Þegar Sigríður Sigþórsdóttir arkitekt var 19 ára nemandi í Menntaskólanum á Akureyri varð hún ófrísk af dóttur sinni. Í kjölfarið tók hún erfiða ákvörðun sem hún mælir ekki með. Sigríður ræddi um þetta ásamt öðru í útvarpsþættinum Sunnudagssögur á Rás 2.

Sigríður segir frá því þegar hún hóf nám við Menntaskólann á Akureyri en hún ákvað að fara þangað þar sem hún átti tvö systkini þar. „Það var mjög fínt þar. Við vorum á heimavist og það voru krakkar alls staðar að, jafnvel Reykvíkingar,“ segir Sigríður og bætir við að hún hafi verið virk í félagslífinu í skólanum.

Það var í Menntaskólanum á Akureyri sem Sigríður kynntist Hallmari Sigurðssyni, eiginmanni hennar heitnum. Þegar Sigríður var á þriðja ári í menntaskólanum varð hún ólétt af fyrsta barni þeirra. Sigríður segir frá því að hún hafi ekki verið sú eina sem varð ólétt á þessum tíma en sex stelpur í hennar árgangi urðu einnig óléttar á sama tíma. „Eitthvað hefur verið að gerast kynlegt í MA,“ segir hún.

Sigríður segir að það hafi ekki verið auðvelt að eignast barn í menntaskóla. „Ég var bara barn og þetta sneri svolítið við lífi mínu,“ segir hún. Sigríður vildi ekki hætta í náminu því þá væru möguleikarnir á því að komast á vinnumarkaðinn minni. Tengdaforeldrar Sigríðar, sem bjuggu á Húsavík, buðu henni að hugsa um barnið fyrir hana á meðan hún kláraði námið. Sigríður segir að ákvörðunin um að senda barnið frá sér hafi verið erfið. „Það var erfiðasta ákvörðunin í lífi mínu og ég mæli ekki með þessu,“ segir hún.

Stundum sá Sigríður barnið ekki vikum saman en hún gerir sér grein fyrir því að þetta hafi ábyggilega líka verið erfitt fyrir tengdaforeldrana. „En þau létu mig aldrei finna fyrir því,“ segir hún. Þegar náminu var lokið tók Sigríður við uppeldi dóttur sinnar og í dag eru þær Sigríður og Herdís afar nánar.

Á sjöunda tímanum í kvöld varð slys rétt austan við Selfoss en samkvæmt upplýsingum frá lögreglu féll maður niður um vök. Lögregla, björgunarsveitir og sjúkraflutningamenn eru enn að störfum. Ekki er vitað hvort maðurinn sé slasaður samkvæmt upplýsingum RÚV sem komu frá yfirlögregluþjóninum Sveini Kristjáni Rúnarssyni. Þá sagði Sveinn að slysið hafi ekki veirð í Lesa meira

Leikið er í fimmtu umferð í Evrópudeildinni í kvöld. Tólf leikjum er lokið.

Fjögur lið voru komin áfram í 32. liða úrslit fyrir leiki dagsins. Það eru Roma í A-riðli, Arsenal í B-riðli, Leicester í G-riðli og Hoffenheim í L-riðli.

Í G-riðli tryggði Sporting Braga sér sæti í 32. liða úrslitum með 2-4 sigri gegn AEK Aþenu. Í H-riðli eru AC Milan komnir í 32. liða úrslit eftir 4-2 sigur gegn Celtic. Á sama tíma tryggði Lille sér sæti í 32. liða úrslitum eftir 2-1 sigur gegn Sparta Praha.

Í I-riðli eru Villarreal sigurvegarar riðilsin eftir 0-1 sigur gegn Sivasspor. Villarreal eru með 13 stig. Í J-riðli eru Antwerp komnir í 32. liða úrslit eftir 2-1 sigur gegn Ludogorets. Tottenham eru einnig komnir í 32. liða úrslit eftir að hafa náð í eitt stig í 3-3 jafntefli gegn LASK.

Í K-riðli tryggði Dinamo Zagreb sér sæti í 32. liða úrslitum með 0-2 sigri gegn Feynoord. Hörður Björgvin Magnússon var í byrjunarliði CSKA Moskva sem spiluðu gegn Wolfsberger í K-riðli. Arnór Sigurðsson byraði á bekknum hjá CSKA og kom inn á á 76. mínútu. Leiknum lauk með 0-1 sigri Wolfsberger sem á enn möguleika á að komast áfram.

