Förðunarfræðingurinn og áhrifavaldurinn Bára Jónsdóttir, betur þekkt sem Bára Beauty, birti mynd þar sem hún málar fjall með íslenska fánanum á andlit sitt. Hún segir förðunina vera til heiðurs John Snorra Sigurjónssonar sem hefur verið saknað undanfarna eina og hálfa viku eftir að hann reyndi að toppa K2 að vetrarlagi.

Bára birti myndband af förðuninni á TikTok og Instagram Reels, og mynd á Instagram, sem hefur vakið mikla athygli. Í samtali við DV segir Bára að hún hafi verið heltekin af málinu alveg frá því að hún las fyrstu fréttina um að hans væri saknað ásamt föruneyti hans.

„Ég hef alltaf haft áhuga á fjallgöngum en bróðir minn er sá sem hefur haft þennan brennandi fjallaklifursáhuga alla tíð. Heima á Ísafirði fór hann daglega í fjallgöngur frá unga aldri og valdi helst bröttu fjöllin.  Mamma var oft með svo miklar áhyggjur heima að bíða eftir honum langt fram eftir kvöldi. En þarna byrjaði ég að skilja þennan áhuga og þessa hrifningu af fjöllum og klifri og fyrir fólk sem elskar þetta sport svona mikið eins og John Snorri, þá skilur maður að erfiðustu fjöll heims verða aðalmarkmiðið einn daginn,“ segir Bára.

 

View this post on Instagram

 

A post shared by BáraBeauty makeup & fitness (@barabeautymakeup)

„Ég hef verið að horfa á hvetjandi myndbönd John Snorra á YouTube og eitt sem hann segir situr fast í mér: „Dreams are the very fabric of our being, don‘t let fear stand in the way.““

Elia Saikaly, kanadískur kvikmyndagerðarmaður sem vinnur að gerð heimildarmyndar um leiðangur John Snorra Sigurjónssonar og samferðamanna hans á K2, birti Instagramfærslu með mynd af John Snorra standa fyrir framan K2, þar sem Elia segir að John hafi verið  spenntur fyrir myndatökunni og að hann sæi fyrir sér að myndin myndi vera á skilti á Keflavíkurflugvelli eftir að hann myndi klífa tindinn.

 

View this post on Instagram

 

A post shared by Elia Saikaly (@eliasaikaly)

„Eftir að ég las færsluna þá langaði mig að mála mynd til heiðurs John. Því eins og kannski flestir vita þá hefur John farið upp K2 áður, að sumri til,“ segir hún.

 

View this post on Instagram

 

A post shared by BáraBeauty makeup & fitness (@barabeautymakeup)

Viðbrögðin hafa verið góð

Bára segir að viðbrögðin hafa verið að mestu leytinu jákvæð. „Fólk hefur bæði skrifað við færslurnar og sent mér skilaboð um hversu fallegt þetta sé. Ég fékk alveg tárvot augu, því þó ég sé ekki skilti á Keflavíkurflugvelli þá fannst mér ég hafa gert það sem ég gat,“ segir hún.

„Það hafa komið örfáar neikvæðar athugasemdir frá ungum krökkum á TikTok, en ég hef bara eytt þeim strax því ég gef því hvorki tíma né orku, og hugsa með mér að þau hafa bara ekki þroskann í að skilja. Og þegar uppi er staðið þá er aldrei hægt að ætlast til þess að allir skilji mann hvort sem er,“ segir Bára.

Ravel Morrison er einn efnilegasti leikmaður sem komið hefur upp úr unglingastarfi Manchester United en ferill hans náði aldrei flugi, heimskupör innan sem utan vallar hafa orðið honum að falli. Ravel var í viðtali við Rio Ferdinand fyrrum samherja sinn hjá Manchester United þar sem hann ræddi um feril hans og þá var rætt um Lesa meira

Sólveig Anna Jónsdóttir, formaður Eflingar, kemur Ragnari Þór Ingólfssyni, formanni VR, til varnar í Facebook-færslu sem hún birti nú síðdegis í dag. Fréttablaðið sagði frá því á forsíðu blaðsins í dag að Ragnar hefði verið í hópi manna sem staðinn var að því að leggja net í Holtsá, en slíkt er andstætt lögum. Bóndi á landinu mun hafa komið að netinu og gerði lögreglu viðvart. Málið var svo kært og hefur lögreglan á Suðurlandi staðfest að kæra vegna málsins hafi borist.

Síðan þá hefur Ragnar sagt fréttaflutning Fréttablaðsins alrangan og átti hann fund með lögmanni sínum í morgun vegna hugsanlegs meiðyrðamáls. Þá sagði Ragnar í samtali við blaðamann DV að málið liti út eins og ófrægingarherferð gegn sér í tengslum við kosningarnar til formanns VR sem fram fara í byrjun mars. Ragnari barst mótframboð í embætti formanns.

„Ég hef aldrei verið beðin afsökunar á þessum rógburði“

Sólveig byrjar færsluna á því að segja frá því þegar hún lenti í svipuðu máli og Ragnar. „Þegar ég hafði verið formaður Eflingar í nokkra mánuði fékk ég símtal frá blaðamanni Morgunblaðsins. Hún spurði að því hvort uppnám hjá nokkrum manneskjum sem starfað höfðu hjá félaginu yfir valdatöku minni væri ekki sönnun á því að ég og Viðar Þorsteinsson ætluðum að nota „digra sjóði fé­lags­ins upp á 12 millj­arða króna“ til að gefa sósíalistum,“ segir hún.

„Ég var algjörlega forviða á spurningunni og öðrum ásökunum blaðamanns. Tveimur dögum seinna var „frétt“ um þetta svo slegið upp á forsíðu Morgunblaðsins. Inn í blaðinu var svo í „fréttaskýringu“ vitnað í ýmsa ónafngreinda viðmælendur og með því var hægt að fara fram með ógeðslegum lygum og staðhæfulausum fullyrðingum um þjófs-eðli mitt. Þessi lyga-frétt var upphafið að fjölmörgum tilefnum skíta-dreifara hægrisins til árása. Til dæmis notaðist fyrrum dómsmálaráðherra, Björn Bjarnason, við þessar lygar oftar en einu sinni í deleringum um mig og Eflingu í bloggi sínu. Ég hef aldrei verið beðin afsökunar á þessum rógburði.“

„Ákveðið hefur verið að Ragnar Þór skuli kallaður þjófur á forsíðunni“

Sólveig virðist ekki vera sátt með fréttaflutning Fréttablaðsins af málinu en hún segir að um sé að ræða lygar. „Í morgun birti Fréttablaðið á fosíðu sinni lygar um Ragnar Þór, formann VR. Hann er líka ógeðslegur þjófur, veiði-þjófur sem stelur frá Seðlabankanum! Blaðamaður hefur náð í Ragnar og borið á hann sakirnar, Ragnar svarar: „Ég lagði ekki nein net þarna, mér finnst með algjörum ólíkindum að það sé verið að draga mig inn í mál sem er mér óviðkomandi.“ En það hefur auðvitað engin áhrif á blaðamann Fréttablaðsins,“ segir Sólveig.

