Leikmenn Barcelona voru tilbúnir að taka á sig launalækkun til að tryggja endurkomu Neymar í sumar. Gerard Pique, leikmaður Barcelona, staðfesti það en Neymar reyndi mikið að yfirgefa Paris Saint-Germain. Barcelona átti þó ekki efni á leikmanninum að lokum sem kostaði PSG 200 punda milljónir fyrir tveimur árum. ,,Það getur allt gerst í fótboltanum. Það Lesa meira

Samfélag áhugamanna um armbandsúr á netinu kom upp um íslenskan svikahrapp. Sá er grunaður um að hafa svikið á aðra milljón út úr grandalausum einstaklingum með ástríðu fyrir úrum.

Sviðin jörð 

„Ég vil taka það skýrt fram að ég er ekki að halda því fram að ég hafi óvefengjanleg sönnunargögn fyrir því hver gerandinn í þessum brotum er. Það eru þung spor að deila nafni hans hér og ég geri mér grein fyrir þeim álitshnekki sem hann getur orðið fyrir í kjölfarið. Hins vegar vegna þeirra sterku tenginga og gagna sem ég hef safnað og geri grein fyrir hér, og sönnunargagna um ítrekuð svik í gegnum árin, þá finnst mér mikilvægt að deila þessu með samfélaginu til að koma í veg fyrir að aðrir lendi í svikum.“

Þetta segir í færslu sem Ástrali nokkur, sem ekki vill láta nafns síns getið, deildi á vefsvæðum áhugamanna um armbandsúr fyrir skömmu. Með færslunni vildi hann koma upp um íslenskan svikahrapp sem hafði skilið eftir sig sviðna jörð víða um heiminn.

Dabbispade

Ástralinn, sem hér eftir verður nefndur Róbert, segir í samtali við blaðamann að hann hafi um árabil átt í farsælum og jákvæðum viðskiptum við aðra áhugamenn um armbandsúr á veraldarvefnum. Hann gerir sér grein fyrir að slíkum viðskiptum fylgi viss áhætta en hann átti aldrei von á því að verða svikinn með þeim hætti sem hér átti sér stað.

„Einstaklingur með notendanafnið „dabbispade“ hafði samband við mig í gegnum vefsíðu fyrir safnara armbandsúra. Hann fylgdi skilaboðunum eftir með tölvupósti og stakk upp á skiptum; hann léti mig hafa Omega Speedmaster-úr og fengi í staðinn IWC-spariúr frá mér.“ Verðmæti úranna var svipað og því greiddi hvorugur aðilinn umframkostnað. Báðir sendu sönnun þess að þeir hefðu umrædd úr í fórum sínum og svo sönnun þess að úr hefði verið sent með póstinum til viðtakanda. Róbert fékk þó ekki það úr sem honum hafði verið lofað, heldur annað verðlaust og ónýtt. „Úrið sem ég sendi frá mér var nýlega metið á 170 þúsund krónur,“ sagði Róbert í samtali við blaðamann.

Þegar Róbert fékk verðlausa úrið í hendurnar gerði hann sér grein fyrir því að hann hefði verið blekktur. Hann fór að spyrjast fyrir um málið og kannaði hvort aðrir hefðu lent í slíkum svikum. Svörin létu ekki á sér standa og innan skamms hafði Róbert frétt af að minnsta kosti þrettán einstaklingum sem allir höfðu lent í svikara frá Íslandi.

Aðferð íslenska svikarans var áþekk í öllum tilvikum. Hann stofnaði nýjan notanda inni á vefsvæðum áhugamanna um armbandsúr. Þar birti hann nokkrar ómerkilegar færslur til að ekki liti strax út fyrir að annarlegar hvatir lægju að baki notandanafninu. Síðan átti hann frumkvæði að samskiptum við einstaklinga sem höfðu úr til sölu eða vildu skipta og upphófst þá blekkingin. Í allavega tveimur tilfellum sendi svikarinn sannanlega pakka frá sér sem skilaði sér alla leið til viðtakanda. Var þó ekki um umsamið innihald pakkans að ræða heldur ónýt verðlaus úr.

Róbert hafði enn fremur samband við þá sem standa að baki vefsvæðum áhugamanna um úr og fékk þaðan staðfest að öll notandanöfnin kæmu frá sömu IP-tölunni á Íslandi.

Saklausum frændi svikarans blandað í málið

Þá brá Róbert á það ráð að taka saman allar upplýsingar sem hann hafði aflað sér um svikarann og deila þeim ásamt fullu nafni glæpamannsins á áðurnefndum vefsvæðum. Það var þá sem hjólin fóru að snúast.

Svikarinn var fljótur að setja sig í samband við Róbert. Nafnið sem Róbert hafði grafið upp kom frá PayPal-reikningi sem hafði verið notaður við ein svikin. Svikarinn vildi fyrir alla muni fá það nafn tekið út af síðunni, hann hefði fengið lánaðan PayPal-reikning frá frænda sínum sem væri saklaus í málinu. Hefði frændi hans þegar orðið fyrir nokkru ónæði vegna málsins, yfirheyrður af lögreglu og steini hefði verið kastað í gegnum rúðu heima hjá ömmu hans. Lofaði hann að láta af svikastarfseminni og skila síðustu tveimur úrunum sem hann hafði svikið út.