Í L-riðli er Crvena Zvezda komnir í 32. liða úrslit ásamt Hoffenheim. Þessi lið gerðu 0-0 jafntefli í kvöld á meðan Liberec sigraði Gent með tveimur mörkum gegn einu.

G-riðill:

AEK Athens 2 – 4 Sporting Braga
0-1 Vitor Tormena (8′)
0-2 Ricardo Esgaio (10′)
1-2 Nelson Oliveira (31′)
1-3 Ricardo Horta (45′)
1-4 Wenderson Galeno (83′)
2-4 Stavros Vasilantonopoulos (89′)

Zorya 1 – 0 Leicester City
1-0 Allahyar Sayyadmanesh (84′)

H-riðill:

AC Milan 4 – 2 Celtic
0-1 Tom Rogić (7′)
0-2 Odsonne Édouard (14′)
1-2 Hakan Çalhanoğlu (24′)
2-2 Samu Castillejo (26′)
3-2 Jens Petter Hauge (50′)
4-2 Brahim Díaz (82′)

Lille 2 – 1 Sparta Praha
0-1 Ladislav Krejčí (71′)
1-1 Burak Yılmaz (80′)
2-1 Burak Yılmaz (84′)
Rautt spjald: Ondřej Čelůstka, Sparta Praha (65′)

I-riðill:

Qarabag 1 – 1 Maccabi Tel Aviv
0-1 Yonatan Cohen (22′)(Víti)
1-1 Jaime Romero (37′)

Sivasspor 0 – 1 Villarreal
0-1 Samuel Chukwueze (75′)

J-riðill:

LASK Linz 3 – 3 Tottenham Hotspur
1-0 Peter Michorl (42′)
1-1 Gareth Bale (45+2′)(Víti)
1-2 Heung-Min Son (56′)
2-2 Johannes Eggestein (84′)
2-3 Dele Alli (87′)(Víti)
3-3 Mamoudou Karamoko (90+3′)

Antwerp 3 – 1 Ludogorets
1-0 Martin Hongla (19′)
1-1 Kiril Despodov (53′)
2-1 Ritchie De Laet (72′)
3-1 Manuel Benson (87′)
Rautt spjald: Dragoş Grigore, Ludogorets (90+1′)

K-riðill:

CSKA Moskva 0 – 1 Wolfsberger AC
0-1 Dario Vizinger (22′)

Feynoord 0 – 2 Dinamo Zagreb
0-1 Bruno Petković (45+5′)(Víti)
0-2 Lovro Majer (53′)

L-riðill:

Crvena Zvezda 0 – 0 Hoffenheim

Gent 1 – 2 Slovan Liberec
0-1 Kamso Mara (32′)
0-2 Abdulla Yusuf Helal (55′)
1-2 Roman Yaremchuk (60′)

Ólafur Ragnar Grímsson hefur fundið nýjan takt í lífinu. Hann fer enn alla morgna í kraftgöngu og er í sífelldri leit að ögrandi áskorunum. Ólafur segir hægt að draga ákveðinn lærdóm af sögum í nýútkominni bók hans um samskipti hans við ráðamenn um allan heim.

Ólafur Ragnar er í forsíðuviðtali í nýju helgarblaði DV sem kemur út á morgun. Hér má lesa brot úr viðtalinu.

Eftir að Dorrit hafði náð sér af Covid blasti við að Ólaf vantaði verkefni. Þá rifjaðist upp fyrir honum hvatning frá Kára Stefánssyni, forstjóra Íslenskrar erfðagreiningar, um að skrifa bók um kynni sín við áhugavert áhrifafólk um allan heim. Hvatningin kom eftir að Kári leitaði liðsinnis hjá Ólafi í glímu sinni við kínversk stjórnvöld. Úr varð bókin „Sögur handa Kára“ sem er nýkomin út á prentuðu formi en var gefin út á hlaðvarpi í byrjun september í samstarfi við Storytel.

….