„Ákveðið hefur verið að „fréttin“ skuli birt, ákveðið hefur verið að Ragnar Þór skuli kallaður þjófur á forsíðunni og ekkert skal stoppa það. Það er vegna þess að brátt verða formannskosningar í VR og ekkert þrá þau meira sem telja sig eigendur Íslands, lífeyrissjóðanna, og okkar allra, en að losna við Ragnar Þór. Til að reyna að knýja á um að það verði að veruleika er og verður einskis svifist.“

„Tilgangurinn er að sverta mannorð Ragnars“

Sólveig bendir þá á ummæli lögreglunnar um að Ragnar hafi hvorki stöðu sakbornings né vitnis í tengslum við málið. Þá segir hún að lögmaður Ragnars hafi sagt að Fréttablaðið hafi vitað þetta þegar fréttin var gerð. „Lögmaðurinn segir að með fréttaflutningi sínum hafi Fréttablaðið brotið gegn siðareglum blaðamanna og ákvæði fjölmiðlalaga. En auðvitað hefur þetta engu máli skipt þegar ákvörðunin var tekin og mun ekki skipta máli. Af því að tilgangurinn helgar meðalið. Og tilgangurinn er að sverta mannorð Ragnars Þórs af því hann vill ekki bara hlýða og halda kjafti, og er þessvegna stórhættulegur hagsmunum þeirra sem telja sig eigendur alls,“ segir hún.

Að lokum segist hún vona að Fréttablaðið biðjist afsökunar á fréttunum um málið. Hún er þó ekki vongóð um að það gerist. „En ég held samt að það muni ekki gerast. Það tíðkast ekki hjá íslenska hægrinu að biðja fólk afsökunar á lygum.“

Fyrirsætan Chrissy Teigen birti mynd á Instagram þar sem hún sýnir ör eftir að hafa fjarlægt brjóstapúða sína og aðgerð sem hún fór í til að minnka sársauka hennar vegna sjúkdómsins endómetríósu sem hún þjáist af. Hún segist hafa farið í brjóstastækkun þegar hún var tvítug til að brjóstin myndu lýta betur út þegar hún Lesa meira

„Jæja þá eru öll voða sorrí og búið að taka Zúúber úr loftinu eftir Valdimars-fíaskóið. Ég gleðst innilega yfir því enda var bara um eineltisþátt að ræða. Og gott að þau sem urðu fyrir skaða fá réttlæti.“

Þetta segir Tara Margrét Vilhjálmsdóttir, formaður Samtaka um líkamsvirðingu, í opinni færslu sem hún birti á Facebook-síðu sinni í dag. „Valdimars-fíaskóið“ sem Tara talar um eru ummæli sem einn dagskrárgerðarmaður þáttarins Zúúber, Sigríður Lund V Hermannsdóttir, lét falla um söngvarann Valdimar í þættinum. Ummælin sem um ræðir má sjá hér fyrir neðan:

„Mér finnst mjög leiðinlegt að nefna þetta. Ég held að margir hafi orðið varir við sína fitufordóma vegna þess að ég var það, þegar við lásum greinina um daginn um ákveðinn söngvara, sem á von á barni með kærustunni sinni. Mér finnst mjög leiðinlegt að tala um þetta en fyrsta hugsunin … nú bara viðurkenni ég það og mér finnst það mjög leiðinlegt, mér fannst mjög leiðinlegt að komast að þessu um sjálfa mig, en fyrsta hugsunin … út af því að hann er með aukakíló.“

Lesa meira: Útvarpskona sökuð um að fitusmána Valdimar – „Vanvirðingin sem hún sýnir honum og ástkæru barnsmóður hans er þvílík!“

„Ég er hugsi og já ég er reið“

Tara er ánægð með að þættinum hafi verið slaufað. „Ég verð hinsvegar að viðurkenna að ég er hugsi og já ég er reið. Framkoma Sýnar í minn garð hefur verið verri og til lengri tíma,“ segir hún og rifjar upp sögu sem sýnir hvernig framkoma Sýnar var gagnvart henni.

„Þegar Hjörvar Hafliða og Kjartan Atli voru með Brennsluna fannst þeim voða gaman að smjatta á mér. Einkaþjálfari að nafni Einar Ísfjörð var vinur þeirra og fannst honum gaman að áreita og níða mig. Meðal annars gerði hann heila bloggfærslu á bloggunni sínu bara um mig þar sem hann tók myndir af mér af facebookinu mínu, analýseraði þær til að giska á fituprósentu og BMI og sakaði mig um að vera að fremja hægt sjálfsvíg og ég þyrfti að eiga það við mitt nánasta fólk. Þessu póstaði hann síðan um víðan völl og hlakkaði mikið í honum að fá viðbrögð frá mér sem ég ákvað að láta ekki eftir honum. En auðvitað sveið þetta.“

Tara mætti svo sem gestur í útvarpsþáttinn árið 2016 til að tala um líkamsvirðingu og segir hún það hafa gengið vel. „Hjörvar var hinn mesti herramaður og í viðtalinu minntist ég á þessa bloggfærslu Einars þegar ég var spurð hvað væri það versta sem ég hefði lent í. Hjörvar þóttist vera hinn hneykslaðasti og sór Einar af sér,“ segir hún en spólar svo fram til ársins 2017.

„Viðtalið mitt við Sindra Sindrason hafði átt sér stað í febrúar sama ár og var ég enn að vinna úr áfallastreitu eftir það og umræðuna í kjölfarið. Ég var í sumarfríi að undirbúa þrítugsafmælisveisluna sem átti að vera um helgina. Ég kíki á facebook og sé þetta á feedinu,“ segir Tara og deilir frétt sem Vísir birti um pisil sem Einar skrifaði um Töru.

„Svörin voru hroki og fyrirlitning“

Þegar hún las fréttina sá hún að Hjörvar og Kjartan höfðu boðið Einari í þáttinn til sín til að tala um sig. „Maður sem hafði áreitt mig og beitt mig andlegu ofbeldi á opinberum vettvangi. Eitthvað sem Hjörvar var fyllilega meðvitaður um. Í viðtalinu er fabúlerað um skoðanir mínar, grundvöllinn á bak við þær, mannréttindabaráttu mína og meiningar. Ég vissi ekki af viðtalinu né var ég nokkurn tímann spurð hvort hefði eitthvað að segja við því,“ segir Tara og birtir ummæli sem Einar lét falla í þættinum sem um ræðir.

„Ég er ekkert viss um það að það sé einhver að mata hana af þessum skoðunum, ég held hreinlega að þetta sé hennar persónulega skoðun. Hún er oft með einhverjar greinar á bakvið sig en ég held að hún rangtúlki rosalega mikið. Það yrði erfitt fyrir hana að finna fimm manns sem eru sammála þessari staðhæfingu.“

Einar endaði viðtalið með því að skora á Töru að hlaupa með sér í Reykjavíkurmaraþoninu til styrktar Samtaka um líkamsvirðingu. „Samtaka sem hann segir í viðtalinu að séu að gera meira vont en gott. Spyr hvort ég sé game eða lumi á afsökun. Eini tilgangur hans var að sjálfsögðu að niðurlægja mig. Ég svaraði engu. Fyrsta viðbragð mitt þegar ég sá að viðtalið hafði farið fram og að risafrétt hefði verið skrifað um það á Vísi var að hlaupa rakleiðis inná baðherbergi og kasta upp morgunmatnum. Líkamleg viðbrögð við áfalli ofan í áfallastreitu.“

Tara svaraði engu og sendi Einar þá einkaskilaboð á hana þar sem hann ítrekaði áskorun sína. „Ég svaraði honum með skýrum skilaboðum um að hann væri að áreita mig og bað hann vinsamlegast um að láta mig vera. Hann svaraði með háði, tók skjáskot af samskiptum okkar og plastraði þeim útum allt til að hæðast að mér,“ segir Tara en í kjölfarið á þessu ákvða hún að senda Hjörvari og Kjartani einkaskilaboð.