„Ég vona að þú takir út upplýsingarnar núna. Ég er að hafa samband við fólk til að bæta ráð mitt. Hvorki þú né aðrir munuð nokkurn tímann sjá mig aftur á þessum síðum,“ segir í tölvupósti frá svikaranum sem blaðamaður hefur fengið að sjá.

Úrunum tveimur var vissulega skilað, en eftir sem áður eru mörg fórnarlömb svikarans sem enn sitja eftir með sárt ennið.

Minnst 13 fórnarlömb

Málið er nú rannsakað af lögreglu og samkvæmt heimildum DV hafa svikarinn og frændi hans verið yfirheyrðir vegna málsins. Róbert telur að þó hann viti aðeins um þrettán fórnarlömb sem stendur þá séu þau líklega mun fleiri, jafnvel heilu tugirnir til viðbótar. Að minnsta kosti tveir hafa verið í sambandi við lögregluna á Íslandi vegna málsins, en einnig yfirvöld í Ástralíu og Kanada. Fórnarlömb eru staðsett víðs vegar um heiminn, í Portúgal, Bandaríkjunum, Kanada og Ástralíu, svo fáein lönd séu nefnd.

„Nafnleysi á vefnum getur skapað kjöraðstæður fyrir svikara og þjófa, hins vegar getur slíkt hátterni komið manni í koll. Ekki stela frá öðrum. Því miður mun þessi stærðargráða af svikum í viðskiptum með úr, sem stafa frá sama staðnum, Reykjavík, valda því að menn verða hikandi við að skipta við aðra áhugamenn frá Íslandi,“ segir Róbert.

Atli Rafn vann mál sem hann höfðaði gegn Borgarleikhúsinu á dögunum. Vakti það mikla athygli og umræðu í samfélaginu en ekki voru allir sammála um ágæti dómsins.

Steinunn Ólína tjáði sig um málið í gær en þar fagnaði hún dómnum og gagnrýndi harðlega skrif Þórdísar Elvu um málið. Skrif Þórdísar bentu meðal annars bendir á að skaðabætur til handa þolendum kynferðisbrota hafi einatt verið lægri en þær skaðabætur sem Atla Rafni voru dæmdar. Steinunn sakaði jafnframt Þórdísi um að hafa markaðssett kynferðisofbeldi sem hún varð sjálf fyrir með bókarskrifum og fyrirlestrum.

„Þór­dís Elva var áður sjálf­skipaður braut­ryðjandi á Ís­landi í af­hjúpun of­beldis­manna að amerískri fyrir­mynd og hvatti fórnar­lömb til þess að stíga fram og segja frá í hópi sviðs­lista­kvenna. Hún hafði gert slíkt sjálf og bætti um betur, því hún markaðs­setti of­beldi sem hún sagðist hafa orðið fyrir með eftir­minni­legum hætti í bók, með fyrir­lestrum þar sem henni fylgdi meintur of­beldis­maður um allar álfur og gekkst við því að kalla sig nauðgara til að styðja rétt hennar til að segja frá og mæta of­beldis­manni sínum. Verkið vakti mikla at­hygli.“

Steinunn sagðist einnig viður­kenna að hún hafi hreina and­styggð á „þeirri drottnunar­girni og hefndar­fýsn sem birtist í þessu niður­lægjandi og sjálfs­upp­hefjandi verki Þór­dísar Elvu,“ en ekki hafa allir verið sáttir með þessi skrif Steinunnar. Einn þeirra sem gagnrýnir skrif Steinunnar er fyrrverandi borgarfulltrúinn Halldór Auðar Svansson en hann tjáði sig um málið á Facebook síðu sinni í dag.

„Ég man það mjög vel þegar Þórdís Elva Þorvaldsdóttir fór í uppgjörsferli með nauðgara sínum að sumum þótti þetta alveg forkastanlegt á þeim forsendum að hún væri að veita honum vettvang til að tjá sig, það væri of mikil gerendameðvirkni.

Sólveig Eyfeld gerði sér ferð í Hagkaup í Spönginni í gær með 9 ára dóttur sinni og bróður sínum, honum Helga. Það sem gerðist í þessari verslunarferð kom Sólveigu í opna skjöldu.

Þegar Sólveig var að ganga um á bílaplaninu með dóttur sinni og Helga tók hún eftir því að það voru einhverjir ungir drengir að stara á bróður hennar en hann er með Downs heilkenni.

„Áður en við löbbum inn þá eru tveir drengir að keyra í bíl á planinu og bróðir minn labbar svolítið hægt þannig hann var aðeins á eftir okkur. Þá var það alveg greinilegt að þeir voru að horfa á hann og síðan fóru þeir bara að skellihlægja í bílnum.“

Í samtali við DV sagði Sólveig að henni hafi verið brugðið við þetta og ekki alveg skilið hvað var í gangi. „Síðan tók ekkert betra við inni í Hagkaup,“ segir Sólveig.