Í einni sögunni segir þú frá því að það hafi truflað Davíð Oddsson og Halldór Ásgrímsson, þáverandi forsætisráðherra og utanríkisráðherra, að þú værir sem forseti að eiga fundi með bandarískum ráðherrum og öðrum ráðamönnum, og að þeir hafi upplifað að þú værir að fara inn á þeirra verksvið. Þú breyttir þá um taktík og fórst að hitta þessa ráðherra á veitingastöðum í stað þess að bóka tíma á skrifstofunni. Hefur þú talað um þetta opinberlega áður?

„Nei, það hef ég ekki gert. Það er fjölmargt nýtt í þessum sögum sem hefur hvergi komið fram og er áhugavert ef maður les þær með stjórnmálagleraugum af því tagi sem þú notar í spurningunni. Ég bara ákvað að láta vaða, ef svo má að orði komast, af því það passaði inn í frásögnina. Í sögunum kemur fram hvað eftir annað að Bandaríkin voru sá vettvangur þar sem ég hafði hvað mest tengsl og sinni erindum með hvað áhrifaríkustum hætti.

Margir hafa skemmt sér við að segja að ég hafi fyrst og fremst haft áhuga á Kína en ástæðan fyrir því að ég sinnti Kína og Indlandi eins og raun bar vitni var að ég taldi mig vita að á 21. öldinni yrðu þessi tvö Asíuríki í forystu í heimsviðskiptunum og þá væri mikilvægt fyrir litla þjóð eins og Íslendinga að ná góðum tengslum áður en allir vildu þá Lilju kveðið hafa.

Með fullri virðingu fyrir fyrirrennurum mínum þá hafði enginn áður tekið við forsetaembættinu með jafn víðtæk alþjóðleg tengsl og ég kom með til Bessastaða og ég var staðráðinn í að nýta þau Íslandi til hagsbóta. Íslenskir ráðamenn þekktu ekki þennan veruleika að það væri kominn forseti á vettvang sem gæti sjálfur útvegað sér fundi í Hvíta húsinu.

Ég segi frá því þegar Tom Harkin hjálpaði mér að koma á fundi með Bill Clinton og allir í íslensku utanríkisþjónustunni göptu því þetta hefði verið svo stórt verkefni fyrir þá. Það fór kannski pínulítið í taugarnar á þeim sem sátu hér heima að allt í einu gat forsetinn farið til Washington og skipulagt fundi án þess að ráðherrar eða ráðuneyti kæmu við sögu. Einkum var það metnaðarmál fyrir forsætisráðherrann að hann væri aðalmaðurinn í Washington hvað Ísland snerti.

Þegar þetta var búið að vera í gangi í ákveðinn tíma fór að bera á því að bæði forsætisráðherra og utanríkisráðherra voru orðnir létt pirraðir á þessum umsvifum forsetans og fannst hann kominn út fyrir sitt verksvið.

Ég var alls ekki sammála því en þeim fannst ekki ganga að forsetinn væri að eiga fundi með fulltrúum framkvæmdavaldsins og ef ég héldi því áfram þá myndi það hafa afleiðingar. Ég komst að þeirri niðurstöðu að togstreita á milli forseta og einstakra ráðherra væri ekki vænleg útflutningsvara og þjónaði ekki hagsmunum Íslands.

Ég fann þá bara leiðir til að komast fram hjá þessari prótókollkröfu og hitti þá í morgunmat eða í kaffi, eins og ég lýsi í sögunni. Þeim fannst gott að komast út af skrifstofunni og fundirnir gerðu áfram sitt gagn en ekki var hægt að gera formlegar athugasemdir við þá.“

Viðtalið í heild sinni má lesa í nýju helgarblaði DV sem kemur út að morgni föstudags.

Einfalt er að kaupa prent- og/eða vefáskrift hér: dv.is/skraning

Vísindamenn notuðu öflugan nýjan sjónauka, sem er staðsettur í óbyggðum Ástralíu, til að kortleggja þrjár milljónir vetrarbrauta á aðeins 300 klukkustundum. Með þessu hafa þeir afhjúpað sum af dýpstu leyndarmálum alheimsins. Sjónaukinn var þróaður af áströlskum vísindamönnum en hann nefnist The Australian Square Kilometre Array Pathfinder (ASKAP). Með honum settu þeir met við rannsókn á 83% hins sýnilega suðurhluta geimsins og kortlögðu Lesa meira