„Til að sýna þeim hverjum þeir væru að hleypa upp á pall og biðja þá um hleypa honum ekki frekar að til að niðurlægja mig opinberlega. Svörin voru hroki og fyrirlitning eins og sjá má á skjáskotunum af þessum samskiptum,“ segir Tara og birtir skjáskot af samskiptunum sem sjá má í Facebook-færslu hennar.

„Ég hef séð nokkra menn spjalla um nauðgunarfantasíu um mig“

Tara segir þetta ekki vera einstakt vandamál. „Þetta er fyrir utan allt hitt ógeðið þar sem skrifaðar eru greinar eða fréttir um mig og málstaðinn í æsifréttastíl sem býður fólki að beita ofbeldi í kommentakerfum. Mér er líkt við hin ýmsu dýr, kölluð veik á geði og nær dauða en á lífi. Ég hef séð nokkra menn spjalla um nauðgunarfantasíu um mig á fb-síðu Vísis. Það tók margar klukkustundir að fá einhvern hjá Vísi til að bregðast við og fjarlægja það,“ segir hún.

„Þessi viðbrögð við því sem gerðist á föstudaginn í Zúúber hefur hjálpað mér að sjá að það sem ég hef orðið fyrir er ekki bara eitthvað náttúrulögmál, eitthvað sem er bara í eðli fjölmiðla og lítið hægt að gera við. Það er vel hægt að koma í veg fyrir þetta ofbeldi ef vilji er fyrir hendi. Og ég ætla bara að sleppa þessu lausu útí kosmósið því að skömmin er ekki mín.“

David Alaba, varnarmaður Bayern Munchen mun yfirgefa félagið í sumar þegar samningur hans rennur út. Ekki náðist samkomulag milli leikmannsins og Bayern Munchen um áframhaldandi samstarf. Alaba hefur verið í herbúðum Bayern síðan árið 2008 og hefur átt í viðræðum um félagið seinustu mánuði. Hann hefur alls spilað 415 leiki fyrir Þýskalandsmeistarana og hjálpaði liðinu Lesa meira

Nora Tass Moreno, erlend kona sem Héraðsdómur Reykjaness dæmdi í 15 mánaða fangelsi, þar af 12 mánuðir skilorðsbundið, finnst ekki. Dómurinn yfir henni var auglýstur í Lögbirtingablaðinu í morgun sem er gert þegar ekki tekst að birta dæmdum einstaklingi dóm yfir sér. Þrír mánuðir af refsingunni eru óskilorðsbundnir, og þarf Nora því að sitja þá Lesa meira

Athafnakonan Drífa Björk Linnet flutti til Tenerife fyrir nokkrum vikum ásamt eiginmanni sínum Haraldi Loga og tveimur börnum þeirra, sjö og níu ára gömlum. Drífa segir lífið á Tene ganga sinn sólkyssta gang og börnin eru alsæl.

Opnuviðtal við Drífu birtist í helgarblaði DV 5.febrúar 2020. Viðtalið birtist hér í heild sinni.

Drífa og Halli eins og hann er kallaður reka ferðaþjónustu á Hraunborgum á Suðurlandi sem er nú lokuð yfir veturinn og heildsöluna Reykjavík Warehouse sem þau geta rekið í fjarvinnu. Því var ekkert því til fyrirstöðu að fjölskyldan breytti til og flytti tímabundið til Tenerife.„Frá árinu 2008 höfum við komið hingað ansi ört í frí og alltaf varð dvölin lengri og lengri í hvert skipti. Við fórum svo að eyða öllum jólum og áramótum hér líka og svo árið 2018 þá sá ég auglýst hús hérna til leigu svo ég ákvað að það væri líklega bara ódýrara og þægilegra fyrir okkur að hafa hér hús í langtímaleigu með öllu svona því helsta af okkar persónulega dóti sem við vorum vön að koma með,“ segir Drífa. Þetta varð til þess að fjölskyldan fór mun oftar og dvaldi að jafnaði lengur.

„Við vorum farin að skjótast hingað jafnvel með dags fyrirvara og þurftum ekkert nema handfarangur því allt sem við þurftum var klárt í húsinu og beið okkar. Venjurnar fóru líka að breytast, við fórum að elda meira heima, kveikja á kertum og horfa bara á sjónvarpið.“

Andleg heilsa

Drífa segir að heimferðirnar hafi orðið erfiðari þar sem þeim leið mjög vel á eyjunni fögru og langaði sífellt minna heim. „Við erum gríðarlega heppin með starfsfólk í heildsölunni okkar á Íslandi svo þetta hefur gengið rosalega vel að dvelja hér í nokkra mánuði í senn og ná að fjarstýra rekstrinum heima. Við ákváðum því núna að taka þetta skrefinu lengra og leyfa börnunum að prófa skólann hér fram á sumar og hugsuðum með okkur að þau gætu svo sannarlega ekki tapað á því að upplifa þetta tækifæri, að læra ný tungumál og eignast fleiri vini hérna.“

Hún segir aðalmuninn á því að búa á Tenerife og Íslandi, fyrir utan loftslagið vera andlega heilsu. „Við höfum alltaf unnið mjög mikið og því fylgir eðlilega meira stress og streita. Hérna högum við okkur bara öðruvísi. Við hugsum töluvert betur um heilsuna, förum mikið í göngutúra saman með fram sjónum. Áður en maður veit af er maður búinn að ganga 10-15 kílómetra án þess að finna fyrir því. Við förum líka mikið í sjóinn sem gerir manni gott. Við vinnum alla okkar vinnu í gegnum síma eða tölvu svo maður sest bara út með kaffibollann sinn á morgnana og horfir á hafið og hlustar á fuglasöng. Svo bara lokum við tölvunum og förum út að ganga, skreppum í golf, tennis eða hvað sem er.“

Drífa segir helgarnar vera ævintýri líkastar enda nóg við að vera. „Við getum farið í vatnsrennibrautagarða, tívoli, dýragarða, farið í bátsferð eða jafnvel farið á hótel yfir helgina.“ Blóðþrýstingslyfin burtDrífa segir muninn á morgnunum milli landa vera mikinn. „Heima á Íslandi byrjaði dagurinn á því að vekja börnin klukkan 07.00 í svartamyrkri, skafa gaddfrosinn bíl og keyra þau í skólann. Í frostinu var svo rétt smá birta yfir daginn örstutt áður en fór að dimma aftur. Við fórum aldrei út að ganga heldur keyrðum allt og vorum í raun ekkert af viti utan dyra sjö mánuði á ári.“

Halli eiginmaður hennar var kominn á blóðþrýstingslyf og komin með króníska vöðvabólgu sem kallaði á stöðugt nudd og verkjalyf. „Hér erum við bæði í betra jafnvægi andlega og líkamlega, og það er magnað að sjá breytinguna á  börnunum sínum þegar foreldrarnir eru afslappaðri. Það er nefnilega bein tenging við okkar líðan og hvernig það svo speglast í börnunum manns. Ef við erum stressuð eða áreitið er mikið verður þráðurinn í okkur styttri og þá verða börnin nákvæmlega eins.“

Verðlagið og viðmótið

„Helsta breytingin við að vera hér er líka auðvitað verðlagið, hér er allt töluvert ódýrara og svo verð ég að nefna hvað fólk er ótrúlega hjálpsamt! Hér eru heimamenn boðnir og búnir og fólk almennt jákvætt og áhyggjulaust. Viðmótið er slakara og hroki sjaldséður og fólk virkilega samgleðst en er ekki að bera sig saman við næsta mann í einhverri biturð,“ segir Drífa og bendir á að þó sé ekki allt fullkomið á Tenerife frekar en annars staðar.

