Atletico Madrid 0-0 Real Madrid Það eru örugglega einhverjir sem vilja fá endurgreitt eftir að hafa séð stórleik kvöldsins á Spáni. Atletico Madrid fékk Real Madrid í heimsókn í grannaslag en leikurinn var alls ekki frábær. Stuðningsmenn fengu engin mörk í viðureign sem endaði með markalausu jafntefli. Real átti fleiri marktækifæri í leiknum en það Lesa meira
Þættirnir Baywatch fóru upprunalega í sýningar á sjónvarpsstöðinni NBC í september árið 1989, eða fyrir þrjátíu árum. Þótt upphafið hafi gengið brösulega og fáir haft trú á þáttunum urðu þeir fljótt vinsælustu þættir í heimi, sem hafa síðan þá alið af sér hliðarþætti (e. Spin-off), sjónvarpsmyndir og kvikmynd í fullri lengd. Fókus leit á þrjátíu magnaðar staðreyndir um þættina á þrjátíu ára afmælinu.
Nafnið Baywatch vísar í björgunarbáta sem hafa haft eftirlit með ströndum Suður-Kaliforníu áratugum saman.
Það var lífvörðurinn Greg Bonann sem fékk hugmyndina að þáttunum þegar hann byrjaði að starfa við öryggisvörslu á ströndum í Los Angeles árið 1970, þá aðeins sautján ára gamall.
Bonann kynnti þáttinn fyrir öllum í sjónvarpsbransanum sem hann fékk fund hjá í heilan áratug. Hann hélt áfram að vinna sem lífvörður í hlutastarfi en hóf einnig störf hjá markaðsfyrirtæki.
Svo gripu örlögin í taumana og systir Bonann trúlofaðist handritshöfundinum Doug Schwartz sem hafði gert fjölmargar sjónvarpsmyndir með frænda sínum og viðskiptafélaga, Michael Berk. Bonann bauð þeim Schwartz og Berk að koma með sér á árlegu lífvarðaleikana og þeir sannfærðust um að hugmyndin væri góð.
Brandon Tartikoff, fyrrverandi forstjóri NBC, var sá fyrsti sem kveikti á hugmyndinni og pantaði sjónvarpsmynd árið 1988 sem myndi verða fyrsti þátturinn (e. Pilot) af Baywatch. Bonann, Berk og Schwartz skrifuðu handritið á þremur mánuðum.
Meðal leikaranna sem komu til greina í hlutverk lífvarðarins Mitch Buchannon voru hjartaknúsarinn Lorenzo Lamas úr Falcon Crest, The Dukes of Hazzard-stjarnan Tom Wopat og breski leikarinn Adrian Paul, sem átti síðar eftir að slá í gegn í sjónvarpsþáttunum Highlander. Tartikoff stakk upp á að prófa David Hasselhoff í hlutverkið, en hann hafði leikið í þáttunum Knight Rider sem voru sýndir á NBC.
Hasselhoff var á þessum tíma mjög vinsæll söngvari í Þýskalandi og Austurríki og vildi ekki leika í Baywatch í fyrstu. Hann kallaði þáttinn „Knight Rider í sundfötum“. Hann lét hins vegar sannfærast að lokum.
Framleiðendur þáttanna vildu fyrst gera þætti um hversdagsleg ævintýri lífvarða en NBC vildi tvinna það saman við morðgátur og dularfull sakamál.
Erika Eleniak, sem lék Shauni McClain, var næstum því rekin þegar að forsvarsmenn NBC komust að því að hún hefði setið fyrir nakin fyrir Playboy. Framleiðendur börðust fyrir henni, en þeir töldu hana betri í hlutverkið en til að mynda Teri Hatcher, Neve Campbell og Alicia Silverstone, sem allar komu til greina. Susan Glicksman, sem sá um leikaravalið, sagði í viðtali við Esquire árið 2012 að leikkonan Sandra Bullock hefði einnig verið orðuð við hlutverkið en hefði hætt við á síðustu stundu. Svo fór að Erika hélt hlutverkinu.
Shawn Weatherly var ráðin til að leika Jill Riley á síðustu stundu og kom þar í staðinn fyrir Pamelu Bowen eftir að hún fríkaði út á settinu. Þá kom í ljós að Bowen var logandi hrædd við vatn.
Þó að fyrsti þátturinn hafi verið tekinn upp í Los Angeles í þægilegum hita þá var samt ekki nógu heitt þannig að framleiðslan var flutt til Havaí. Þar var hitastigið fullkomið en hins vegar svamlandi hákarlar í hafinu. Því þurftu menn með deyfibyssur að passa upp á „lífverðina“.
Það var tekinn upp annar fyrsti þáttur fyrir evrópskan markað en helsti munurinn á bandaríska og evrópska þættinum var að það var nekt í þeim síðarnefnda.
Bonann ákvað að fara með framleiðendum og handritshöfundum þáttanna á Venice Beach til að skoða tökustaði eftir að þeir fengu þær fréttir að þeir þyrftu að gera tólf þætti til viðbótar af Baywatch. Skyndilega hljóp drengur að Bonann og sagði honum að bróðir sinn væri að drukkna. Bonann stakk sér til sunds, fann drenginn, hóf endurlífgun og bjargaði lífi hans. Hann fékk sérstaka viðurkenningu frá Los Angeles fyrir björgunina.
Shawn Weatherly fékk fljótt leiða á hlutverki Jill þannig að hún ákvað að yfirgefa þáttinn eftir eina þáttaröð. Hún var skrifuð út með því að hákarl réðst á hana með þeim afleiðingum að hún lét lífið.
Á þessum tíma var sjórinn fullur af rusli og öðrum vafasömum efnum þannig að sjúkraliðar þurftu að sótthreinsa leikarana um leið og þeir komu úr vatninu. Þá voru öll líkamsop úðuð með sótthreinsi eins og Billy Warlock, sem lék Eddie Kramer, hefur lýst.
Þó að Baywatch hafi verið vinsælasti þáttur NBC á föstudagskvöldum þá voru viðtökurnar ekki í samræmi við það. Þess vegna var framleiðslu á þáttunum hætt eftir 22 þætti. Enn fremur var verið að loka kvikmyndaverinu á bak við framleiðsluna, GTG.
