segir Þórdís Kolbrún R. Gylfadóttir, Ferðamála-, iðnaðar- og nýsköpunarráðherra, í tilkynningu um Jafnvægisás ferðamála og Framtíðarsýnina, sem felur í sér háleit markmið um ferðaþjónustuna til næsta ára.
„Íslensk ferðaþjónusta á að vera leiðandi í sjálfbærri þróun,“ segir í tilkynningunni. Þetta er megináherslan í nýrri framtíðarsýn og leiðarljósum ferðaþjónustunnar til ársins 2030 sem unnin var í sameiningu af ráðuneyti ferðamála, Samtökum ferðaþjónustunnar og Sambandi íslenskra sveitarfélaga.
Til að styðja við framtíðarsýnina hafa einnig verið sett niður markmið um að árið 2030 verði heildarútgjöld ferðamanna 700 milljarðar króna, yfir 90% landsmanna verði jákvæð í garð ferðaþjónustu, meðmælaskor erlendra ferðamanna verði hærra en 75 og virkri álagsstýringu hafi verið komið á.
Á vefnum anr.is/framtidarsyn má finna myndband um verkefnið, öll gögn og fræðslu um Jafnvægisásinn og Framtíðarsýnina.
Myndband um verkefnin:
Hrafnkeli Dwight Batson hefur verið dæmdur í 12 mánaða fangelsi fyrir ýmis brot. Eitt þeirra vakti þó sérstaka athygli í sumar. Þann 25. júlí rændi hann karlmann við Fjölbrautarskólann við Ármúla. Maðurinn hugðist selja Breitling-úr, sem yfirleitt eru mjög dýr enda lúxusvara, en Hrafnkell neyddi hann til að afhenda sér úrið. Hrafnkell hótaði honum með Lesa meira