„Slakanum fylgir að allt tekur hér meiri tíma en heima. Það að panta sér internettengingu eða að fá pípara getur tekið mánuð en við Íslendingar erum vön að allt sé gert eins og skot! Heima á Íslandi gerist allt miklu hraðar svo maður þarf að venjast því að gefa hlutunum meiri tíma hér. Gamla fólkið hér sest í sólsetrinu og horfir á öldurnar og ræðir heimsmálin. Stendur svo jafnvel upp ef það er tónlist og fer að dansa og dilla sér án þess að spá neitt í það hvort það sé asnalegt eða hvað næsta manni finnst. Þetta ætla ég að taka mér til fyrirmyndar. Ég elska svona viðmót! Ætli sólin geri mann ekki bara svona auðmjúkan og glaðan í hjartanu.“

Takmarkanir

„Eins og staðan er núna mega sex sitja saman á veitingahúsum og það er útgöngubann frá klukkan 23.00 á kvöldin og til 06.00 á morgnana. Það eru allir með grímur og það er alls staðar spritt. Þú mátt svo taka af þér grímuna á meðan þú ert á veitingastöðum eða á ströndinni. Það er allt sprittað vel á milli viðskiptavina.“

Drífa segir talsvert af hótelum vera lokað og sjálfsagt slatta af veitingahúsum en ekkert sem þau finni beint fyrir enda sé nóg opið. Haraldur og Björk, börn hjónanna, byrjuðu í alþjóðlegum skóla og gengur vonum framar. „Það var ekkert mikið mál að skrá þau. Við þurftum að hringja og panta skjöl að heiman og það tók kannski hálfan dag að safna þessu og senda áfram. Heilsufarsvottorð, fæðingarvottorð, vitnisburður, bólusetningar-skírteini og þess háttar. Það er hægt að sækja flest af þessum skjölum rafrænt svo það var ekkert mál.“

Því næst voru keyptir skólabúningar og börnin mættu sinn fyrsta dag. „Það er greinilega mikið lagt upp úr því að nýjum börnum sé vel tekið og eineltismál ekki tekin í mál því bæði börnin fengu strax í frímínútum hóp barna að sér sem sögðu nánast orðrétt sömu setninguna við þau. „Hæ, ég sé að þú ert nýr í skólanum, við getum hjálpað þér ef þig vantar aðstoð. Viltu vera vinur okkar?“

Svona eins og þetta sé þjálfað í þau eins og stafrófið að taka svona á móti nýjum börnum. Svo þau hafa átt meira en nóg af vinum frá fyrsta degi.“ Drífa segir það mikilvægt að undirbúa börnin vel fyrir þessar aðstæður. „Við sögðum þeim að vera opin þegar tækifærið gefst en lokast ekki og fara að læðast með fram veggjum. Því þá á endanum hljóta hin börnin að gefast upp og barnið fer þá að einangrast félagslega sem gæti orðið til þess að barninu finnst þetta hræðileg lífsreynsla og vill bara fara heim.“

Kostnaðurinn

Drífa hefur fengið mikinn fjölda fyrirspurna frá for-vitnum Íslendingum í gegnum Instagram svo ljóst er að mikill áhugi er á möguleikanum á að flytja til Tenerife. Drífa hefur vart undan að svara fyrirspurnum, svo sem um kostnað. „Mánuðurinn í einkaskóla kostar sirka 80.000 krónur með mat á hvert barn en hægt er að sleppa mat og hafa nesti og þá er talan lægri. Í upphafi þarf svo einnig að greiða skráningu, skólabúninga og bækur.“

Hún segir venjulega hverfisskóla vera mun ódýrari. „Ég er alls ekkert viss um að þeir séu verri kostur svona eftir á að hyggja. Okkur þótti bara ákveðið öryggi í því að starfsfólkið talaði ensku og þarna væru börn sem öll þekkja þessar aðstæður, að koma í nýjan skóla í nýju landi, en ég er viss um að hverfisskólarnir taka vel á móti börnunum líka.“

Drífa segir kostnaðinn við flutninginn ekki vera mikinn. „Hér er endalaust í boði af fínum íbúðum og húsum til langtímaleigu og 95 prósent af þeim eru með húsgögnum svo þú þarft í raun ekkert nema fötin þín og fara svo bara út í búð og fylla ísskápinn af mat. Svo er aftur annað mál ef þú ætlar að kaupa þér hús eða drösla allri búslóðinni frá Íslandi. Þá liggur helsti kostnaðurinn auðvitað þar.“

Fjölskyldan hefur ekki ákveðið hvað hún verður lengi á eyjunni fögru en þau koma allavega heim í sumar til að reka sumarparadísina Hraunborgir. Áttu ráð til Íslendinga sem langar í ævintýri?„Já, bara GO FOR IT! Við fáum bara eitt líf úthlutað og þurfum að hætta að tala um draumana og fara að gera meira af því að láta þá rætast.“

Hún segir það mikilvægt að hugsa málið til enda, á hverju fólk ætli að lifa og hvernig líf það vilji.„Langar þig að fá út úr þessu tækifæri til að hugsa vel um þig og verða besta útgáfan af þér eða langar þig að komast hingað út til að þú getir verið að drekka ódýran bjór alla daga? Það þarf að passa sig á þessu því fólki hættir til að haga sér eins og ferðamenn. Það er allt í lagi að djamma og slappa af í fríi en þegar þú dvelur hér í lengri tíma þá verðurðu fljótt sjúskað eintak og þér mun ekki líða vel. Það getur líka orðið til þess að fallegi fjölskyldudraumurinn um ævintýri í útlöndum verður að ljótum minningum um mömmu og pabba sem voru að drekka vín alla daga. Þetta getur fært fjölskylduna betur saman eða eyðilagt hana,“ segir Drífa.

Drífa bendir fólki á að fylgjast með ævintýrunum á Instagram undir notendanafninu drifabk

Gary Lineker, fyrrverandi landsliðsmaður Englands í knattspyrnu vill að Jamie Vardy verði valinn í landsliðshóp Englands fyrir Evrópumótið sem fer fram í sumar. Vardy, sem er 34 ára gamall, hefur skorað 12 mörk í ensku úrvalsdeildinni á leiktíðinni og var meðal annars á skotskónum gegn Englandsmeisturum Liverpool um síðustu helgi. Vardy lagði landsliðsskóna á hilluna Lesa meira

Fréttablaðið birti í gær frétt þar sem fjallað var um svokallaðan maskadag sem Ísfirðingar halda hátíðlegan að kvöldi bolludags en þá ganga börn hús úr húsi og syngja fyrir nammi. Með fréttinni var birt mynd af tveimur kennurum í búning á Ísafirði sem tekin var í gær. Búningur annars kennarans varð til þess að nokkrum kennaranemum blöskraði en kennarinn klæddi sig upp sem araba.