„Ég tók eftir því að það var rosa mikið verið að horfa á okkur. Sama fólkið var að labba í hringi til að horfa á okkur, það kom bara til að stara. Þetta er eitthvað sem ég hafði ekki fundið fyrir í langan tíma.“

„Maður verður ekki mikið var við svona þess vegna var ég í svona miklu sjokki í gærkvöldi,“ segir Sólveig en dóttir hennar tók líka eftir þessu.

„Dóttir mín sem er 9 ára var með okkur og hún var bara stórhneyksluð. Hún tók líka eftir þessu og varð bara mjög reið.“

Hún segir foreldra sína hafa barist lengi fyrir því að þetta myndi breytast á sínum tíma og gekk það vel, Sólveig hafði ekki orðið vör við þetta í langan tíma. Nú virðist hins vegar eins og það hafi eitthvað gleymst að fræða börn um þetta í kynslóðakiptunum því fordómarnir og glápið er komið aftur upp á yfirborðið. Sólveig segir það mikilvægt að fólk fræði börnin sín um svona hluti svo bróðir hennar og aðrir í hans stöðu lendi ekki í þessu.

„Það eru 20 ár síðan ég lenti í þessu síðast, ég hélt að þetta væri bara búið“

Guðrún Eva Mínervudóttir: Aðferðir til að lifa af Skáldsaga Útgefandi: Forlagið 166 bls.   Í nýrri skáldsögu Guðrúnar Evu Mínervudóttur, Aðferðir til að lifa af, tengist líf nokkurra ólíkra persóna saman fyrir tilviljanir. Sagan er stutt en þó nokkuð margslungin og hún er sögð út frá mismunandi sjónarhornum persónanna. Ein er að jafna sig eftir Lesa meira

Hatem Ben Arfa gæti loksins verið að semja við nýtt félag eftir nokkra atvinnulausa mánuði.þ Ben Arfa er 32 ára gamall en hann yfirgaf lið Rennes í Frakklandi eftir síðasta tímabil. Hann hjálpaði liðinu að verða franskur bikarmeistari en af einhverjum ástæðum var samningur hans ekki framlengdur. Tvö lið eru í viðræðum við Ben Arfa Lesa meira

Hafdís nokkur varð vör við undarlegar mannaferðir seint í gærkvöldi í Vesturbænum. Hafdís segir frá þessu í Facebook hópnum Vesturbærinn en hópurinn inniheldur marga af íbúum hverfisins. Hafdís spyr meðlmi hópsins hvort einhver þeirra hafi orðið var við mann sem er að elta unglinga heim til þeirra og spyrja þó undarlega spurninga. „Hafið þið orðið Lesa meira

Granit Xhaka, leikmaður Arsenal, mun yfirgefa félagið í janúar að mati fyrrum leikmanns liðsins, Charlie Nicholas. Xhaka sagði stuðningsmönnum að fara til fjandans um síðustu helgi eftir að baulað var á hann í 2-2 jafntefli við Crystal Palace. ,,Leikmenn geta ekki hagað sér svona, það er svo einfalt. Stuðningsmenn borga fyrir þetta og þeir vilja Lesa meira

Það er fátt skemmtilegra en að bjóða góðu fólki heim, borða, hlæja og hafa gaman. Hér eru nokkrar dásamlegar uppskriftir og eiga réttirnir það sameiginlegt að sóma sér vel á dögurðarborðinu á fallegum sunnudögum.

Vöfflur með pekanhnetum

Hráefni:

1 1/2 bolli hveiti
1/2 bolli maíssterkja
1/2 tsk. matarsódi
1 tsk. lyftiduft
1 tsk. kanill
1/2 tsk. múskat
1 tsk. sjávarsalt
2 bollar nýmjólk
2/3 bolli olía
2 egg
3 tsk. sykur
2 tsk. vanilludropar
1 bolli pekanhnetur, saxaðar
þeyttur rjómi
hlynsíróp

Aðferð:

Blandið saman hveiti, maíssterkju, matarsóda, lyftidufti, kanil, múskati og salti í skál.

Blandið mjólk, olíu, eggjum, sykri og vanilludropum saman í annarri skál.

Blandið þurrefnum saman við mjólkurblönduna þar til allt er blandað, en ekki blanda alltof lengi. Blandið hnetunum varlega saman við með sleif eða sleikju. Leyfið blöndunni að standa í hálftíma og hitið svo vöfflujárnið.

Bakið vöfflurnar og berið fram með þeyttum rjóma og hlynsírópi. Þessar eru aðeins of dásamlegar!

„French toast“

Hráefni:

6–10 sneiðar dagsgamalt brauð
5 stór egg, þeytt
2 bollar rjómi
1 bolli nýmjólk
1 msk. vanilludropar
börkur af 1 sítrónu
1/4 bolli púðursykur
fersk bláber, ef vill
flórsykur
myntulauf, ef vill

Aðferð:

Takið til stórt, eldfast mót og smyrjið það vel. Skerið brauðsneiðarnar í tvennt og raðið þeim í einfalda röð í mótið. Sneiðarnar mega skarast aðeins en ekki mikið.