Kvennalið Tottenham er nú í fyrsta skipti að æfa á hverri einustu æfingu á sama æfingasvæði og karlalið félagsins. Áður fyrr æfðu þær aðeins einu sinni í viku á æfingasvæði karlanna. Rehanne Skinner þjálfari liðsins segir þetta sýna vilja hjá félaginu að gera betur fyrir kvennaliðið. „Með þessari breytingu fáum við ótrúlega góða aðstöðu sem Lesa meira

Cristiano Ronaldo, leikmaður Juventus og portúgalska landsliðsins, skoraði í gær sitt 750. mark á ferlinum. Hann skoraði í 3-0 sigri Juventus á Dynamo Kyiv í Meistaradeildinni. Hinn 35 ára gamli Ronaldo þakkaði öllum þeim þjálfurum og leikmönnum sem hafa hjálpað honum að ná þessum áfanga. Á twitter skrifaði hann: „750 mörk, 750 hamingjusöm augnablik, 750 Lesa meira

QAnon-hreyfingin hefur náð góðri fótfestu í Evrópu eftir að heimsfaraldur kórónuveirunnar skall á. Umfangsmiklar lokanir á samfélagsstarfsemi virðast hafa ýtt undir stuðning við hreyfinguna sem bandaríska alríkislögreglan FBI hefur meðal annars varað við.

Hreyfingin varð til í Bandaríkjunum fyrir fjórum árum í tengslum við kosningabaráttu Hillary Clinton og Donald Trump. Þá byrjuðu lygar að grassera á netinu um að Demókratar og valdhafar í Washington stæðu fyrir rekstri barnaníðingsklúbbs í kjallara undir pitsastað í höfuðborginni. Í framhaldi af þessu byrjaði aðili, sem nefnir sig Q, að birta færslur á hinu umdeilda vefsvæði 4chan. Q sagðist vera háttsettur embættismaður og vissi því vel hvað væri á seyði. Viðkomandi hefur aðallega birt færslur sem taka undir málflutning og skoðanir Donald Trump Bandaríkjaforseta.

Færslur Q snúast aðallega um hið svokallað „djúpríki“ sem á að sögn að samanstanda af elítu stjórnmálamanna, auðmanna og fjölmiðla sem skrifa falsfréttir. Þessi elíta er sögð vilja stýra heiminum og takmarka frelsi borgaranna. Sumir í QAnon-hreyfingunni telja sig geta sannað að Joe Biden, verðandi forseti, taki við mútum frá kínversku kommúnistastjórninni sem stýri honum fyrir vikið. Aðrir sjá þær sóttvarnaráðstafanir, sem gripið hefur verið til í tengslum við heimsfaraldur kórónuveirunnar, sem skýrt dæmi um að elítan vilji stýra fólki. Af þessum sökum hafi kórónuveirunni verið komið í umferð. Sumir segja að Bill Gates standi á bak við þetta og hafi dreift veirunni í gegnum 5G farsímakerfið og að hann eigi bóluefni við veirunni.

Aðvörun frá FBI

Fjölmargir hafa reynt að komast að hverjir standi á bak við QAnon og hvert markmið hreyfingarinnar sé. En þessu er ekki auðvelt að svara en svarið er kannski að hér sé um hreyfingu að ræða sem styður samsæriskenningar af ýmsum toga.

Um þrjár milljónir Bandaríkjamanna eru taldar styðja hreyfinguna og hefur alríkislögreglan FBI áhyggjur af vexti hennar og hefur varað við hreyfingunni og sagt raunverulega hættu á að þeir sem styðja hreyfinguna fremji hryðjuverk. FBI varaði einnig við því á síðasta ári að hætta væri á að hreyfingin myndi breiða úr sér út fyrir Bandaríkin og það hefur gerst því talið er að tugir þúsunda Evrópubúa styðji hana. Stuðningurinn virðist vera sérstaklega mikill í Þýskalandi en þar er einnig mikið líf á svokölluðum Qlobal-Changheimasíðum þar sem stuðningsfólk hreyfingarinnar getur viðrað skoðanir sínar.

Í nýlegri umfjöllun Politico kom fram að kenningar QAnon hafi töluverð áhrif á mótmælendahreyfinguna „Gulu vestin“ í Frakklandi og það sama á við um hjá andstæðingum bólusetninga á Ítalíu. Í Bretlandi nýtur hreyfingin töluverðs stuðnings meðal andstæðinga sóttvarnaaðgerða og stuðningsmanna Brexit.