Frændi Berk og Schwartz, Sherwood Schwartz, maðurinn á bak við Gilligan‘s Island og The Brady Bunch, ráðlagði frændum sínum að kaupa réttinn að þáttunum af GTG, sem þeir gerðu fyrir tíu dollara. Þeir báðu Hasselhoff um að taka á sig fimmtíu prósenta launalækkun og fá hlutverk framleiðanda. Hann samþykkti það og tengsl hans í Þýskalandi tryggðu þeim þrjú hundruð þúsund dollara fjármagn á þátt frá meginlandi Evrópu. Þess vegna lifði þátturinn áfram til ársins 2001 og náði þegar mest lét til rúmlega milljarðs manna í 142 löndum í hverri viku.
Eleniak og Warlock, sem léku Shauni og Eddie, voru ástfangin bæði fyrir framan og aftan myndavélina. Sögusagnir fóru á kreik um að þau hafi beðið um of há laun og þess vegna hafi þau hætt eftir annan þátt í þriðju þáttaröð. Þau giftu sig síðan og fluttu til Ástralíu, en ástin slokknaði að lokum. Warlock sneri aftur til að leika í þáttunum Baywatch Nights og sjónvarpsmyndinni Baywatch: Hawaiian Wedding, en Eleniak sneri aldrei aftur.
Pamela Anderson sló síðar í gegn sem C.J. Parker en Hasselhoff vildi ekki ráða hana í fyrstu. „Ég vil ekki neinn úr Playboy. Þetta er fjölskylduþáttur,“ sagði hann í viðtali við New York Times. Honum snerist hugur þegar hann hitti Anderson.
Þegar kynlífsmyndbandi Anderson og þáverandi eiginmanns hennar, Tommy Lee, var lekið um miðjan tíunda áratug síðustu aldar, fóru einhverjar sjónvarpsstöðvar fram á að Baywatch yrði tekinn af dagskrá. Á sama tíma ruku áhorfstölur upp vegna myndbandsins alræmda.
Brandon Call lék son Mitch, Hobie, í fyrstu þáttaröð. Leikarinn Leonardo DiCaprio vildi hlutverkið en Hasselhoff vildi yngri leikara. Í framhaldinu fékk hinn tíu ára Jeremy Jackson hlutverkið og það eyðilagði leiklistarferil hans. Hann féll í heim vímuefna og frægðin steig honum til höfuðs.
Jackson var ekki sá eini sem var í klípu því leikkonan Yasmine Bleeth hætti í þáttunum árið 1997 þegar vímuefnadjöfullinn hélt henni í heljargreipum. Hún fékk síðar hlutverk í þáttunum Nash Bridges og fór í meðferð.
Leikkonan Mila Kunis kom tvisvar fram í þáttunum, í fyrsta sinn árið 1994 sem stúlka sem kallaði á hjálp þegar vinkona hennar var að drukkna og í seinna skiptið árið 1995. Þá lék hún blinda stúlku sem þurfti að bjarga úr eldsvoða. Öll fjölskylda hennar kom með á settið til að sjá Pamelu Anderson með berum augum.
Önnur eiginkona Mitch Buchannon, Neely Capshaw, var leikin af þremur mismunandi leikkonum; Heather Campbell, Genu Lee Nolin og Jennifer Campbell.
Engir af rauðu sundbolunum sem kvenkyns lífverðirnir klæddust voru eins heldur voru þeir sérsaumaðir á hverja konu. Sundfatafyrirtækið TYR hjálpaði til við hönnun á upprunalegu sundbolunum en að sögn forsvarsmanna þáttanna var hugmyndin aldrei sú að bolirnir væru sexí, heldur nytsamlegir og góðir í briminu. Sundbolirnir urðu efnisminni með tímanum.
Það var í raun partur af áheyrnarprufum að láta sjá sig í sundbol. Carmen Electra er með sinn sundbol í ramma heima hjá sér, en hún þurfti frá að hverfa eftir eina þáttaröð þegar móðir hennar varð veik. Hún sneri hins vegar aftur í hlutverki Lani í sjónvarpsmyndinni Baywatch: Hawaiian Wedding árið 2003.
Alexandra Paul fór upprunalega í prufu sem C.J. en endaði á að leika Stephanie Holden í fimm þáttaraðir. Hún sagði í viðtali árið 2014 að það hefði verið klausa í samningum leikara að þeir mættu ekki þyngjast um meira en rúm tvö kíló á meðan þeir léku í þáttunum.
Nicole Eggert, sem lék Summer Quinn í tveimur þáttaröðum, hefur talað opinskátt um að hún sjái eftir að hafa leikið í þáttunum. Mikið var slúðrað um að framleiðendur þáttanna hefðu þrýst á hana um að fara í brjóstastækkun en í viðtali við Opruh Winfrey árið 2015 sagði Eggert að það hefði algjörlega verið hennar eigin ákvörðun. Berk sagði einnig við Esquire að enginn í leikaraliðinu hefði verið beðinn um að gangast undir lýta- eða fegrunaraðgerðir þótt þónokkrir hefðu gert það.
Anderson hætti í þáttunum árið 1997 og þátturinn Baywatch Nights var tekinn af dagskrá eftir tvær þáttaraðir. Hætt var við að Baywatch-þættirnir yrðu teknir úr umferð í nóvember árið 1998 en þá var framleiðslan flutt til Ástralíu til að spara peninga.
Síðustu tvær þáttaraðirnar voru hins vegar teknar upp á Havaí og hétu þættirnir þá Baywatch Hawaii. Kvenkyns lífverðir skiptu rauðu sundbolunum út fyrir gula til að líkja eftir lífvarðafatnaði á Havaí. Hasselhoff hætti eftir fyrri af þessum tveimur þáttaröðum og var klipptur út í lokin og látinn deyja í sprengingu. Hasselhoff vissi það ekki fyrr en hann sá þáttinn í sjónvarpinu.