Blandið eggjum, rjóma, mjólk, vanilludropum, berki og púðursykri saman í skál. Hellið blöndunni yfir brauðið þar til brauðið er næstum því allt hulið. Notið gaffal til að ýta sneiðunum létt niður.

Leyfið þessu að standa í 20–30 mínútur við stofuhita, og þrýstið reglulega á brauðið með gafflinum. Bætið við meiri eggjablöndu ef brauðið er búið að sjúga hana alla í sig.

Hitið ofninn í 180°C og bakið í 45–50 mínútur eða þar til brauðið er orðið gyllt að lit. Takið úr ofninum og leyfið þessu að standa í 5 mínútur.

Dustið flórsykri yfir brauðið og skreytið með myntulaufum og bláberjum. Þetta er algjörlega skothelt!

Nutella-horn

Deig – Hráefni:

1/4 l nýmjólk
50 g smjör
1/2 pakki þurrger
4 msk. sykur
3 bollar hveiti
1/2 tsk. sjávarsalt

Aðferð:

Hitið mjólkina í örbylgjuofni. Hún á ekki að sjóða heldur vera volg. Hjá mér tekur þetta 30–45 sekúndur.

Bræðið smjörið og blandið saman við mjólkina. Bætið þurrgerinu og sykrinum út í og látið standa í 4–5 mínútur.

Bætið síðan hveiti og sjávarsalti saman við og hnoðið deigið vel. Setjið hreint viskastykki yfir skálina og leyfið deiginu að hefast í 40–50 mínútur á hlýjum stað. Gott er að hnoða deigið svo aftur og leyfa því að hefast á ný í 20–25 mínútur.

Fylling – Hráefni:

Nutella
3–4 bananar, skornir í bita
1 egg
smá mjólk

Hitið ofninn í 200°C og setjið smjörpappír á tvær ofnplötur.

Skiptið deiginu í 3–4 jafnstóra parta og fletjið út litla hringi. Skiptið hverjum hring upp í 8 þríhyrninga með pítsuskera. Smyrjið Nutella á efsta part þríhyrninganna og smellið einum bananabita ofan á. Rúllið þríhyrningunum upp og raðið á ofnplöturnar.

Þeytið eggið og mjólk saman og penslið toppana á hornunum með því.

Bakið í 12–15 mínútur og leyfið að standa í 10 mínútur áður en þið gúffið hornin í ykkur. Ekki er verra að bræða smá Nutella eða súkkulaði og drissa því yfir.

Ómótstæðileg epla- og karamellukaka

Botn – Hráefni:

115 g brætt smjör
1/4 bolli sykur
1 tsk. vanilludropar
1/4 tsk. salt
1 bolli hveiti

Aðferð:

Hitið ofninn í 150°C og takið til form sem er sirka 20 sentímetra stórt. Smyrjið það með smjöri eða bökunarspreyi.

Blandið smjöri, sykri, vanilludropum og salti vel saman í skál. Bætið hveitinu við og hrærið þar til allt er blandað saman.

Þrýstið blöndunni í botninn á forminu og bakið í 15 mínútur, eða á meðan þið takið til fyllinguna og toppinn.

Eplafylling – Hráefni:

2 stór epli, afhýdd og skorin í þunnar sneiðar
2 msk. hveiti
2 msk. sykur
1 tsk. kanill
1/8 tsk. múskat

Aðferð:

Blandið öllu saman í stórri skál og setjið til hliðar.

Toppur – Hráefni:

1/2 bolli haframjöl
1/3 bolli púðursykur
1/4 tsk. kanill
1/4 bolli hveiti
60 g smjör, kalt og skorið í teninga

Aðferð:

Blandið haframjöli, sykri, kanil og hveiti saman í skál.

Notið fingurna til að blanda smjörinu vel saman við þar til blandan byrjar að minna á grófsaxaða brauðmola.

Takið botninn úr ofninum og hækkið hitann í 180°C. Raðið eplunum ofan á heitan botninn. Ykkur finnst þetta vera of mikið af eplum en treystið mér! Raðið þeim bara þétt saman og ýtið þeim niður í botninn.

Dreifið toppinum yfir eplin og bakið í 30–35 mínútur, eða þar til toppurinn er gullinbrúnn.

Takið úr ofninum og leyfið kökunni að kólna í 20–30 mínútur við stofuhita.

Saltkaramellusósa – Hráefni:

1 bolli sykur
90 g smjör
1/2 bolli rjómi
1 tsk. sjávarsalt

Aðferð:

Setjið sykur í pott og hitið yfir meðalhita. Hrærið stanslaust í sykrinum, en fyrst mun hann verða að kögglum og síðan bráðna í ljósbrúna blöndu.

Þegar sykurinn er bráðnaður bætið þið smjörinu út í og hrærið áfram stanslaust. Passið ykkur, því blandan mun bubbla og láta illa þegar smjörið snertir sykurinn. Hrærið þar til allt smjörið er bráðnað og búið að blandast saman við sykurinn.

Hellið síðan rjómanum varlega út í á meðan þið hrærið en blandan mun aftur láta illa. Leyfið þessu að sjóða í um 1 mínútu en haldið áfram að hræra stanslaust.