Arsenal tryggðu sér efsta sæti B-riðils í Evrópudeildinni með stórsigri á Rapid Vienna. Leiknum lauk með 4-1 sigri Arsenal. Alexandre Lacazette, PAblo Marí, Edward Nketiak og Emile Smith Rowe skoruðu mörk Arsenal og Koya Kitagawa skoraði mark Rapid Vienna. Rúnar Alex Rúnarsson spilaði allan leikinn í marki Arsenal.

Sverrir Ingi Ingason sat allan tímann á varamannabekk PAOK þegar þeir töpuðu 2-1 fyrir Omonia Nicosia í E-riðli. Bæði liðin eru dottin út úr keppninni þegar einn leikur er eftir í riðlakeppninni. Granada og PSV eru komin í 32. liða úrslit.

Albert Guðmundsson var í byrjunarliði AZ Alkmaar sem gerði 1-1 jaftefli við Napoli í F-riðli. AZ er í þriðja sæti riðilsins með átta stig. Þeir eiga enn möguleika á að komast í 32. liða úrslit.

Hér fyrir neðan má sjá úrslitin úr seinni leikjum dagsins. Hægt er að sjá stöðuna í hverjum riðli fyrir sig með því að smella hér.

A-riðill:

Roma 3 – 1 Young Boys
0-1 Jean-Pierre Nsame (34′)
1-1 Borja Mayoral (44′)
2-1 Riccardo Calafiori (59′)
3-1 Edin Džeko (81′)
Rautt spjald: Mohamed Aly Camara, Young Boys (83′)

CFR Cluj 0 – 0 CSKA Sofia

B-riðill:

Arsenal 4 – 1 Rapid Vienna
1-0 Alexandre Lacazette (10′)
2-0 Pablo Marí (18′)
3-0 Edward Nketiah (44′)
3-1 Koya Kitagawa (47′)
4-1 Emile Smith Rowe (66′)

Molde 3 – 1 Dundalk
1-0 Magnus Eikrem (30′)
2-0 Ohi Omoijuanfo (41′)
3-0 Martin Ellingsen (67′)
3-1 Jordan Flores (90+4′)

C-riðill:

Slavia Praha 3 – 0 Hapoel Beer Sheva
1-0 Abdallah Dipo Sima (31′)
2-0 Nicolae Stanciu (36′)
3-0 Abdallah Dipo Sima (85′)

Nice 2 – 3 Bayer Leverkusen
0-1 Moussa Diaby (22′)
1-1 Hassane Kamara (26′)
1-2 Aleksandar Dragović (32′)
2-2 Dan Ndoye (47′)
2-3 Julian Baumgartlinger (51′)

D-riðill:

Benfica 4 – 0 Lech Poznan
1-0 Jan Vertonghen (36′)
2-0 Darwin Nuñez (57′)
3-0 Pizzi (58′)
4-0 Julian Weigl (89′)

Rangers 3 – 2 Standard Liege
0-1 Maxime Lestienne (6′)
1-1 Connor Goldson
1-2 Duje Čop (41′)
2-2 James Tavernier (45+1′)(Víti)
3-2 Scott Arfield (63′)

E-riðill:

Omonia Nicosia 2 – 1 PAOK
1-0 Andronikos Kakoullis (9′)
1-1 Christos Tzolis (39′)
2-1 Jordi Gómez (84′)

Granada 0 – 1 PSV
0-1 Donyell Malen (38′)

F-riðill:

AZ Alkmar 1 – 1 Napoli
0-1 Dries Mertens (6′)
1-1 Bruno Martins Indi (54′)
1-1 Teun Koopmeiners (59′)(Misheppnað víti)

Real Sociedad 2 – 2 Rijeka
0-1 Darko Velkovski (38′)
1-1 Jon Bautista (69′)
1-2 Stjepan Lončar  (73′)
2-2 Nacho Monreal (79′)

Eyjapeyinn Sigurður Grétar Benónýsson hefur skrifað undir 2ja ára samning við ÍBV. Sigurður lauk námi í Bandaríkjunum fyrr á þessu ári og er fluttur heim. Hann spilaði með Vestra á síðasta tímabili þar sem hann brá sér í ýmsar stöður í 22 leikjum og skoraði tvö mörk. „Það er mikil ánægja með að hafa fengið Lesa meira

