Fyrrverandi kennari við menntaskólann Hraðbraut, Hilmar Pétursson, hefur stefnt Ólafi Johnson, eigandi og skólastjóra Hraðbrautar, fyrir ólögmæta uppsögn. Ólafur rak Hilmar fyrirvaralaust frá Hraðbraut í mars í fyrra í kjölfarið á miklum deilum innan skólans um inngöngu kennaranna í Kennarasamband Íslands. Hilmar vill að Ólafur verði dæmdur til að greiða honum tæpar 3 milljónir króna í skaðabætur auk málskostnaðar. Aðalmeðferð fer fram í málinu í dag fyrir Héraðsdómi Reykjavíkur.