Takið pottinn af hellunni og blandið saltinu saman við. Hellið blöndunni í aðra skál og leyfið henni að kólna í 10–15 mínútur áður en þið hellið henni yfir kökuna. Ekki hella samt allri sósunni yfir kökuna – geymið smá til að bera fram með henni. Eða þið bara frystið kökuna án sósunnar, en hún helst góð í frysti í 3 mánuði. Nammi!

Ole Gunnar Solskjær, stjóri Manchester United, segir að hann hafi mögulega valið vitlaust byrjunarlið í gær. United heimsótti Bournemouth í ensku úrvalsdeildinni en þurfti að sætta sig við 1-0 tap. ,,Við erum vonsviknir. Þegar þú heimsækir svona staði þá þarftu að stjórna leiknum,“ sagði Solskjær. ,,Við byrjuðum vel fyrstu 15 mínúturnar en það vantaði upp Lesa meira

Yaya Toure, goðsögn Manchester City, hefur undanfarna mánuði spilað í næst efstu deild í Kína. Toure er 36 ára gamall í dag en hann hefur leikið með Qingdao Huanghai og hjálpaði liðinu að komast upp í efstu deild. Hann lék líklega sinn síðasta leik fyrir Qingdao í gær er liðið tapaði 1-2 fyrir Nantong Zhiyun. Lesa meira

Það mikla það margir fyrir sér að mæta á mannmarga staði enda getur það valdið taugaveiklun að vita ekki hvorum megin við afgreiðsluborðið sé best að standa eða hvaða tilboðum borgi sig að fjárfesta í. Costco er óumdeilanlega einn slíkra staða enda er úrvalið mikið og oft erfitt að þverfóta þar inni fyrir verslunarglöðum viðskiptavinum. Til að auðvelda áhrifagjörnum valkvíðasjúklingum leitina fengum við ráð frá nokkrum fastakúnnum keðjunnar um þeirra bestu kaup í Costco.

1. Leikföng

„Börnin myndu þó segja dótið, enda er oft hægt að finna sniðugt dót á góðu verði. Við kaupum til að mynda mikið af litum í Costco og afmælis- og jólagjafir, það hentar ótrúlega vel því körfurnar eru á stærð við sendiferðabíl.“

„Ég veit ekki hvort það flokkist sem bestu kaupin en þau kaup sem hafa vakið hvað mesta lukku og verið í langmestri notkun er Frozen-kastali sem ég keypti fyrir dóttur mína í afmælisgjöf. Skemmst frá því að segja að flykkið fyllir upp í hálft barnaherbergið og myndi seint teljast Instagram-fallegt en börnin elska hann og geta endalaust leikið sér, þar sem hvers kyns barbie-, pony- og aðrar fígurur fá þak yfir höfuðið.“

„Vinsælast núna eru klárlega leikföngin og blessað jóladótið. Að mínu mati geta bestu kaupin líka verið bestu tilboðin. Mér finnst hugsunin hjá Costco vera sú að gera gott fyrir alla og það tekst vel með þeim vöruflokkum sem þar er boðið upp á. Annars finnst mér verslunin vera að toppa sig þetta árið þegar kemur að leikföngum en hún er líka að verða sífellt betri þegar kemur að mat- og sérvöru.“

„Um síðustu jól freistuðumst við til þess að kaupa stóra bangsann sem flestir alvöru Costco-unnendur kannast eflaust við. Hann var jólagjöf fyrir dætur okkar en þær voru lengi búnar að óska eftir honum. Það reyndst svo þrautin þyngri að fela hann fyrir þeim næstu tvo mánuði fyrir jól enda plássfrekur svo ekki sé meira sagt. Þær hafa síðan þá skipst á að sofa með hann í rúmunum sínum þar sem hann hendir þeim reglulega fram úr.“

„Dótið allan daginn enda er ég löngu hættur að fara í venjulegar dótabúðir.“

„Ég keypti frábæra plöstunarvél í Costco, hræódýra, um tvö þúsund og fimm hundruð krónur. Hún hitnar hratt og plastar vel, æðisleg fyrir alls konar föndur og sniðug til að plasta myndir sem börnin gera og mann langar að varðveita.“

2. Hreinslætisvörur

„Bestu kaupin að mínu mati eru klárlega klósettpappírinn, hreinlætisvörur, bakkelsið, allar Kirkland Signature-vörurnar ásamt ýmiss konar sérvörum, fötin og að sjálfsögðu lyfin.“

„Dettol-þvottasótthreinsirinn er algjör snilld. Það hefur ekki komið vond lykt í þvottinn hjá mér síðan ég byrjaði að nota þetta, hentar bæði fyrir íþróttaföt, dökkan fatnað sem og kúka- og æluvélarnar sem ég er mikið að vinna með þessa dagana. Mæli með.“

„Þvottaefni, bæði í föstu og fljótandi formi er frábært í Costco. Stóru Tork-eldhúsrúllurnar eru sömuleiðis mögnuð kaup og pítsurnar þarna eru líka mjög góðar.“