Slökkviliðsmenn Brunavarna Suðurnesja voru kallaðir út á sjötta tímanum í dag vegna mikils elds sem kviknaði í Hvassahrauni. Samkvæmt slökkviliði var sumarbústaður alelda þegar tilkynningin barst er allt útlit fyrir því að hann sé ónýtur. Enn er ekki ljóst hvernig eldurinn kviknaði en að svo stöddu glíma sex slökkviliðsmenn við eldinn og er hermt að Lesa meira
Stjórn knattspyrnufélags Gróttu sendi frá sér tilkynningu í kvöld vegna þjálfarans Óskars Hrafns þorvaldssonar. Óskar er sterklega orðaður við Breiðablik þessa stundina en hann kom Gróttu upp í efstu deild í sumar. Óskar hefur náð mögnuðum árangri með Gróttu liðið og er óvíst hvort hann verði áfram. Það er hins vegar ekki rétt að Óskar Lesa meira
Pierre-Emerick Aubameyang, leikmaður Arsenal, segir að það sé kominn tími á að félagið fari að vinna titla. Aubameyang segist vera ánægður í London en hann hefur verið orðaður við brottför frá félaginu. Aubameyang skilar alltaf sínu í fremstu víglínu en það sama má ekki segja um alla leikmenn liðsins. ,,Ég finn fyrir því að við Lesa meira
Sitt sýnist hverjum um starfsheitið áhrifavaldur, en það er ekki hægt að loka augunum fyrir því að sú atvinnugrein hefur vaxið jafnt og þétt síðustu ár og velta vinsælir áhrifavaldar mörgum milljónum á ári vegna auglýsingasamninga af ýmsu tagi. En hvaðan kemur þetta fólk allt saman? Fókus kíkti á sögu nokkurra vinsælustu áhrifavalda landsins og skoðaði uppruna vinsælda þeirra.
Fylgjendur á Instagram: 37.000
Landsmenn fengu fyrst að kynnast Sólrúnu Diego og hennar þrifnaðaræði síðla árs 2014 þegar bloggsíðan Mamie.is var opnuð. Mamie.is var stofnuð af nokkrum ungum mæðrum, en við stofnun var Sólrún í fæðingarorlofi með yngra barn sitt, dótturina Maísól. Þegar Mamie.is var opnuð stofnuðu mæðurnar samhliða því Snapchat-reikning sem þær skiptust á að halda úti. Fimmtudagar voru dagarnir hennar Sólrúnar og deildi hún þar ýmsum töfraráðum er varða þrif. Svo fór að henni fannst ekki nóg að snappa bara einu sinni í viku og opnaði sinn eigin Snapchat-reikning stuttu síðar. Þá fyrst reis frægðarsól hennar.
„Það var svo sjúklega mikið af fólki sem kom inn fyrstu nóttina að ég fékk næstum hjartaáfall. Mér fannst svo skrýtið að fólk hefði svona mikinn áhuga á að fylgjast með því sem ég var að gera. En ég ákvað að taka bara einn dag í einu og sjá hvert þetta myndi leiða mig,“ sagð i Sólrún í viðtali við Fréttatímann árið 2016. Hún sagði síðar skilið við Mamie.is og stofnaði sína eigin bloggsíðu, sem er enn lifandi í dag. Í viðtali við Fréttatímann sagði Sólrún að þessi vinna á samfélagsmiðlum hafi gert hana sterkari.
„Ég var líka mjög feimin. En það hefur styrkt mig mjög mikið að vera með bloggið og snappið, eins og ég átti ótrúlega erfitt með þetta fyrst. Nú vita allir hvernig ég er og ég þarf ekki að hafa áhyggjur af því sem hinir og þessir halda um mig. Ég er komin með ágætlega breitt bak gagnvart gagnrýni og ef ég sé eitthvað um mig þá reyni ég bara að hlæja að því.“
Það var nánast lyginni líkast að fylgjast með vinsældum Sólrúnar á Snapchat á þessum tíma og varð hún hvað þekktust fyrir edikblönduna sína sem hún þreif nánast allt með. Allt í einu seldist edik sem aldrei fyrr og tóku verslanir upp á því að selja sérstaka brúsa með blöndunni. Árið 2017 kom síðan út bókin Heima eftir Sólrúnu þar sem hún miðlaði öllum sínum bestu ráðum. Sólrún tilkynnti í byrjun þessa árs að hún væri hætt á Snapchat, mörgum til undrunar, og einbeitir hún sér nú að blogginu sínu og Instagram.
Fylgjendur á Instagram: 43.000
Sunneva Einarsdóttir hefur átt mikilli velgengni að fagna á Instagram. Hún birti fyrstu myndina á miðlinum árið 2012 og var þá eins og meðal Jóninn, með nokkur læk á hverri mynd. Það var svo árið 2017 sem fylgjendafjöldinn fór að aukast fyrir alvöru, ári eftir að hún útskrifaðist sem stúdent frá Menntaskólanum við Sund. Eftir útskrift ákvað hún að taka sér ársfrí frá námi og réð sig sem samfélagsmiðlastjóri hjá umboðsskrifstofunni Eylenda. Um mitt ár 2017 var hún komin með hátt í sextán þúsund fylgjendur á Instagram.
„Ég hef alltaf verið mjög virk á Instagram frá því að ég byrjaði árið 2012 og hef síðan þá verið dugleg að pósta myndum úr daglega lífinu. Instagramið mitt hefur stækkað mikið á sama tíma og þessi miðill hefur orðið vinsælli. Ég byrjaði að taka eftir að fylgjendum fjölgaði frekar hratt í fyrra og flæðið á síðunni er búið að verða meira og meira seinasta árið,“ sagði hún í viðtali við Smartland árið 2017.
Þeir sem hafa áhuga á snyrtivörum hafa stutt dyggilega við bakið á Sunnevu og árið 2018 bauð snyrtivörufyrirtækið Inglot henni út til Las Vegas þar sem hún hitti sjálfa Jennifer Lopez.
„Það er í raun draumur allra áhrifavalda að fá að fara í svona brandtrip eins og þetta er kallað, og fá líka að hitta J-Lo í leiðinni er frábært. Ég var ekki að trúa þessu allan tímann. Við töluðum um nýju línuna og ég hrósaði henni fyrir hana. Henni fannst mjög magnað að vera frá Íslandi. Hún vissi af mér, teymið hennar þurfti að samþykkja mig til að ég mætti fara út. Við vorum mjög fá sem fengum að fara í eftirpartý inni í búningsherbergi hennar,“ sagði Sunneva í viðtali við Brennsluna í apríl árið 2018.
Fylgjendur á Instagram: 27.300
Camilla Rut, eða Camy Klikk, byrjaði á Snapchat þegar hún var að koma sér upp úr fæðingarþunglyndi eftir að hafa eignast sitt fyrsta barn árið 2015.
