Leikkonan og aktívistinn Ashley Judd þakkar fólkinu sem hjálpaði henni þegar hún slasaðist illa í Kongó.
Ashley, sem er 52 ára, deildi myndum á Instagram í gær frá björguninni sem tók um 55 tíma og var hrikalega erfið í alla staði.
Fótleggur hennar mölbrotnaði þegar hún var í frumskóginum og segist Ashley vera heimamönnum ævinlega þakklát fyrir að bjarga henni og hugsa um hana á meðan.
„Vinir. Án bræðra minna og systra frá Kongó þá hefði innvortis blæðing líklega drepið mig og ég hefði misst fótlegginn,“ skrifaði Ashley á Instagram og birtir myndir og myndbönd frá björguninni. Ashley sagðist vakna á morgnana grátandi af þakklæti.
Þú getur séð myndirnar frá björguninni hér að neðan, með því að ýta á örina til hægri, og lesið nánar um löngu og viðburðaríku björgunina.
Það var hiti í mannskapnum Á Camp Nou í Barcelona í gær þár sem heimamenn tóku á móti franska liðinu Paris-Saint Germain. Lionel Messi kom Barcelona yfir með marki úr vítaspyrnu á 27. mínútu. Aðeins fimm mínútum síðar jafnaði Kylian Mbappé, metin fyrir Paris Saint Germain með marki eftir stoðsendingu frá Marco Veratti. Mbappé var Lesa meira
Arsenal mun í sumar reyna að skera niður launakostnað hjá sér og það nokkuð hressilega ef marka má enska fjölmiðla. Arsenal lækkaði launakostnað sinn verulega í janúar. Arsenal horfir fram á það að fá engar tekjur af áhorfendum fyrr en á næstu leiktíð og þá þarf félagið að fara að borga af 120 milljóna punda Lesa meira
Geir Þorsteinsson, fyrrum formaður KSÍ og framkvæmdarstjóri knattspyrnudeildar ÍA sækist eftir því að verða formaður ÍTF. Hann hafði legið undir feld en ákvað að bjóða sig fram. Kosið verður um helgina
ÍTF eru hagsmunasamtök þeirra félaga sem reka lið í efstu deildum karla og kvenna í knattspyrnu, auk 1 deildar karla og kvenna.
Tæp tvö ár eru síðan að Geir reyndi að komast aftur í stól formanns KSÍ en þá var enginn eftirspurn eftir starfskröftum hans innan hreyfingarinnar, tapaði hann með miklum mun gegn Guðna Bergssyni, sitjandi formanni. Verði Geir kosinn formaður ÍTF fær hann sæti í stjórn KSÍ í gegnum það.
Geir hefur sent erindi á félögin þar sem hann sækist eftir formennsku. Samkvæmt heimildum er Orri Hlöðversson, formaður knattspyrnudeildar Breiðabliks einnig í framboði en ekkert hefur komið fram frá ÍTF um málið. Einnig verður kosið í stjórn ÍTF.
ÍTF er að fara að selja sjónvarpsrétt af deildunum í fyrsta sinn og telur Geir að þekking sín á því sviði sé mikilvæg fyrir samtökin.
Bréf Geirs til aðildarfélaga ÍTF:
Framboð til formanns ÍTF
Tvær efstu deildir í Íslandsmótinu í knattspyrnu eru stærstu og öflugustu einingar íslenskrar íþrótta bæði félagslega og fjárhagslega. Hagsmunasamtök félaganna, ÍTF, standa nú á tímamótum þegar kjósa á nýjan formann til að leiða samtökin. Þá standa samtökin einnig á tímamótum því að í fyrsta sinn munu félögin sjálf, undir forystu ÍTF, annast sölu sjónvarps- og markaðsréttinda deildanna. Í ljósi þess að samanlögð velta aðildarfélaga ÍTF á ári hleypur á milljörðum króna og mikilla breytinga og þróunar í umhverfi knattspyrnunnar er mikilvægt að efla starfsemi ÍTF til að mæta nýjum og ört vaxandi þörfum aðildarfélaganna.