3. Ísvagninn

„Ég keypti líka ísvagn fyrir litla frænku sem sló heldur betur í gegn.“

„Já, ég fjárfesti einmitt í þessum ísbíl líka fyrir dóttur mína í þriggja ára afmælisgjöf í fyrra. Græjan sló heldur betur í gegn og hefur verið í daglegri notkun síðan. Þetta er án efa það leikfang sem er mest notað á heimilinu auk þess að vera afar vinsælt hjá gestum af yngri kynslóðinni. Herlegheitin kostuðu í kringum fimm þúsund og hljóta því að flokkast sem sannkölluð kjarakaup.“

4. Bensín

„Mín bestu kaup hjá Costco er eflaust eldsneytið enda færðu það ekki ódýrara – það munar þrjátíu krónum á lítranum samanborið við aðra staði. Að því sögðu er ekkert alltaf ódýrast að versla í Costco en þú getur gengið að gæðunum vísum hjá þeim. Ég og aðrir sem ég þekki og versla þar segjum að fara í Costco er að fara í annan heim, allt er svo mikið og stórt og það eykur ánægjuna af að versla þar. Þú sérð ánægju í andliti fólks sem verslar í Costco sem þú varst hættur að sjá. Ávextir og grænmeti er fyrsta flokks sem fólk hafði ekki séð nema erlendis þar til Costco kom hingað til lands. Það er ein af ástæðum þess að viðskiptavinir eru svona ánægðir.“

„Ég fylli alltaf á bílinn.“

5. Bækur

„Harry Potter-bókasettið flokkast án efa undir bestu kaup sem ég hef gert í Costco. Ég var búin að setja það í og taka úr Amazon-körfunni minni í nokkur ár en gat aldrei réttlætt sendingarkostnaðinn enda frekar þungt stöff. Ég var því afar hamingjusöm þegar ég sá það í Costco fyrir jólin í fyrra á tæpan sex þúsund kall.“

„Ég á níu ára stelpu sem heldur að hún sé 35 ára og þráir fátt meira en að lesa bækur á ensku. Þar kemur Costco eins og bjargvættur og lætur mig líta út eins og bestu mömmu í heimi.“

Hvað mælir þú með að sé keypt?

„Ég kaupi alltaf Applewood-ostasneiðarnar, Good Life-baunaborgarann, Paneer-ostinn, pastað, hummusinn, Mini Carter d’or-ísinn, þistilhjörtun í olíu og hlynsírópið.“

„Við elskum að kaupa kjöt og skipta því svo niður í minni einingar og frysta. Það sama á við um áleggið. Svo kaupum við alltaf vítamín, en við reynum að kaupa ekki lífstíðarbirgðir af neinu.“

„Ég mæli með að kaupa blátt Powerade, sérstaklega nú þegar Bónus hefur hækkað verðið á því. Ég kaupi líka alltaf stóran parmesanost, tómata og spagettí. Ég mæli líka með bílavörunum þeirra, verkfærunum, vinnuvettlingum og málningarpenslum – þú færð tuttugu og fjögur stykki af penslum á sextán hundruð krónur. Mæli með þeim.“

„Númer eitt, tvö og þrjú er Di Bufala Mozzarella-osturinn enda er hann langbestur á pítsuna. Ég fer oft sérferð í Costco bara fyrir þennan ost. Ég er oftast gaurinn með tvær fötur af osti í röð á kassa og að því sögðu vantar sárlega hraðkassa fyrir okkur fólkið sem kaupir fáar vörur. Hann er þó ekki alltaf til sem gerðir sérferðina hrikalega svekkjandi.“

„Við sækjum alltaf harðfisk í Costco, bláber, jarðarber og stundum avókadó og tómata. Ég freistast mjög oft til að kaupa tilbúna kjúklingavængi, en tilbúni kjúklingurinn þar er sömuleiðis mjög braðgóður. Stundum kaupi ég „baby back ribs“ líka svo ávaxta- og grænmetisdeildin ásamt kjötvörunum er mitt „go to“.“

„Ég myndi segja að smokkarnir séu klárlega fastur liður, ásamt klósettpappír, rafhlöðum og litlu paprikunum. Mesta snilldin er samt bílstólarnir sem ég keypti þar fyrir stuttu sem og barnavagninn sem ég keypti í fyrra.“

„Ég kaupi alltaf kaffi í Costco, uppþvottaefni, hreinsivörur og dýrafóður – að eldsneytinu ógleymdu.“

„Sko í mínum huga kaupi ég alltaf bara hakk og klósettpappír þegar ég fer í Costco, en samt kem ég alltaf út þrjátíu þúsund krónum fátækari svo eitthvað hlýt ég að vera að kaupa fleira.“

„Ég mæli með næturbrókum í Costco, frábærar fyrir eldri undirpissara.“

„Ég mæli með Deep heat roll-on sem og blautklútunum. , kaupi tilbúinn kjúkling, litlar sódavatnsflöskur, klósettpappír, collagen, vítamín, prótein og orkustykkin.“

„Ég mæli með ostakúludollununum sem fást í Costco, við keyptum svona um daginn fyrir afmæli hjá stelpunni okkar og hún kláraðist á örskotstundu. Fáranlega góð.“

Álitsgjafar:

Atli Már Ágústsson, Engilbert Arnar, Elsa Yngvadóttir, Finnur Marinó Flosason, Margrét Björk Jónsdóttir, Hildur Friðriksdóttir, Linda Jóhannsdóttir, Rafn Einarsson og Viðar Friðriksson.