„Meðgangan og fæðingin var hryllingur en þetta litla barn hefur verið draumur síðan við fengum það í hendurnar. Ég fékk rosalegt fæðingarþunglyndi og átti mjög erfitt fyrstu mánuðina. Í orlofinu hafði ég gaman af því að fylgjast með öðrum á samfélagsmiðlum og fljótlega kviknaði sú hugmynd að kannski hefði fólk áhuga á því sem ég hefði að segja. Ég opnaði aðganginn minn og var ekki með neitt sérstakt markmið. Ég einblíndi ekki á neitt afmarkað málefni, heldur var ég bara að spjalla um lífið og tilveruna. Meðal þess sem ég ræddi opinskátt var fæðingarþunglyndið. Markmið mitt var samt ekki beint að peppa aðra, heldur var ég að þessu aðallega til að peppa sjálfa mig og ég fann fljótt að þetta var hvati til þess að laga mitt eigið hugarfar. En boltinn fór fljótt að rúlla og fylgjendatalan jókst með hverjum degi. Að mörgu leyti var ég heppin, varðandi tímasetningu og annað en á þessum tíma var ekki mikið um það að fólk væri að opna sig og segja frá persónulegri lífsreynslu fyrir framan ókunnugt fólk á Snapchat,“ sagði Camilla í forsíðuviðtali við Vikuna í fyrra. Camilla naut ekki vinsælda á Instagram fyrr en mörgum árum síðar og fetaði í fótspor vinkonu sinnar, Sólrúnar Diego, í byrjun þessa árs – hætti á Snapchat og lagði þungann í Instagram.
Camilla er mikil söngkona og má rekja gospeláhuga hennar til tíma hennar í trúarsöfnuðinum Krossinum, en Gunnar Þorsteinsson í Krossinum er afi hennar.
„Það að vera í Krossinum átti mikinn hlut í mínu þroskaferli. Á ákveðnu tímabili var ég frekar þunglynd og fannst sambandið við pabba minn til dæmis mjög erfitt. En ástæðan fyrir því að það var svo þægilegt að fara í Krossinn eftir þetta uppreisnartímabil var það að ég gat alltaf mætt á samkomur og ef mér leið illa þá bara sat ég og grét og allir sýndu því fullan skilning. Þá hreinsaði maður einhvern veginn út og mætti svo bara ferskur í skólann daginn eftir,“ sagði Camilla í viðtali við Monitor árið 2014. Í dag starfar Camilla við tónlist samhliða áhrifavaldaframanum og hefur komið fram í ýmsum sýningum.
Fylgjendur á Instagram: 33.200
Tanja Ýr vakti fyrst athygli árið 2013 þegar hún var krýnd Ungfrú Ísland. Í kjölfarið varð hún dugleg á samfélagsmiðlum. Hún byrjaði á Snapchat árið 2014, eftir að hafa haldið bloggsíðunni tanjayr.com úti um nokkurt skeið. Hún opnaði Instagram-síðu árið 2012 sem varð ekki vinsæl fyrir alvöru fyrr en árið 2017.
Tanja Ýr tók síðan samfélagsmiðlaveldið sitt skrefinu lengra árið 2016 þegar hún stofnaði umboðsskrifstofu fyrir áhrifavalda, Eylenda, árið 2016 ásamt Maríu Hólmgrímsdóttur. Lítið hefur farið fyrir Eylenda undanfarið ár en tilgangur þess var að tengja saman fyrirtæki og fólk sem var áberandi á samfélagsmiðlum. Meðal áhrifavalda sem voru á mála hjá Eylenda voru Sólrún Diego, Lína Birgitta, Binni Glee og Tinna Alavis.
Tanja Ýr er mikil bisnesskona og er með sína eigin snyrtivörulínu og vasast í alls kyns öðrum viðskiptatækifærum.
Fylgjendur á Instagram: 9.366
Fanney Dóra er talin vera einn af þeim áhrifavöldum sem eru hvað mest upprennandi og eiga nóg inni. Hún byrjaði með bloggsíðu fyrir fjórum árum. Í kjölfarið stundaði hún förðunarnám í Reykjavík Makeup School og byrjaði með Snapchat og Instagram sem gekk nær eingöngu út á förðun. Árið 2017 byrjaði hún að kenna í skólanum og varð „Brand Ambassador“ fyrir snyrtivörufyrirtækið Maybelline.
„Í raun er ég stolt af því að kalla mig áhrifavald, þrátt fyrir að mörgum finnist það kjánalegt. Íslendingar eru svolítið svoleiðis, þeir elska að gera lítið úr því sem aðrir gera vel. En mér er alveg sama. Ég er áhrifavaldur þar sem ég er fyrirmynd,“ sagði Fanney Dóra í forsíðuviðtali við Vikuna í fyrra. Hún hefur ekki aðeins vakið athygli fyrir förðunarráð og -myndir á samfélagsmiðlum heldur hefur einnig opnað umræðu um líkamsvirðingu.
„Ég áttaði mig á því að það skipti engu máli þó ég grennist um þessi tuttugu kíló, ég þarf að elska manneskjuna sem ég er, því ég verð alltaf ég. Hvort sem ég breytist í framtíðinni eða ekki. Þannig varð sjálfstraust mitt svo miklu betra og ég er allt önnur manneskja í dag. Fólk getur núna leitað uppi fólk eins og mig á samfélagsmiðlum. Það getur auðvitað leitað uppi þetta fullkomna fólk en það getur líka skoðað mig sem vil bara vera ég sjálf,“ sagði hún í viðtali við Ísland í dag í fyrra og í ár talaði hún opinskátt um mataræði í viðtali við DV.
„Mörgum finnst alveg ótrúlegt að mitt vandamál er ekki að borða of mikið, heldur er það að borða ekki. Ég sleppi því að borða dögum saman og svo borða ég stóra máltíð í einu. Það er mitt vandamál. Ketó hjálpar mér í því. Ég er ekki lengur að rífa mig niður ef ég er svöng. Ég er bara að reyna að lifa þessu lífi og ef ég get ekki gert eitthvað hundrað prósent, þá geri ég það áttatíu prósent frekar en ekki neitt.“
Fylgjendur á Instagram: 16.200
Binni Glee skaust upp á stjörnuhimininn á Snapchat árið 2016. Það voru helst förðunarmyndböndin hans sem vöktu hvað mesta athygli, en hann er mikill áhugamaður um tísku og förðun. Þá ræddi hann einnig opið um kynhneigð sína þegar hann var nýkominn út úr skápnum sem samkynhneigður.
„Mig langar bara svo að sýna það að strákar geta málað sig. Og mega það ef þeir vilja. Það eiga allir að vera þeir sjálfir. Það eru skilaboðin sem ég vil senda,“ sagði Binni í viðtali við hun.is. Í þáttunum Snapparar, sem sýndir voru á Stöð 2 árið 2017, sagðist Binni eiga ofboðslega marga aðdáendur.