„Síðustu ár hefur mikið borið á umfjöllun um það hversu óviðeigandi það er þegar fólk klæðir sig upp í búning sem manneskja af annarri menningu eða kynþætti, sér í lagi hvítt fólk í forréttindastöðu,“ segir í tölvupósti sem kennaranemarnir sendu á skólastjóra Grunnskólans á Ísafirði en einn þeirra birti póstinn á Twitter-síðu sinni í dag.

Einn nemanna birti síðan færslu í opnua Facebook-hópnum Skólaumbótaspjallið en þar ræða kennarar og annað áhugafólk um skólaumbætur um skólastarf. „Hvað finnst kennurum og skólastjórnendum hér um að grunnskólakennari klæði sig upp sem arabi (í þeim tilgangi að gera grín, að því er virðist)?“ spyr neminn.

„Að mínu mati er þetta niðrandi af hálfu kennara sem fyrirmyndar og ættu skólar að vera meðvitaðir um að stuðla ekki að fordómum eða staðalímyndum um minnihlutahópa. Hafa skólar sett sér reglur eða viðmið um það hvaða búninga skuli forðast? Hefur þessi umræða átt sér stað í þínum skóla?“

„Guð á himni, hvar endar þetta?“

Færslan hefur vakið mikla athygli innan hópsins og má segja að mikil úlfúð hafi skapast í athugasemdunum sem eru þegar þetta er skrifað yfir 200 talsins. Meðlimir hópsins voru vægast sagt ósammála um það hvort búningur kennarans sé í lagi. Margir tóku undir með nemunum og margir voru virkilega á móti.

„Jesús minn, það má ekkert,“ segir kona nokkur og fleiri taka undir. „Þarf að fordómavæða allt?“ spyr til að mynda önnur kona í hópnum. „Guð á himni, hvar endar þetta? Er ekki orðið auðveldara að segja bara hvað má?“ spyr svo enn önnur.

Þá voru nokkrir á því að þeir sem segja þetta ekki vera í lagi séu að missa sig. „Sumir hérna eru gjörsamlega að missa sig í ruglinu. Það er nákvæmlega ekkert að þessum búning,“ segir maður nokkur í hópnum. „Missum okkur ekki alveg í réttrúnaðinum, þetta er alveg komið gott!“ segir svo kona nokkur.

„Góð þumalputtaregla að hlusta á hópa sem við tilheyrum ekki“

Eins og áður segir þá tóku margir undir með nemunum og kom einn meðlimur hópsins til að mynda með tilmæli sem leikskóli sonar hans sendi í tilefni Öskudagsins sem sýnir hvernig tímarnir hafa breyst. „Þessi tilmæli komu í pósti frá leikskóla sonar míns og gerðu mig glaðan: Við viljum vekja athygli á því að þjóðerni, kynþáttur eða menning er ekki búningur.“

Kona nokkur benti þá á mikilvægi þess að hlusta á aðra. „Það er mjög góð þumalputtaregla að hlusta á hópa sem við tilheyrum ekki og virða vilja þeirra. Það er til nóg af grímubúningum. Það er enginn rétttrúnaður fólginn í því. Öll viljum við að komið sé fram við okkur af virðingu.“

„Þekkist seint af því að ætla sér að vera niðrandi“

Annar kennarinn á myndinni, sá sem var ekki klæddur sem arabi, svarar færslunni í athugasemd við hana. „Ég get nú ekki svarað fyrir vinkonu mína en lofa þó að þetta var ekki illa meint né átti þetta að vera særandi. Ég til dæmis var með Mexikó hatt og í ponsjó í fyrra og það var heldur ekki illa meint,“ segir kennarinn.

„Vinkona mín þekkist seint af því að ætla sér að vera niðrandi við nokkurn mann og stendur frekar vörð um þá sem tilheyra minnihlutahóp. Ég vona að fólk sem tilheyrir þessu skólaumbótaspjalli ætli sér ekki að taka okkur tvær af lífi með deilingu af mynd af mér í Mjallhvítarbúning og vinkonu minni í búning.“

Neminn svarar þá kennaranum og segir að það hafi aldrei verið ætlunin að „taka þær af lífi“. Ætlunin hafi verið að hvetja til umræðu. „Þetta er í raun miklu stærri umræða heldur en þessi eina mynd en mér fannst þessi myndbirting tilefni til að starta þessari umræðu. Ég hef einmitt sjálf klæðst mexíkanahatti fyrir löngu síðan, síðan þá hef ég fræðst meira og sé eftir því í dag, myndi aldrei velja slíkan búning í dag,“ segir neminn.

„Ég vona að þið skiljið hvað er átt við og hafið á bakvið eyrað í næsta búningavali (ekkert að því að vera Mjallhvít). Það er mín von að börn hafi fyrirmyndir sem leggja sig fram við að gera ekki lítið úr minnihlutahópum sem þau mögulega tilheyra, hvort sem það er með vilja gert eða ekki.“

Ekkert lát er á skoðanaskiptum um heimildarmyndina „Hækkum rána“ og hinn umdeilda körfuknattleiksþjálfara stúlkna, Brynjar Karl Sigurðsson. Myndin sem sýnd er í Sjónvarpi Símans fjallar um stúlknalið innan ÍR sem Brynjar þjálfaði. Liðið komst í fréttirnar árið 2019 er stúlkurnar neituðu að taka við verðlaunum en með þeim gjörningi voru þær að mótmæla því að þær fengju ekki að keppa við stráka.

Heimildarmyndin lýsir þjálfunaraðferðum sem snúast um að valdefla ungar stúkur. Aðferðirnar eru umdeildar. Eins og DV greindi frá um helgina steig Sara Pálmadóttir, fyrrverandi landsliðsmaður í körfuknattleik, fram og gagnrýndi aðferðir Brynjars harðlega:

„Í vikunni var sýnd myndin Hækkum rána á Sjónvarpi Símans. Ég get ekki orða bundist eftir að hafa horft á þessa mynd og það tók mig langan tíma að róa mig, setjast niður og skrifa þennan pistil. Ég hef frá árinu 2014 fylgst með þessu liði sem um ræðir í myndinni og hef oft orðið kjaftstopp yfir framferði liðsins og þá sérstaklega þjálfarans. Ég á bróðurdóttur sem ég hef fylgt á flest mót sem hún hefur tekið þátt í frá því hún var 8 ára og séð margt á þessum árum. Mjög margt gott en því miður líka séð margt mjög leiðinlegt. Ekki misskilja mig ég er „all in“ í því að valdefla ungt fólk, kenna þeim að standa með sjálfum sér, kenna þeim „tögg“ og að vera töffarar en þjálfunaraðferðir sem notaðar eru í þessu tilviki eru ekki að mínu skapi. Ef ég verð svo heppin að eignast börn einn daginn þá fær barnið mitt ekki að æfa hjá þjálfara sem sýnir slíka háttsemi sem sést í þessari mynd.“