Unai Emery, stjóri Arsenal, bauð upp á ansi undarlegt svar á blaðamannafundi eftir 1-1 jafntefli við Wolves í gær. Emery var spurður út í frammistöðuna í leiknum en Wolves átti 25 skot að marki sem er gríðarlega mikið. Emery segir þó að leikplan Arsenal hafi gengið upp þrátt fyrir tölfræði leiksins. ,,Þetta eru slæmt úrslit Lesa meira

Rúmlega 250 metra einbýlishús við Valhúsabraut 16 á Seltjarnarnesi er komið á sölu og ásett verð 159 milljónir króna. Samkvæmt Þjóðskrá eru hjónin Eiríkur Sigurðsson og Helga Gísladóttir búsett á Valhúsabraut, en þau eru oft kennd við verslanirnar Víðir. Öllum verslunum Víðis var lokað fyrirvaralaus í fyrra og félagið er gjaldþrota. Kom það starfsmönnum í opna skjöldu og sagt frá því í öllum helstu fréttamiðlum að starfsmenn hefðu fengið lítinn sem engan fyrirvara á endanlegri lokun Víðisverslana.

Húsið við Valhúsabraut 16 er ekki skráð á þau Eirík og Helgu heldur á fyrirtækið Big Box ehf., en eigandi þess er sonur hjónanna, Sigurður Gísli Eiríksson. Þetta er ekki í fyrsta sinn sem húsið fer á sölu, en Smartland sagði frá fyrirhugaðri sölu á húsinu í júlí síðastliðnum. Þá var húsið kallað höll Víðishjónanna.

Í þeirri frétt var einnig minnst á sölu Helgu á Hrólfsskálavör 2 sem hún seldi árið 2013. Það hús komst síðan í fréttir fyrir stuttu þegar núverandi eigandi þess, Skúli Mogensen, fyrrverandi forstjóri WOW air, setti það á sölu á einkavefsíðu, en það er talið eitt verðmætasta hús landsins.

Mauricio Pochettino, stjóri Tottenham, segir að leikmenn liðsins hlæji að ummælum sparkspekinga í sjónvarpi. Nokkrir spekingar hafa gagnrýnt Dele Alli undanfarið og má nefna Gary Neville og Roy Keane. Alli hefur verið í lægð undanfarið en Pochettino segir að þessir sérfræðingar séu ekki með hlutina á hreinu. ,,Það er of auðvelt að gagnrýna hann núna. Lesa meira

Pep Guardiola, stjóri Manchester City, skaut létt á Sadio Mane, hetju Liverpool eftir 2-1 sigur á Aston Villa í gær. Mane skoraði sigurmark Liverpool í uppbótartíma en hann á það til að kasta sér í grasið að mati Guardiola. ,,Þetta hefur gerst oft hjá Liverpool síðustu ár því hann er með sérstök gæði,“ sagði Guardiola. Lesa meira

Linda Rós Leifsdóttir var á leiðinni í vinnuna þann 15. september síðastliðinn. Hún þurfti að keyra frá Hvanneyri til Borgarness þar sem hún vinnur á landnámssetrinu í Borgarnesi. Þegar hún var að keyra niður brekku sá hún rauðan jeppa rása um á veginum.

Ökumaður rauða jeppans var túristi. Svo virtist vera sem hann réði ekki við veðuraðstæðurnar en það var hvassviðri þennan dag. Hann hélt áfram að beygja til hægri og vinstri á veginum en Linda var að keyra á móti honum. Þegar þau mættust á veginum beygir rauði jeppinn inn á akgreinina sem Linda var að keyra á.

„Ég reyndi að bremsa en hann keyrði beint framan á mig og ég skaust lengst út í kantinn. Ég festi hægri löppina inni í bílnum því húddið fór alveg inn. Þegar ég rankaði við mér var ég öll úti í blóði. Ég fór bara strax að leita að símanum mínum til að hringja í neyðarlínuna.“

Slysið var banaslys

Ökumaður rauða jeppans kom og bankaði á hurðina hjá Lindu eftir slysið. Hún teygði höndina og ætlaði að opna hurðina en þá heyrðist eitthvað óvenjulegt hljóð í hendinni. „Þá fattaði ég að hún var brotin,“ sagði Linda sem náði þó á endanum að opna bílinn. „Ég opnaði fyrir honum og hann öskraði bara á mig því hann var að reyna að koma mér úr bílnum. Hann hélt að bíllinn væri bara að fara að springa,“ sagði Linda en ökumaður rauða jeppans náði ekki að losa hana úr bílnum. Þá skellti hann hurðinni á eftir sér og hljóp í burtu.

