„Ég sé eftir því að hafa farið til Monaco,“ sagði knattspyrnumaðurinn Eiður Smári Guðjohnsen í viðtali í útvarpsþættinum FM95blö á útvarpstöðinni FM957. Þar bar þáttastjórnandinn Auðun Blöndal upp spurningar til Eiðs sem hlustendur þáttarins höfðu spurt á samskiptasíðunni Twitter. Eiður var til að mynda spurður út í hvað hann sæi mest eftir á ferlinum og svaraði hann meðal annars því að hann sæi eftir því að hafa farið til franska liðsins Monaco. „Það var heillandi og rómantískt á þeim tíma að fara þarna,“ sagði Eiður Smári um ákvörðunina. Þegar Auðun spurði hvort að peningar hefðu spilað inn í ákvörðun hans svaraði Eiður: „Bæði bara.“