Sjá einnig: Sara tjáir sig um körfuboltamyndina

Sara segir ennfremur:

„Atriðið í myndinni þegar ákveðið var á töflufundi fyrir mót, að stelpurnar myndu stíga fram og neita að taka við verðlaunum eftir mótið finnst mér til háborinnar skammar. Það eru margar aðrar leiðir til þess að láta í sér heyra. Þegar liðið stígur svo fram í verðlaunaafhendingu í íslandsmóti 11 ára varð ég kjaftstopp. Þarna eru 11 ára stelpur sem tala þarna, að mér finnst, á öðruvísi tungumáli en ætti að þekkjast hjá svona ungum börnum. Þarna fannst mér algjör vanvirðing borin fyrir körfuboltanum, leikmönnum, foreldrum, stjórnarmönnum, sjálfboðaliðum og öllum þeim sem koma að íþróttum á Íslandi.“

Móðir lofar aðferðir Brynjars

Margrét A. Markúsdóttir hefur skrifað afar áhugaverða grein um efni heimildarmyndarinnar á Facebook-síðu sinna. Margrét segir að harkan sem Brynjar hafi beitt stúlkurnar hafi ekki brotið niður stúlkurnar heldur valdeflt þær:

Margrét finnur mikla samsvörun milli aðferða Brynjars og Hjallastefnunnar, þar sem beitt er ólíkri nálgun á kynin vegna ólíkra þarfa þeirra:

„Eftir að hafa kynnst þjálfun Brynjars betur hef ég þó komist að því að margt er líkt þarna á milli. Hann telur sig þurfa að gera ýmislegt öðruvísi í þjálfun stúlkna en drengja, líkt og gert er í Hjallastefnunni. Hann æfir drengina ekki í “ruslatali” því þeir þurfa ekki á því að halda, margir drengir tala svona dags daglega nú þegar, því miður. Markmið hans með því að æfa stúlkurnar í ruslatali er að valdefla þær, bæði innan vallar sem utan. Að þær þori að láta í sér heyra, hækka röddina og svara fyrir sig. Hann hvetur þær þó ekki til að tala svona við aðra í daglegu lífi enda er það ekki markmiðið. Í Hjallastefnunni reynum við einnig sérstaklega að valdefla stúlkur með því að æfa þær í að nota röddina, setja skýr mörk o.s.frv. Brynjar hefur einnig talað um reyna að vinna gegn neikvæðum einkennum stúlknamenningar sem er í Hjallastefnunni kallað “bleika slikjan”. Þannig er það áhugavert hvað það er margt líkt með þessum stefnum þó ég voni að ég móðgi engan með þessari samlíkingu. Auðvitað er líka margt ólíkt þarna á milli og aðferðir Brynjar ganga lengra að mörgu leyti. Í báðum tilfellum er þó um að ræða tilraun til að vinna gegn rótgrónu og mjög stýrandi kerfi en í leiðinni að auknu jafnrétti meðal kynjanna. Í báðum tilfellum er synt á móti straumnum með mikilli andstöðu innan kerfisins.“

Margrét greinir einnig frá sífelldri óvirðingu sem kvennakörfubolti hafi mátt þola hér á landi og segir hún að strákamótin hafi ávallt verið tekin meira alvarlega en stelpumótin. Grein hennar má lesa í heild með því að smella á tengilinn hér á neðan. Þar fyrir neðan drepum við hins vegar á grein eftir Viðar Halldórsson, prófessor í félagsfræði við Háskóla Íslands, en hann segir aðferðir Brynjars vera úreltar.

Segir aðferðir Brynjars úreltar

Viðar Halldórsson, prófessor í félagsfræði, hefur birt grein um málið á Kjarnanum. Þar segir hann að markmið Brynjars sé gott en aðferðirnar ekki. Vandamálið sé að Brynjar hafi afreksvætt íþróttastarf 8-11 ára barna. „Sem er merki­legt þar sem þær þjálf­un­ar­að­ferðir sem þjálf­ar­inn beitir í mynd­inni eru löngu taldar úreltar enda ganga þær gegn allri fræði­legri þekk­ingu vís­inda­sam­fé­lags­ins, hag­nýtri þekk­ingu íþrótta­sam­fé­lag­ins, stefnu íþrótta­yf­ir­valda, skipu­lagi íþrótta­starfs hér á landi og þeirri íþrótta­menn­ingu sem hér rík­ir,“ segir Viðar.

Viðar segir afreksvæðingu íþrótta hjá börnum vera óæskilega því hún feli í sér að þjálfunaraðferðir fyrir fullorðna séu yfirfærðar á börn:

„Afrek­svæð­ing leiks­ins felur það í sér að þjálf­un­ar­að­ferðir sem not­aðar eru á full­orðna atvinnu­menn eru yfir­færðar á börn. Íþróttir barna fara með þessu að ein­kenn­ast af meiri alvöru og festu, snemm­bærri sér­hæf­ingu, fleiri æfingum og meira álagi, vænt­ingum og pressu en áður, allt með það að mark­miði að sigra og skapa grunn­inn að afrek­s­í­þrótta­fólki fram­tíð­ar­inn­ar. Hætt­urnar við afrek­svæð­ingu leiks­ins eru aftur á móti það alvar­legar fyrir börn og ung­menni að varað er við slíkum aðferð­um. Til að mynda þá birt­ast afleið­ing­arnar í auk­inni tíðni ofþjálf­unar og álags­meiðsla, auknu brott­falli, óhóf­legum og óþörfum fjár­hags­legum kostn­aði fjöl­skyldna, óraun­hæfra vænt­inga um árangur og frama, glat­aðrar barn­æsku, sem og að leik­ur­inn fer frá því að vera leikur og verður að vinnu, svo sitt­hvað sé nefnt. Stað­reynd­irnar tala sínu máli í þessu sam­band­i.“

Viðar setur spurningamerki við það viðhorf að íþróttastarf sé bara fyrir hina bestu. Hann segir að sumar stúlkurnar hafi getað staðist álagið sem Brynjar setti á þær á meðan aðrar gátu það ekki:

„„Þær eru sterkar per­són­ur, geta staðið á sín­u,“ sagði einn fað­ir­inn stoltur í heim­ilda­mynd­inni og hefur hann eflaust rétt fyrir sér hvað það varð­ar. Sumar stúlkn­anna gátu ábyggi­lega staðið í gegnum þetta og látið mót­lætið styrkja sig, en það gerðu aftur á móti alls ekki allar stúlk­urn­ar. Með öðrum orð­um, þá sýnir myndin sögu sig­ur­vegar­anna. Þeirra sterku stelpna sem komust í gegnum harð­ræð­ið. Myndin sýnir aftur á móti ekki hina hlið­ina; „aum­ingj­ana“ eins og tíð­rætt var um í mynd­inni. Hún segir ekki sögu þeirra sem helt­ust úr lest­inni, ein­hvers staðar á leið­inni, og sitja jafn­vel uppi með skömm­ina yfir að hafa grátið og gef­ist upp undan óæski­legu álag­inu og harð­ræð­inu – eins og jafnan er afleið­ing afrek­svæð­ingar barna- og ung­linga­í­þrótta. Stúlk­urnar sem fengu ekki að keppa við strák­ana eru því ekki einu fórn­ar­lömbin í þess­ari sögu, heldur ekki síður þær stúlkur sem hrökt­ust úr íþrótt­inni sinni og félag­inu sínu. Þeirra saga var ekki sögð.“