„Ég er hættur að fara í Kringluna og Smáralind svona til að hanga þar … Af því ég er svo hræddur um að það komi geðveikt mikið af fólki og ég muni ekki höndla það en mér finnst samt alltaf gaman að hitta fylgjendur mína,“ sagði hann í þáttunum.
Gildir 29. september – 5. október
Hrútur
21. mars–19. apríl
Það opnast ný ástargátt í þessari viku og þurfa lofaðir hrútar að gæta sín á því. Ef þú ert laus og liðug/ur þá er þetta spennandi tækifæri í átt að farsælu ástarsambandi. Lofaðir hrútar þurfa að vara sig. Auðvitað er ekkert að saklausu daðri en þú verður að varast að láta daðrið ekki hlaupa með þig í gönur.
Naut
20. apríl–20. maí
Það er búið að vera mikill ys og þys í kringum þig undanfarið en í þessari viku róast allt niður og þú nærð að slaka á og melta allar upplýsingarnar sem þú hefur fengið úr hinum ýmsu áttum. Það eru einhver óskýrð veikindi búin að vera að hrjá þig og þú ættir að hlusta betur á líkamann. Breyttu matarvenjum þínum og farðu í kvöldgöngu – það gæti hresst þig við.
Tvíburar
21. maí–21. júní
Þú fyllist nýjum krafti og svo virðist sem þú sért að hefja nýtt líf eftir erfiða tíma. Þú færð skyndilega áhuga á efnislegum hlutum og þráir fátt meira en að breyta um hárgreiðslu, endurnýja fataskápinn og jafnvel kaupa þér snyrtivörur. Láttu það eftir þér – nýtt upphaf krefst nýrra áherslna og áhugamála.
Krabbi
22. júní–22. júlí
Í þessari viku hefst langt tímabil þar sem þú meðvitað einbeitir þér meira að fjölskyldunni og þínum innsta hring, sem þú hefur vanrækt undanfarið. Auknum gæðastundum fylgir mikil framtaksgleði og þú nærð að koma ótrúlega miklu í verk á stuttum tíma. Þetta eykur þína lífsgleði og þú skalt halda í þá tilfinningu.
Ljón
23. júlí–22. ágúst
Nú þarf ljónið að hætta að tala um allt sem það ætlar að gera og bara henda sér í djúpu laugina – fara út á meðal fólks, hitta gamla kunningja og létta af sér öllum heimsins áhyggjum. Þú ert nefnilega ekki mjög hrifin/n af því að kvarta og kveina en stundum þarftu bara öxl til að gráta á eða vinalegt eyra sem hlustar.
Meyja
23. ágúst–22. sept
Hagur meyjunnar vænkast ansi mikið og veskið hefur aldrei verið þykkara. Þú nýtir tækifærið og gleður fólkið í kringum þig, enda er þér slétt sama um peninga og vilt helst eyða þeim í fólkið sem þú elskar. Þú sérð vinnuna líka skýrar og nærð að taka ákvörðun um hvort þú eigir að halda puðinu áfram eða hverfa á vit þess sem þig langar í raun og veru.
Vog
23. sept–22. okt
Það er gríðarlega spennandi kafli að hefjast hjá voginni. Þú ert tilbúin/n til að loka erfiðum kafla fortíðarinnar og hefja glænýjan og skemmtilegan kafla – laus við gamla drauga og óþarfa áhyggjur. Þig dreymir um ákveðinn hlut og einsetur þér að eignast hann. Þessi hlutur þarf ekki að vera efnislegur en þegar þú færð hann í hendurnar verður líf þitt margfalt betra.
Sporðdreki
23. okt–21. nóv
Nú er kominn fullkominn tími fyrir sporðdrekann til að slaka á eftir annasamt sumar. Það síðasta sem þig langar að gera er að ferðast eða fara í partí. Þig langar miklu fremur að slaka á með góða bók eða sjónvarpsþátt og jafnvel gera þér dagamun með einhverjum sætindum. Þér líður vel í eigin skinni og framtíðin er mjög björt.
Bogmaður
22. nóv–21. des
Þú hefur verið að fara á kostum í vinnunni og hefur náð miklum árangri á þínu sviði. Svo miklum að þér finnst þú vera komin/n á endastöð og núna þarftu frekari ábyrgð og meiri áskoranir. Því sækist þú eftir tilteknu starfi sem á eftir að vera mikið gæfuspor fyrir þig þegar þú færð það. Og já, ég segi þegar því það er bókað mál að þú færð þetta starf.
Steingeit
22. des–19. janúar
Það hefur mikið mætt á þér undanfarið en þú nærð að tækla það eins og þér einni/einum er lagið – með jafnaðargeði og hjartað á réttum stað. Fólk leitar til þín til að létta af sér og þú geymir svo mikið af leyndarmálum og áhyggjum fyrir aðra að þú hefur ekki pláss fyrir þínar eigin langanir og drauma. Spáðu aðeins í það. Er það hollt?
Vatnsberi
20. janúar–18. febrúar
Þú ert ein af þeim manneskjum sem er sífellt í leit að æðri tilgangi. Þú spáir mikið í það daginn út og daginn inn hvernig þú öðlast þennan tilgang og nú er fullkominn tími fyrir þig að fara í ferðalag um völundarhús sálarinnar. Það þýðir ekki að þú þurfir að leggja land undir fót því þú getur einbeitt þér að andlegum málefnum heima í stofu.
Fiskar
19. febrúar–20. mars
Þú hefur verið eitthvað illa fyrir kölluð/kallaður og hefur ekki fundið neistann þinn. Nú verður hins vegar breyting á og þú ert gjörsamlega óstöðvandi. Lofaðir fiskar þurfa að setjast niður með maka sínum og tala um framtíðarplön. Nú er tíminn til að leggja línurnar fyrir framtíðina og ákveða næstu skref í mjög gjöfulu sambandi.