Á endanum náðist að losa Lindu úr bílnum með því að saga í mælaborðið. Þá var brunað með hana upp á spítala en Linda tvíbrotnaði á vinstri úlnlið, tognaði í hægri ökla og braut lið í bakinu.

Linda segist vera heppinn að hún hafi ekki komið verr út úr þessu en slysið var banaslys. Í rauða jeppanum var par að keyra saman ásamt móður konunnar. Móðir konunnar hafði ekki spennt beltið eins og á að gera. Beltið fór því ekki yfir öxlina hennar heldur var það einungis yfir mjöðmunum.

„Hún fékk innvortis blæðingar og dó við hliðina á mér uppi á spítala.“

Mikilvæg skilaboð

Linda hefur hugsað um það sem hefði gerst ef hún hefði ekki verið vakandi í umferðinni þennan daginn. „Ef ég hefði beygt í hina áttina þá hefði ég bara dottið niður svaka hæð. Ég er rosaega heppin miðað við það sem gerðist,“ segir hún og vill brýna fyrir fólki, og þá sérstaklega ungu fóki, að fara varlega í umferðinni.

„Alltaf vera í belti, ekki keyra hraðar en hámarkshraðann og aðeins taka framúr við gott tækifæri. Það er einnig mjög mikilvægt að muna að þótt að þú sért viss um að þú sért góður ökumaður eru aðrir það ekki endilega lika.“

Potturinn í 1×2 stefnir í 130 milljónir um helgina en um er að ræða seðil þar sem 13 leikir eru valdir

Í vetur munum við í samvinnu við Íslenskar getraunir setja saman tákn fyrir leiki helgarinnar, um er að ræða spá sem veðmálasérfræðingur 433.is mun sjá um.

Seðill vikunnar inniheldur marga áhugaverða leiki en þar á meðal er viðureign Leicester og Arenal.

Smelltu hér til að spila með

Athygli skal vekja á því að það er á ábyrgð hvers og eins að veðja á leikina og fara sér ekki um of. Allt er þetta til gamans gert.

Seðill vikunnar:
Tottenham  – Sheff.Utd – 1
Leicester – Arsenal – 1
Newcastle – Bournemouth – 1
Southampton – Everton – X2
Burnley – West Ham – 1
Birmingham – Fulham – 2
Hull WBA – 2
Sheff.Wed – Swansea – 1
Leeds – Blackburn – 1
Milwall – Charlton – 1
QPR – Middlesbro – 1
Reading – Luton – 1
Wigan – Brentford – 2

Talsverð fylgni er á milli þróunar á væntingavísitölunni og einkaneyslu til lengri tíma litið. Í sögulegu samhengi mælist nú vísitalan frekar lág ásamt því að hægt hefur talsvert á vexti einkaneyslu. Á öðrum ársfjórðungi mældist vöxtur einkaneyslu 2,2% og hefur vöxturinn ekki mælst hægari frá árinu 2013. Einnig benda aðrir hagvísar sem tengjast einkaneyslu til Lesa meira

Björn Ingi Hrafnsson, ritstjóri Viljans, birti í gær færslu á Facebook-síðu sinni, þar sem hann ræddi um edrúmennskuna og kosti hennar.

Björn segist vera farinn að átta sig á kostum þess að vera edrú, en hann segist vera búinn að vera það í fimm mánuði.

„Nú þegar rétt um fimm mánuðir eru liðnir frá því ég setti tappann í flöskuna, er maður rétt aðeins farinn að átta sig á kostum þess að vera alltaf allsgáður og með kollinn í lagi.“

Björn segir að nú sé hann betri faðir, auk þess sem hann geti ræktað bæði líkama og sál betur en áður.

„Ég er enn bara nýnemi á þessari braut og á mikið eftir ólært, en gleðst yfir hverjum degi þar sem maður er besta útgáfan af sjálfum sér en ekki sú versta, betri faðir barnanna sinna, getur sinnt fjölskyldunni betur, ræktað líkama og sál í stað þess að deyfa tilfinningarnar og fresta því sem þarf að takast á við.“

„Aukinheldur kynnist maður allt í einu fjölda fólks í sömu sporum sem biður í sameiningu æðri mátt um aðstoð við að ná tökum á eigin lífi.“

Björn nefnir tíu atriði sem hann segist finna fyrir eftir að hafa orðið edrú.

„1. Betra jafnvægi, andlegt og líkamlega.

2. Kvíðinn er horfinn.

3. Maður vaknar í sama standi og þegar maður sofnar og þarf ekki að raða óljósum minningabrotum saman með tilheyrandi vanlíðan.

4. Maður er aldrei þunnur.

5. Maður er alltaf til staðar.

6. Börnin hafa eignast miklu betri föður.

7. Peningasparnaðurinn er mikill.

8. Líkamleg heilsa hefur snarbatnað.

9. Útlit og líðan tekur stakkaskiptum.

10. Maður er hreinskilinn í samskiptum og einlægur.“

Að lokum mælir Björn með því að fólk setji tappan á flöskuna, en hann segir það hafa breytt lífi sínu.

„Ég mæli eindregið með því að hætta að drekka, það breytti lífi mínu. En þessa ákvörðun verður hver og einn að taka fyrir sig.“