Um alla Evrópu hefur orðið mikil þróun í starfsemi deildarsamtaka og flest Norðurlöndin eru gott dæmi um það. Nú hefur ÍTF slit ið barnsskónum og er því tímabært að samtökin auki starfsemi sína á komandi árum til að þjóna betur íslenskum félagsliðum. Ljóst er að mörg krefjandi verkefni bíða ÍTF og eru þessi helst:
· Auka tekjur félaganna af sölu sjónvarpsréttar og hvers kyns útsendingarréttar með innleiðingu bestu mögulegrar tækni.
· Auka tekjur félaganna af markaðsrétti og markaðsstarfi.
· Þróa fyrirkomulag móta í nánu samstarfi við félögin til þess að lengja keppnistímabilið og fjölga leikjum.
· Efla tengingar við erlend systursamtök og alþjóðasamtök félagsliða.
· Reka sjálfstæða og öfluga skrifstofu sem vinnur með skipulögðum og markvissum hætti og gætir hagsmuna félaganna í hvívetna.
· Styrkja ÍTF sem öflugan málsvara aðildarfélaga á opinberum vettvangi þegar málefni efstu deilda eru til umfjöllunar.
· Standa að breytingum á innra og ytra skipulagi ÍTF.
· Tryggja traustan fjárhagsgrundvöll ÍTF.
Ég skil þörfin á breytingum á ÍTF og mikilvægi þess að félögin í efstu deildum eigi öflugan málsvara til að gæta hagsmuna þeirra. Samtök sem eru vel skipulögð með tengingar til allra átta. Með það í huga hef ég ákveðið að bjóða mig fram til formanns ÍTF og miðla af víðtækri reynslu á mörgum sviðum s.s. málefna sjónvarps- og markaðsréttar, rekstrar knattspyrnufélaga, skipulags móta og samstarfi við erlend knattspyrnusamtök.
Með kveðju,
Geir Þorsteinsson.
Anton Kristinn Þórarinsson var í gær úrskurðaður í vikulangt gæsluvarðhald vegna rannsóknar á manndrápi í Rauðagerði síðastliðið laugardagskvöld. Lögmaður Antons, Steinbergur Finnbogason, hefur áfrýjað úrskurðinum til Landsréttar.
Tekið skal fram að DV hefur hvorki fengið staðfest hvort Anton sé grunaður um aðild að morðinu, né á hvaða forsendum Anton var úrskurðaður í gæsluvarðhald.
Örfáum mínútum fyrir miðnætti á laugardagskvöld barst lögreglu tilkynning um að manni hafi verið ráðinn bani fyrir utan einbýlishús við Rauðagerði. Armando Beqiri hafði þá verið að koma heim til sín og lagt bíl í bílastæði utan við hús sitt við götuna sem hann og eiginkona hans keyptu saman seint á síðasta ári. Hjónin voru nýlega flutt í húsið. Armando var skotinn nokkrum skotum í innkeyrslunni fyrir utan húsið, og samkvæmt frétt Vísis í vikunni, að minnsta kosti einu sinni í höfuðið. Morðinu hefur verið lýst sem „hreinni aftöku.“
Armando var fæddur 16. febrúar 1988, og hefði því fagnað 33 ára afmælisdegi sínum með ófrískri eiginkonu sinni og barni þeirra í gær.
Grunsemdir um hljóðdeyfi
Armando starfaði hjá fyrirtæki sem heitir Top Guard ehf., en fyrirtækið sinnir dyravörslu og annarskonar öryggisgæslu. Samkvæmt Credit Info eru eigendur fyrirtækisins þeir Vladimir Avramovic og Goran Kristján Stojanovic. Í fréttum DV fyrr í vikunni var Armando lýst af vinum og samstarfsmönnum sem harðduglegum, heiðarlegum, vingjarnlegum og traustum manni. Annar nágranni sagði þó að mikið hefði verið um grunsamlegar mannaferðir eftir að fjölskyldan flutti inn og að fólk hefði oft verið að koma og fara úr húsinu. Ekkert ónæði hefði þó verið af þeim mannaferðum.
Það vakti jafnframt athygli að enginn nágranni kannaðist við að hafa heyrt skothvelli. Var það sérstaklega grunsamlegt í ljósi frétta af því að mörgum skotum virðist hafa verið hleypt af. Vakti það grunsemdir um að skammbyssa með hljóðdeyfi hafi verið notuð.