29. september – Sara Björk Gunnarsdóttir knattspyrnukona, 29 ára
30. september – Ragnheiður Elín Árnadóttir, fyrrverandi iðnaðar- og viðskiptaráðherra, 52 ára
1. október – María Heba Þorkelsdóttir leikkona, 45 ára
2. október – Pálmi Gestsson leikari, 62 ára
3. október – Tolli listmálari, 66 ára
4. október – Jóhanna Sigurðardóttir, fyrrverandi forsætisráðherra, 77 ára
5. október – Hugleikur Dagsson listamaður, 42 ára
AC Milan 1-3 Fiorentina 0-1 Erick Pulgar(víti) 0-2 Gaetano Castrovilli 0-3 Franck Ribery 1-3 Rafael Leao Það gengur einfaldlega ekkert hjá liði AC Milan þessa stundina og er gengið áhyggjuefni. Milan spilaði sinn sjötta deildarleik á tímabilinu í kvöld en liðið fékk Fiorentina í heimsókn. Milan lenti undir á 14. mínútu fyrri hálfleiks og var Lesa meira
Laci Dawn Hill, 25 ára kona sem bjó í Bixby, í Oklahoma í Bandaríkjunum, átti biljarðborð sem hún þurfti að losna við. Laci brá á það ráð að auglýsa borðið til sölu og vona það besta.
Þann 23. desember, 1999, hljóp á snærið hjá Laci. Maður að nafni Steven Ray Thacker svaraði auglýsingunni og fékk leiðbeiningar hjá Laci um hvernig hægast væri að komast til heimilis hennar.
Ray Thacker hafði engan áhuga á biljarðborðinu og áform hans allt annað en heiðarleg. Um leið og Laci hafði hleypt Thacker inn dró hann upp hníf og krafði hana um allt það fé sem hún hefði heima við.
Laci tókst að sannfæra Thacker um að ekkert reiðufé væri að finna á heimilinu, en hún gæti tekið út úr hraðbanka. Thacker neyddi Laci þá út í bíl, en í stað þess að fara í næsta hraðbanka ók hann að afskekktum veiðikofa úti í sveit og nauðgaði henni þar.
Að því loknu batt hann Laci við stól og notaði til þess plastreimar. Thacker, að eigin sögn, yfirgaf Laci þar en sneri síðan aftur því hann óttaðist að Laci tækist að losa sig og myndi að sjálfsögðu segja til hans.
Thacker reyndi síðan að kyrkja Laci með hvort tveggja höndum og klæðisbút, en gekk brösuglega því hún barðist hetjulega fyrir lífi sínu.
Því fór svo að Thacker stakk fórnarlamb sitt tvisvar sinnum í bringuna, fleygði líkinu á gólf kofans og huldi það með nokkrum dýnum.
Lík Laci fannst sex dögum síðar. Lík hennar var klæðlaust neðan mittis ef frá var talinn annar sokkurinn. Peysan og bolurinn höfðu verið toguð upp yfir höfuðið og brjóstahaldarinn var opinn. Buxurnar og nærbuxurnar lágu rétt við líkið.
Við líkskoðun fundust sæðisleifar í leggöngum Laci og taldi læknirinn að hún hefði verið í nærbuxunum þegar henni var ráðinn bani og þær hefðu ekki verið fjarlægðar fyrr en nokkrum tímum síðar.
En aftur að Ray Thacker. Eftir að hafa ráðið Laci bana varð Thacker stjórnlaus. Hann notaði debet- og krítarkort Lacy til að kaupa jólagjafir handa fjölskyldu sinni og flúði síðan til Missouri, hafði enda áhyggjur af að yfirvöld myndu hugsanlega leita hans.
Þegar hann kom til Missouri, þremur dögum eftir jól, stal hann bíl sem í voru fullorðin kona, önnur yngri og barn.
Að sögn ýtti hann yngri konunni, sem sat við stýrið, út úr bílnum og brunaði af stað með þá gömlu og barnið enn í bílnum. Síðar þá sleppti hann þeim tveimur.
Þegar þarna var komið sögu var viðamikil leit hafin að Thacker og nokkrum sinnum mátti litlu muna að tækist að hafa hendur í hári hans. Hann fór huldu höfði í skóglendi, braust inn í nokkur hús en virtist alltaf vera nokkrum skrefum á undan lögreglunni.
Á einu heimili sem Thacker braust inn á var hann gripinn glóðvolgur þegar eigandinn, Forrest Boyd, kom heim. Thacker myrti Boyd umsvifalaust og lagði síðan á flótta í bifreið hans. Hann komst til Tennessee en þá bilaði bíllinn. Thacker hringdi eftir dráttarbíl og því miður fyrir bílstjórann, Ray Patterson, kom í ljós að kortið, sem Thacker hugðist nota til að borga fyrir þjónustuna, reyndist stolið. Því varð 2. janúar, 2000, síðasti dagurinn sem Patterson lifði.
Ray Thacker var handtekinn skömmu síðar. Þegar réttað var yfir honum játaði hann sig sekan um allt sem hann var sakaður um. Thacker fékk dauðadóm sem var framfylgt þrettán árum síðar. Við það tækifæri, 12. mars, 2013, sagði Thacker: „Mig langar að biðja fjölskyldur Laci Hill, Forrest Boyd og Ray Patterson afsökunar. Ég á það ekki skilið, en þar sem Guð hefur fyrirgefið mér þá vona ég að þið fyrirgefið mér þann sársauka sem ég valdið.“
Það er bull að peningarnir séu búnir hjá Manchester City segir Gary Neville, sérfræðingur Sky Sports. Guardiola neitaði því að City myndi eyða peningum í janúar þar sem að peningarnir væru búnir. Neville segir að hópur City sé ekki nógu öflugur og að félagið þurfi að eyða. ,,Þú verður að gefa þér það að Manchester Lesa meira
Í líflegum Silfursþætti í dag nefndi ég frétt sem ég rak augun í fyrr í vikunni og er enn að melta. Hún birtist á vef RÚV 24. september. Þar er vitnað í rannsókn sem Þóroddur Bjarnason, prófessor í félagsfræði á Akureyri og fyrrverandi stjórnarformaður Byggðastofnunar, hefur stýrt. Upplýsingarnar eru dálítið sláandi – og ég er Lesa meira
Smyglarar leita allra leiða til að koma varningi sínum á leiðarenda og hugmyndaflugið er oft með ólíkindum. Þessu komust argentínskri lögreglumenn að nýlega. Í janúar hófu þeir rannsókn á málum tengdum stórum fíkniefnahring í La Plata, sem er sunnan við Buenos Aires. Þegar leið á rannsókninni var húsleit gerð á heimil hjóna, sem reka veitingastað, Lesa meira
Christian Benteke, leikmaður Crystal Palace, telur að hann gæti gert góða hluti í fremstu víglínu Liverpool. Benteke var seldur frá Liverpool árið 2016 en Palace borgaði 32 milljónir punda fyrir sóknarmanninn. Belginn telur að hann geti vel spilað fyrir Liverpool en Jurgen Klopp vildi ekki nota hann. ,,Já, það er auðvelt að tala um það Lesa meira
Hugsanlega er fjöldi samfélaga vitsmunavera í Vetrarbrautinni en við vitum bara ekki um þau af því að þessar vitsmunaverur hafa ekki heimsótt sólkerfi okkar og þar með jörðina í 10 milljónir ára. Hugsanlega eru vitsmunaverur frá öðrum plánetum að kanna Vetrarbrautina og fara sér hægt yfir til að geta nýtt sér hreyfingar sólkerfa til að gera ferðalögin auðveldari.