Víðir Reynisson, yfirlögregluþjónn almannavarnadeildar ríkislögreglustjóra, hefur verið kallaður inn á Covid-göngudeild Landspítalans. Hann greindist smitaður af kórónuveirunni í síðustu viku og hefur líðan hans farið versnandi undanfarna daga. Þetta kemur fram í frétt RÚV. Samkvæmt Jóhanni K. Jóhannssyni, samskiptastjóra almannavarnardeildar,  hóstar Víðir mikið og hefur verið flokkaður sem „gulur“ af læknum, en gulur þykir alvarlegri en Lesa meira

Rúmar þrjár vikur eru nú til jóla og ein stærsta afsláttartíð ársins ný yfirstaðin. Það er því ekki seinna vænna að kynna sér reglur um skilarétt. Gjafabréf og inneignir sem renna út á tímum COVID-lokana eru í skoðun hjá Neytendastofu.

Það gilda ekki endilega sömu reglur þó að um sömu verslun og vöru sé að ræða. Það getur skipt máli hvort hún er keypt á netinu eða í versluninni sjálfri,“ segir Matthildur Sveinsdóttir, sviðsstjóri Neytendasviðs hjá Neytendastofu. Panta og máta „Það er alltaf 14 daga skilafrestur við kaup í gegnum netverslanir hérlendis. Teljast dagarnir frá þeim degi er þú færð vöruna afhenta. Þú ert því öruggari með skilafrest í gegnum vefverslun þar sem kaupandinn hefur ekki sannreynt gæði vörunnar og skoðað hana líkt og í almennri verslun,“ segir Matthildur en þekkt er að fólk sem pantar fatnað vill geta skilað ef flíkin passar ekki og pantar jafnvel tvær stærðir með það fyrir augum að skila því sem ekki passar.

Sendingarkostnaður, þegar vöru er skilað, fellur alla jafna á neytandann og ef um er að ræða innflutta vöru er líklegt að neytandinn hafi greitt virðisaukaskatt af vör-unni en hægt er að sækjast eftir endurgreiðslu virðis-aukaskatts ef sýnt er fram á að varan sé send aftur til seljanda. Matthildur segir skilareglur þegar verslað er á staðnum geta verið á reiki sökum þess að þær séu ekki bundnar í lög, ólíkt 14 daga reglunni. „Til eru viðmiðunarreglur, útgefnar af viðskiptaráðuneytinu árið 2000, sem eru leiðbeinandi en ekki bindandi. Þar er til dæmis talað um að skilareglur gildi ekki um útsöluvörur nema um annað sé samið.“

Snarhækka og lækka Aðspurð um hvað neytendur skuli aðhafast ef grunur leikur á að vara sé hækkuð í verði til að hægt sé að lækka hana aftur á t.d. Black Friday og auglýsa háa afsláttarpró-sentu svarar hún: „Það eru mjög skýrar reglur um að varan þarf að hafa verið seld á því verði sem tekið er fram sem fullt verð. Ekki dugir að hún hafi verið seld á fullu verði í einn eða tvo daga áður en afsláttarverðið er sett á heldur þarf „fyrir“-verðið að geta flokkast sem fast verð vörunnar.“  Er þá átt við að bók sem kostar almennt 4.990 en er á afslætti á 2.500 má ekki hafa verið á háa verðinu í örstutta stund áður. „Meta þarf hvert tilvik og verðsveiflurnar og hve langan tíma varan er á fullu verði og hve langan tíma á afslætti. Það þarf að vera skýrt að verið sé að veita raunverulegan afslátt.“

Matthildur segir Neytendastofu vilja fá ábend-ingar gruni fólk að verið sé að brjóta á rétti þess. „Við viljum fá þessar ábendingar til okkar og við getum þá krafist skýringar frá fyrir-tækinu. Það eru dæmi um að fyrirtæki hafa brotið gegn þessum reglum en svo hefur það líka gerst að verðmunurinn á sér eðlilegar skýringar,“ úrskýrir Matthildur og segir ábendingafjölda milli ára vera svipaðan þrátt fyrir að innkaupahegðun fólks hafi breyst mikið sökum faraldursins.Inneignir og lokanir Aðspurð um hvaða rétt neytendur hafa sem eiga inneignarnótur eða gjafabréf sem renna út á tímum samkomutakmarkana og lokana með þeim afleiðingum að neytendur geta ekki nýtt inneignina, segir Matthildur að slík mál hafi ekki komið inn á borð Neytendastofu.