Viðar segir að íþróttastarf kvenna sé að mörgu leyti heilbrigðara en íþróttastarf karla. Hann tekur þá stöðu að vinna beri gegn karlrembu, ruddaskap og óheiðarleika í íþróttum í stað þess að innprenta stúlkum lesti karlaíþrótta. Hann spyr hvort íþróttir eigi ekki frekar að vera meira á forsendum kvenna en að úreltar karlmennskuhugmyndir séu innleiddar í kvennaíþróttir:

„Það er einnig umhugs­un­ar­efni hvort það sé rétta leiðin að gera stelpur að meiri strákum í íþrótt­um; að gera þær að meiri „töff­ur­um“ eins og lagt var upp með í mynd­inni. Að mörgu leiti þá er íþrótta­starf stúlkna mun heil­brigð­ara en íþrótta­starf pilta. Hjá piltum er meira um ein­elti, hörku og hroka, en hjá stúlk­um, sem allt eru óæski­legir fylgi­fiskar keppn­is­í­þrótta. Oft hefur líka verið rætt um að íþróttir kvenna feli í sér minni leik­ara­skap og svindl en í íþróttum karla. Að því leyti mætti segja að íþróttir kvenna séu þannig í raun hreinni og óspillt­ari en íþróttir karla. Það er gríð­ar­lega mik­il­vægt að vinna gegn ljótu tali (rusltali), hroka, ein­elti og óþarfa hörku í íþróttum yfir­höf­uð. Það þarf að vinna gegn þeirri karl­rembu og ömur­leg­heitum sem rætt var um í mynd­inni, en ekki að stuðla að óþarfa töffara­skap og ömur­leg­heitum hjá þeim sem það skort­ir. Eiga íþróttir kvenna ekki að vera á for­sendum kvenna frekar en úrsér­gengnum karl­mennsku­hug­myndum sem hægt og bít­andi eru að renna sitt skeið? Það eru nýir tím­ar. Staða kvenna í íþróttum batnar ár frá ári. Þátt­töku­töl­urnar sýna það. Árang­ur­inn sýnir það, á vell­in­um, sem og utan hans. Konur eru komnar í æðstu stöður í íþrótta­hreyf­ing­unni. Fram­kvæmda­stjórar ÍSÍ, UMFÍ og KSÍ eru til að mynda allt konur sem hafa áhrif á að móta íþrótta­starfið fyrir nýja tíma. Tíð­ar­and­inn er ann­ar, sem gerir konum loks­ins kleift að vera gjald­gengar í íþróttum og bæta íþrótt­irnar á eigin for­send­um, með því að vera eins og kon­ur.“

Grein Viðars má lesa hér

59% prósent Repúblikana segja að þeir myndu velja Trump sem forsetaframbjóðanda sinn ef kosið yrði í dag. Trump má bjóða sig fram til forseta árið 2024 en The Guardian greinir frá. Tugþúsundir Bandaríkjamanna hafa yfirgefið Repúblikanaflokkinn eftir að stuðningsmenn Trump brutu sér leið inn í þinghús Bandaríkjanna 6. janúar síðastliðinn og vill meirihluti landsmanna að Lesa meira

Grímur Atlason, framkvæmdastjóri Geðhjálpar, var gestur Sigmars Guðmundssonar í þættinum okkar á milli sem sýndur var á RÚV í kvöld. Þar opnaði hann sig upp á gátt en hann byrjaði á því að tala um æskuna sína sem var vægast sagt erfið.

„Ég hélt að þetta ætti að vera svona en þetta var auðvitað rosa skrýtið að vakna á nóttunni og vera dreginn fram úr bara kannski 2-3 ára, einhverjar minningar um rifrildi, jafnvel blóð og mikil drykkja, sem ég vissi ekki að væri drykkja þá, og enda svo einhvers staðar í öðrum húsum,“ segir Grímur í byrjun þáttarins.

Hann segir þetta hafa mótað hann gríðarlega og gert það að verkum hver hann er. „En að sama skapi þá var þetta, þetta var mikið rugl og ofsalega mikil svona lausung á öllu sem gerir það að verkum að traust og rætur og allt slíkt, ég finn þær svo illa.“

„Þetta var hart“

Grímur segir foreldra sína ekki hafa verið vonda við sig. „Ég hugsa aldrei þannig. Þau voru ekki vond við mig, þau elskuðu mig en hins vegar bara ást þeirra, þau gátu ekki gefið mér neitt. Af því þau höfðu síðan ekki neitt sjálf. sem er svona kannski eitthvað sem við getum komið inn á,“ segir hann.

„Þessi þráður bara lífsins á milli kynslóðanna, hvernig ég verð ég og þú verður þú og svo börnin þín og barnabörnin og allt það. Þetta fer bara á milli kynslóða, þessi milliflutningur á þessum vandræðum. Þau fæðast upp í einhverjum áföllum, alast upp í áföllum, þetta var hart.“

„Ég var aldrei hólpinn“

Grímur talar svo um drykkjuna á heimili sínu en hann segir að hún hafi ekki verið stöðug í fyrstu. „Hins vegar það sem gerðist þarna hjá [foreldrum hans] var að það var svo mikið um svik og margt annað sem gerðist í þeirra hjónabandi og svo brennivín ofan í það og endalausar uppákomur.“

Þegar Grímur var sjö ára gamall var hann skilinn eftir hjá ömmu sinni. Í þættinum lýsir hann uppákomu sem situr enn þann dag í dag eftir í honum. „Ég kem í nýjan skóla átta ára og býð í afmælið mitt þegar ég varð níu ára. Allir að kynnast Grími og voða gaman. Klukkan er sex að kvöldi og bara fimmtudagur,“ segir hann.

„Þá kemur mamma heim drukkin. Hún fer að dansa og verður mér til skammar. Svo rak hún alla út og ég fór að gráta fyrir framan öll börnin. Þetta var alveg ferlegt, að hugsa um svona. Það voru endalausar svona uppákomur… þarna bjó ég hjá ömmu minni og hún kom bara þarna. Ég var aldrei hólpinn.“

„Ég hugsa oft um þetta í dag“

Grímur veltir því fyrir sér í dag hvernig skólakerfið brást við aðstæðum hans á sínum tíma. Í stað þess að fá hjálp var hann stimplaður sem óstýrilátur strákur sem talaði of mikið. „Þarna er ég kannski bara að endurspegla eitthvað sem ég er búinn að ganga í gegnum sem barn, og er barn. Þá ætti kannski einhver að spyrja: Bíddu, hvað getum við gert fyrir þig? Er eitthvað að gerast heima hjá þér? Ég hugsa oft um þetta í dag líka,“ segir hann.

Í skólakerfi nútímans hefði Grímur að öllum líkindum farið í gegnum greiningarferli en hann segir þó að vandamál séu ennþá til staðar í dag. „Ég veit að þetta er ennþá í skólakerfinu, þó það sé miklu betra en það var. Þá veit ég það að börn sem eru að sýna ákveðna hegðun og eru að upplifa ákveðna vanlíðan vegna áfalla sem þau verða fyrir. Það er tekið á þeim,“ segir hann.

Hægt er að horfa á viðtalið við Grím í heild sinni á vefsíðu RÚV.