Þetta hljómar eflaust undarlega í eyrum margra en þessi kenning var nýlega sett fram í vísindarannsókn sem hefur verið birt í vísindaritinu The Astronomical Journal. Rannsóknin er einhvers konar svar við því sem hefur verið nefnt Fermi-þversögnin en í henni er þeirri spurningu varpað fram af hverju við höfum ekki fundið nein merki þess að vitsmunaverur sé að finna utan jarðarinnar. Þversögnin var sett fram af eðlisfræðingnum Enrico Fermi sem eins og frægt er orðið spurði: „Hvar eru allir?“
Hann var að velta fyrir sér möguleikanum á ferðalögum á milli stjarna og sólkerfa en frá því að hann setti þversögnina fram hefur hún verið notuð til að varpa fram efasemdum um tilvist vitsmunavera utan jarðarinnar. Michael Hart stjörnufræðingur skýrði spurningu Fermi, þversögnina, í ritgerð árið 1975 og sagði að frá því að alheimurinn varð til fyrir 13,6 milljörðum ára hafi vitsmunaverur haft nægan tíma til að kanna Vetrarbrautina og leggja hana undir sig en samt sem áður hefðum við ekki heyrt neitt frá þeim. Niðurstaða hans var að engin önnur þróuð samfélög væru í Vetrarbrautinni.
Í nýju rannsókninni er annar póll tekinn í hæðina þegar spurningu Fermi er svarað. Höfundar hennar stinga upp á að geimverurnar séu bara að taka sér góðan tíma í verkið og vinni það skipulega.
„Ef þú tekur ekki hreyfingar stjarna með þegar þú reynir að leysa þetta vandamál þá stendur þú í raun uppi með aðra af tveimur mögulegum lausnum. Annaðhvort fer enginn frá plánetunni sinni eða þá að við erum í raun eina tæknivædda samfélagið í Vetrarbrautinni,“ sagði Jonathan Carroll-Nellenback, aðalhöfundur rannsóknarinnar, í samtali við Business Insider. Hann benti á að stjörnur og pláneturnar, sem eru á braut um þær, snúist um miðju Vetrarbrautarinnar og séu á mismunandi hraða og mismunandi brautum. Þetta veldur því að þær mætast öðru hverju. Af þessum sökum gætu geimverur einfaldlega verið að bíða eftir að næsti áfangastaður þeirra komi nær þeim. Ef þetta er rétt væru vitsmunaverur lengur að dreifa úr sér um Vetrarbrautina en Hart taldi. Þetta þýði að þær hafi hugsanlega ekki enn komist til okkar eða að hugsanlega hafi þær gert það löngu áður en mannkynið varð til.
Vísindamenn hafa notað margar aðferðir við að reyna að svara Fermi-þversögninni. Rannsakað hefur verið hvort hugsanlegt sé að allt líf utan jarðarinnar þróist í höfum og vötnum. Einnig hefur því verið velt upp að menningarsamfélög eyði sjálfum sér vegna eigin óstöðugleika áður en þau ná þeim áfanga að geta kannað geiminn að nokkru marki.
Einnig hafa verið settar fram svokallaðar „dýragarðskenningar“ sem ganga út á að menningarsamfélög í Vetrarbrautinni hafi ákveðið að setja sig ekki í samband við okkur af sömu ástæðu og við erum með náttúruverndarsvæði og veitum frumbyggjum ákveðinna svæða sérstaka vernd og eftirlátum þeim sérstök svæði til búsetu.
Niðurstöður rannsóknar vísindamanna við Oxford-háskóla, frá því á síðasta ári, benda til að líkurnar á að við séum ein í Vetrarbrautinni séu um 2 á móti 5 og að líkurnar á að við séum ein í alheiminum séu um 1 á móti 3.
Það sama á við þá rannsókn og verk Hart, sem var nefnt til sögunnar hér að ofan; ekki var gert ráð fyrir hreyfingu sólkerfanna í Vetrarbrautinni. Má þar til dæmis nefna að sólkerfið okkar fer einn hring um Vetrarbrautina á 230 milljón árum. Ef vitsmunasamfélög hafa orðið til fjarri öðrum slíkum samfélögum gætu þau gert ferðir sínar styttri með því að bíða eftir hagstæðri afstöðu stjarna og pláneta í öðrum sólkerfum. Þegar þær væru búnar að koma sér fyrir í nýju sólkerfi gætu þær beðið aftur eftir hagstæðum fjarlægðum áður en þær halda ferðalagi sínu áfram. Ef þetta er rétt þá eru þessar vitsmunaverur ekki að þjóta um Vetrarbrautina, þær gefa sér góðan tíma og bíða eftir að pláneta þeirra komi nógu nálægt næsta áfangastað áður en þær leggja upp í ferðalag.
„Ef milljarður ára er nægilega langur tími þá er það ein lausn á Fermi-þversögninni. Heimar, sem henta til búsetu, eru svo sjaldgæfir að þú verður að bíða lengur en hægt er að vænta þess að nokkurt samfélag endist áður en annað slíkt samfélag kemur nærri,“ sagði Carroll-Nellenback.
Til að skoða mismunandi sviðsmyndir notuðu vísindamennirnir stærðfræðimódel til að líkja eftir dreifingu menningarsamfélaga um Vetrarbrautina. Þeir settu fjölbreytta möguleika inn í módelið um fjarlægð ímyndaðra menningarsamfélaga frá nýjum sólkerfum, fjarlægð og hraða geimfara og hversu oft geimförum er skotið á loft. Ekki var reynt giska á hvað ræki geimverurnar áfram eða hvernig stjórnmál í heimi þeirra væru en sumir stjörnufræðingar telja þessa þætti hafa dregið úr trúverðugleika annarra lausna á Fermi-þversögninni.
„Við reyndum að setja saman módel sem fæli í sér eins lítið af ályktunum um félagsfræði og hægt var,“ sagði Carroll-Nellenback.