Inneignanótur

Breki Karlsson, formaður Neytendasamtakanna, segist vera með slíkt tilvik í skoðun. „Við höfum fengið nokkur mál þar sem nótuhafi getur ekki keypt vöru/þjónustu vegna Covid-takmarkana og inneignarnótan er að renna út. Afstaða NS er að söluaðila beri að framlengja inneignarnótuna. Allir hafa hingað til orðið við því. Erum þó að bíða eftir svari frá einu hóteli, sem er að skoða málið,“ segir Breki og lofar frekari fréttum þegar niðurstaða fæst.

Nefnd Sameinuðu þjóðanna um fíkniefnamál, CND, ákvað á miðvikudaginn að taka kannabis af lista yfir hættulegustu fíkniefnin.  Kannabis hefur verið flokkað sem fíkniefni með „sérstaklega hættulegum eiginleikum“ allt frá 1961 og verið í sama flokki og heróín og ópíóíðar. The New York Times skýrir frá þessu. Vegna þessarar flokkunar hefur verið ólöglegt að nota, framleiða og selja kannabis víðast hvar um heiminn. Atkvæði voru greidd um tillöguna Lesa meira

Jurgen Klopp stjóri Liverpool gengur hvað harðast fram í því á Englandi að enska úrvalsdeildin taki upp fimm skiptingar á nýjan leik. Englendingar völdu að hafa ekki fimm skiptingar í deildinni eins og í vor. Klopp hefur mikið látið í sér heyra um álag á leikmönnum síðustu vikurnar og í dag ákvað hann að svara Lesa meira

Lögreglan á höfuðborgarsvæðinu hefur nú til rannsóknar umfangsmikið mál sem snýr að framleiðslu fíkniefna og sölu þess. Talið er að um skipulagða brotastarfsemi sé að ræða, segir í tilkynningu frá lögreglu: „Í gær voru fimm handteknir í þágu málsins og nokkrir til viðbótar hafa réttarstöðu sakbornings, en þrír hinna handteknu hafa verið úrskurðaðir í gæsluvarðhald Lesa meira

Landsréttur hefur staðfest úrskurð Héraðsdóms fyrir manni sem olli dauða einnar manneskju og slasaði aðra í árekstri á Reykjanesbraut. Hinn ákærði sofnaði undir stýri og missti stjórn á bíl sínum sem fór yfir á rangan vegarhelming með þessum hræðilegu afleiðingum. Atvikið átti sér stað þann 28. október árið 2018. Maðurinn ók bíl sínum vestur Reykjanesbraut Lesa meira

Ed Woodward stjórnarformaður Manchester United trúir því að félagið sé á réttri leið undir stjórn Ole Gunnar Solskjær. Woodward ræddi við stuðningsmenn í gær og sagði að félagið væri á réttri leið og að Solskjær myndi fá fjármuni til að styrkja liðið. „Við munum halda áfram að styðja Ole, við horfum til lengri tíma og Lesa meira

Jón Þór Hauksson landsliðsþjálfari kvennalandsliðsins í knattspyrnu er sagður hafa verið ölvaður og hafa farið yfir strikið í samræðum við leikmenn liðsins á þriðjudag. Þetta gerðist sama kvöld og Ísland tryggði sig inn á Evrópumótið. Það er Fótbolti.net sem fjallar um málið. „Í fögnuði um kvöldið var áfengi haft um hönd og þá komu upp Lesa meira

Tæplega fimmtugur maður í Reykjanesbæ hefur verið ákærður fyrir hrottalegt ofbeldi gegn lögreglumönnum og fyrir vopnalagabrot. Meint brot áttu sér stað síðastliðið vor. Maðurinn er ákærður fyrir að hafa ráðist með ofbeldi að lögreglumanni og veitt honum högg í andlit og skömmu síðar skallað aftur fyrir sig í andlit hans með þeim afleiðingum að hann Lesa meira