Vefsíðan WhoScored.com, valdi Jóhann Berg Guðmundsson, leikmann Burnley í lið vikunnar í ensku úrvalsdeildinni. Jóhann Berg átti afbragðsleik og skoraði fyrsta mark Burnley í 3-0 útisigri gegn Crystal Palace í 24. umferð deildarinnar á dögunum. Jóhann Berg er ekki eini leikmaður Burnley í liði vikunnar því hægri bakvörðurinn Matthew Lowton og framherjinn Jay Rodriguez eru Lesa meira

Cristiano Ronaldo, leikmaður Juventus, hvatti liðsfélaga sína til dáða og undirstrikaði mikilvægi þess að ná langt í Meistaradeild Evrópu á Instagram í dag. Hann vill koma í veg fyrir að félagið geri sömu mistök og í fyrra. Juventus mætir Porto í 16-liða úrslitum Meistaradeildarinnar á morgun. Liðið datt úr leik í 16-liða úrslitum á síðasta Lesa meira

Nýtt afbrigði Covid-19 hefur verið greint í Bretlandi en bóluefni sem eru í notkun núna eru mögulega óvirk gegn þessu afbrigði. Þetta kemur fram í grein Mirror en þeir vitna í rannsókn frá háskólanum í Reading. Þetta nýja afbrigði á uppruna sinn að rekja frá Nígeríu og hafa 38 manns greinst með það í Bretlandi. Lesa meira

Tveir leikir fóru fram í 16-liða úrslitum Meistaradeildar Evrópu í kvöld. Liverpool vann góðan sigur á þýska liðinu RB Leipzig og þá hafði PSG betur gegn Barcelona á Nou Camp. 

RB Leipzig og Liverpool mættustu á Puskas Arena í Ungverjalandi. Mohamed Salah kom Liverpool yfir með marki á 53. mínútu.

Fimm mínútum síðar tvöfaldaði Sadio Mané, forystu Liverpool og innsiglaði 2-0 sigur liðsins. Fleiri mörk voru ekki skoruð í leiknum og fer Liverpool því með tveggja marka forskot inn í seinni leik liðanna sem fer fram þann 10. mars næstkomandi.

Á Camp Nou í Barcelona tóku heimamenn á móti franska liðinu Paris-Saint Germain.

Lionel Messi kom Barcelona yfir með marki úr vítaspyrnu á 27. mínútu.

Aðeins fimm mínútum síðar jafnaði Kylian Mbappé, metin fyrir Paris Saint Germain með marki eftir stoðsendingu frá Marco Veratti.

Mbappé var síðan aftur á ferðinni er hann kom gestunum yfir með marki á 65. mínútu og á 70. mínútu bætti Moise Kean við þriðja marki Paris Saint Germain með marki eftir stoðsendingu frá Leandro Paredes.

Mbappé innsiglaði síðan þrennu sína og 4-1 sigur Paris Saint Germain með marki á 85. mínútu.

Seinni leikur liðanna fer fram í París þann 10. mars næstkomandi.

RB Leipzig 0 – 2 Liverpool 
0-1 Mohamed Salah (’53)
0-2 Sadio Mané (’58)

Barcelona 1 – 4 Paris Saint Germain 
1-0 Lionel Messi (’27, víti)
1-1 Kylian Mbappé (’32)
1-2 Kylian Mbappé (’65)
1-3 Moise Kean (’70)
1-4 Kylian Mbappé (’85)

Guðríður Har­alds­dótt­ir, blaðamaður og próf­arka­les­ari, segir frá ansi ógnvænlegum atburði sem hún rétt slapp við þegar hún var stödd í fríi í Bandaríkjunum. Guðríður segir frá þessu í færslu sem hún birti í dag á bloggsíðu sinni.  „Eftir siglingu fórum við á annað hótel, fórum þó á FM-hótelið fyrst þar sem við vorum samferða íslenska hópnum úr Lesa meira

Niðurstöður könnunar, sem var gerð á meðal stjórnenda rúmlega 11.000 japanskra fyrirtækja, sýna að meirihluti þeirra er á móti því að Ólympíuleikarnir fari fram í Tókýó í sumar. Flestir vilja aflýsa leikunum eða fresta þeim aftur vegna heimsfaraldurs kórónuveirunnar. Það var hugveitan Tokyo Shoko Research sem gerði könnunina. 56% aðspurðra sögðust telja að annað hvort eigi að aflýsa leikunum eða fresta Lesa meira

Í nóvember átti sá fágæti atburður sér stað í Danmörku að jómfrúarfæðing átti sér stað á fæðingardeildinni í Rønne á Borgundarhólmi.  Þar eignaðist Pernille Tove Boldemann, 35 ára, stúlku. Pernille hefur aldrei stundað kynlíf með karlmanni á ævinni en eins og nærri má geta þá hafði hún notið aðstoðar sæðisbanka við að verða barnshafandi.

„Fyrir mig skiptir það miklu máli að það sé maðurinn, sem ég ætla að eyða restinni af lífinu með, sem ég stunda kynlíf með þegar ég geri það í fyrsta sinn,“ hefur B.T. eftir henni en margir danskir fjölmiðlar hafa fjallað um málið að undanförnu.

En það gekk illa að hitta rétta manninn og fólk yngist ekki með árunum og því ákvað Pernille að grípa til sinna ráða, ekki síst þar sem hún hafði gefið deyjandi afa sínum loforð um að hún myndi eignast barn.

„Frá því að ég var 13 ára hef ég vitað að ég myndi verða mamma en ég gat ekki haldið áfram að bíða eftir þeim eina rétta. Svo ég hugsaði með mér að ég hefði ekki þörf fyrir manninn, ég gæti bjargað mér sjálf,“ sagði hún.

Þegar minnst er á jómfrúarfæðingu vekur það eflaust upp hugsanir hjá sumum um tengingu við Biblíuna en í tilfelli Pernille kom heilagur andi ekki við sögu. Hún fékk einfaldlega gjafasæði sem læknar á Ríkissjúkrahúsinu í Kaupmannahöfn frjóvguðu egg með og komu fyrir í legi hennar. Þetta tókst í fyrstu tilraun og í nóvember eignaðist hún dótturina Emmu.

Gleði Pernille var mikil og hún hafði þar með staðið við loforð sem hún gaf móðurafa sínum áður en hann lést 2017. Þau bjuggu saman og hann átti sér þá ósk að ættin myndi ekki deyja með þeim tveimur. Pernille hafði því lofað honum að hún myndi eignast barn. „Hann hlakkaði til að geta farið út að ganga með barnavagn. Ég er döpur yfir að hann fékk ekki að upplifa það en ég held að hann fylgist með, þaðan sem hann er,“ sagði hún.

Samband Pernille og afa hennar var mjög sérstakt og gott. Hún missti móður sína þegar hún var tveggja ára. Þá flutti hún heim til föður síns en þar voru aðstæðurnar erfiðar og hún var vanrækt. Það var ekki fyrr en móðurafi hennar lét til sín taka og fékk forræði yfir henni sem líf hennar komst í góðan farveg. „Hann var mér bæði móðir og faðir. Hann gaf mér allt og ég sagði líka við hann að það væri þess vegna sem ég kallaði hann móðurafa en ekki bara afa. Af því að hann sá um bæði hlutverkin,“ sagði hún.