En það er stórt vandamál við gerð módels um dreifingu menningarsamfélaga um Vetrarbrautina að aðeins sé unnið út frá einum viðmiðunarpunkti, okkur sjálfum. Allar spár eru því byggðar á hegðun okkar mannanna. En jafnvel þótt þetta setji rannsókninni ákveðin takmörk komust vísindamennirnir að því að í Vetrarbrautinni sé hugsanlega fjöldamörg sólkerfi, þar sem menningarsamfélög er að finna, sem við vitum ekki um. Þetta var einnig niðurstaðan þegar þeir notuðust við mjög íhaldssamt mat á hraða og tíðni geimferða vitsmunaveranna. Carroll-Nellenback sagði að hugsanlega séu vitsmunaverur í öllum sólkerfum Vetrarbrautarinnar en þær hafi ekki heimsótt okkur því þær séu ekki nógu nálægt okkur. Hann lagði einnig áherslu á að þótt þetta væri hugsanlegt þýði það ekki að þetta sé líklegt.
Við höfum nú fundið um 4.000 plánetur utan sólkerfis okkar og engin ummerki um líf hafa fundist á þeim. En við höfum eiginlega ekki leitað mjög vel eða ítarlega. Það eru að minnsta kosti 100 milljarðar stjarna, á borð við sólina, í Vetrarbrautinni og miklu fleiri plánetur. Niðurstöður nýlegrar rannsóknar benda til að hugsanlega séu allt að 10 milljarðar pláneta í sólkerfinu svipaðar og jörðin okkar. Höfundar hennar segja að það að komast að þeirri niðurstöðu að ekkert líf sé á neinni þessara pláneta sé sé eins og að horfa á sundlaug fulla af sjó og sjá enga höfrunga og draga þá ályktun að engir höfrungar séu í heimshöfunum.
Annað lykilatriði í umræðunni um vitsmunalíf utan jarðarinnar er það sem Hart kallaði „Staðreynd A“ en í henni felst að engar geimverur séu á jörðinni núna og það séu engar sannanir fyrir að geimverur hafi komið hingað til jarðarinnar. En höfundar nýju rannsóknarinnar segja að þetta þýði ekki að þær hafi aldrei komið hingað. Ef vitsmunaverur hafi komið hingað til jarðarinnar fyrir milljónum ára, jörðin er um 4,5 milljarða ára, þá séu hugsanlega engin ummerki um heimsókn þeirra. Þeir benda á niðurstöður eldri rannsókna sem benda til að við séum hugsanlega ekki fær um að finna ummerki um heimsóknir vitsmunavera hingað til jarðarinnar. Það sé jafnvel hugsanlegt að geimverur hafi komið mjög nálægt jörðinni eftir að mannkynið kom til sögunnar en hafi ákveðið að koma ekki í heimsókn.
Þá sé ekki útilokað að geimverur vilji ekki heimsækja plánetur þar sem líf er þegar til staðar. Að gera ráð fyrir að þær vilji heimsækja slíkar plánetur sé „barnaleg spá“ út frá mannlegri tilhneigingu.
Ivan Perisic var sorgmæddur fyrir tveimur árum er hann var nálægt því að ganga í raðir Manchester United. Jose Mourinho reyndi að fá Perisic frá Inter Milan en félagaskiptin gengu ekki upp að lokum. Mourinho vildi mikið fá Króatann á Old Trafford og vildi hann sjálfur spila fyrir enska stórliðið. ,,Hversu nálægt var ég þessu? Lesa meira
Perla Dís Bachmann er látin, aðeins 19 ára að aldri. Vinir og fjölskyldumeðlimir standa í sárum og óskar Íris Ragnarsdóttir, vinkona hennar, eftir aðstoð fólks á erfiðum tímum. „Elsku góðhjartaða, hæfileikaríka, fyndna og fallega Perla Dís var tekin frá okkur langt fyrir aldur,“ skrifar Ída á Facebook og heldur áfram: „Að standa undir kostnaði við Lesa meira
Þegar Jayne Sharp fór til að láta snyrta á sér neglurnar í Knoxville í Tennessee í Bandaríkjunum átti hún ekki von á öðru en það gengi allt vel og áfallalaust fyrir sig. En hún skarst á hægri þumalfingri þegar verið var að snyrta neglurnar og upp úr því hófust vandræði hennar. Fox News skýrir frá Lesa meira
Embættismenn í Hvíta húsinu settu miklar takmarkanir á miðlun upplýsinga um símtöl Donald Trump, forseta, við fleiri forseta en forseta Úkraínu. Þetta segja heimildarmenn innan bandaríska stjórnkerfisins. Byrjað var á þessu eftir að neyðarlega leka af samtölum Trump snemma á embættisferli hans. CNN og The New York Times skýra frá þessu. Fram kemur að reynt Lesa meira
Amanda Goff, sem starfaði lengi undir nafninu Samanhta X sem svokölluð fylgdarkona (sumir segja þennan starfstitil vera þann sama og að vera vændiskona) í Ástralíu, hefur sögur að segja af viðskiptavinum sínum og færni þeirra í rúminu. Hún segir að starf karla segi ákveðna sögu um frammistöðu þeirra og hæfileika þegar kemur að kynlífi. Í Lesa meira
Það vakti heimsathygli 2015 þegar Shamima Begum, sem var þá á unglingsaldri, yfirgaf Bretland ásamt tveimur vinkonum sínum til að fara til Sýrlands og ganga til liðs við hryðjuverkasamtökin sem kenna sig við Íslamska ríkið. Þær giftust vígamönnum hryðjuverkasamtakanna og ólu þeim börn. Vinkonurnar tvær féllu í stríðinu í Sýrlandi en Sahmima er í flóttamannabúðum Lesa meira
(@tanjayra)
Lipstick by Clinique in colour bare pop 
#MissIceland #ungfruisland
My go to hairstyle @hhsimonseniceland rod 5 járnið 
Ad
Bitten by @makeupgeekcosmetics 35O by @morphebrushes Eyekandy in sunkissed by @eyekandycosmetics @haustfjord.is Lilly lashes in miami @lillyghalichi Dipbrow in chocolate by @anastasiabeverlyhills 
Luminous silk by @armani Hoola bronzer and dandelion blush by @benefitcosmetics HD pro conceal by @lagirlcosmetics Setting spray by @skindinavia @lineup_is 
Gloss in the colour Wamp by @anastasiabeverlyhills