Í tilkynningu lögreglu um málið í hádeginu daginn eftir morðið, sunnudaginn síðastliðinn, kom fram að karlmaður hefði verið handtekinn í Garðabæ vegna málsins og var hann síðar um kvöldið úrskurðaður í fjögurra daga gæsluvarðhald. Lengd gæsluvarðhaldsúrskurðsins vakti athygli, en fjögurra daga gæsluvarðhaldsúrskurðir heyra til algjörra undantekninga hvað morð mál varðar. Samkvæmt upplýsingum frá lögmanni sem DV ræddi við í gær gæti það bent til þess að lögreglu hafi skort sönnunargögn til að ná fram lengri úrskurði, eða að maðurinn sé í haldi vegna rannsóknarhagsmuna. Maðurinn er frá Litháen og er enn í gæsluvarðhaldi.
Frá Rauðagerði. mynd/Valli
Litháinn tengdur Antoni
Samkvæmt heimildum DV er sá maður tengdur Antoni, sem í gær var einnig úrskurðaður í gæsluvarðhald. Herma heimildir úr undirheimum Reykjavíkur að Anton hafi í kjölfar lekamálsins sem upp kom í janúar einangrast í undirheimunum og flutt inn menn frá Litháen til þess að starfa með sér og vernda sig gegn hugsanlegum ógnum vegna lekans. Í janúar fengu fjölmiðlar á Íslandi, meðal annars DV, nafnlausa gagnasendingu þar sem fram kom að Anton hefði veitt lögreglu upplýsingar í lengri tíma um ólöglegt athæfi einstaklinga í Reykjavík. Eins og gefur að skilja vakti það ekki mikla kátínu meðal kollega Antons í undirheimunum. Allt eru þetta eingöngu ásakanir og enginn verið sakfelldur í málinu þó rannsóknir hafi ítrekað farið fram og lögreglumenn kallaðir til skýrslatöku líkt og fram kemur í gögnunum.
Lögregla sagði svo á mánudaginn að hún leitaði að íslenskum karlmanni í tengslum við málið. Hávær orðrómur fór undir eins af stað um að umræddur karlmaður væri í raun umræddur Anton Kristinn.
Lögregla hefur alveg frá því að málið kom fyrst upp gefið litlar upplýsingar um málið. DV spurði lögreglu í gær hvort morðvopnið hefði fundist en lögregla sagðist ekki geta staðfest það. Þó var sagt frá því í öðrum fjölmiðlum í gær að svo væri ekki.
Vikulöngu gæsluvarðhaldi áfrýjað
DV hefur heimildir fyrir því að Anton hafi verið í vetrarferð með samstarfsmönnum sínum fyrir norðan um helgina. Þá hefur DV jafnframt öruggar heimildir fyrir því að íbúðin þar sem Litháinn sem fyrstur var úrskurðaður í gæsluvarðhald vegna málsins hafi verið handtekinn í íbúð sem Anton hafi tekið á leigu fyrir Litháa sem voru á Íslandi á hans vegum. Lögregla innsiglaði þá íbúð um helgina og hefur hún verið innsigluð síðan þá.
Á þriðjudagsmorgun sagði Fréttablaðið svo frá því að þrír menn hefðu verið handteknir í umfangsmiklum aðgerðum Lögreglunnar á höfuðborgarsvæðinu, sérsveitar ríkislögreglustjóra og annarra lögregluembætti í sumarbústað á Suðurlandi. Sagði DV frá því í gær að einn mannanna þriggja hafi verið Anton Kristinn, og hefur DV fyrir því öruggar heimildir. Þó hefur hvorki lögregla, né Steinbergur Finnbogason lögmaður Antons, viljað staðfesta að um Anton sé að ræða. Hinir mennirnir tveir voru erlendir ríkisborgarar og er nöfn þeirra ekki þekkt.
Síðdegis í gær fór svo fram húsleit í íbúð sem Anton hefur á leigu í Garðabæ og skýrslutaka yfir honum sjálfum. Farið var fram á gæsluvarðhald yfir Antoni í gærkvöldi, sem fyrr sagði, og þarf hann að sæta því vikulangt. Samkvæmt upplýsingum DV hefur þeim úrskurði nú verið áfrýjað til Landsréttar og er búist við þeim úrskurði í dag eða á morgun.
Tina er 43 ára kona frá Texas. Eftir að hún var greind með krabbamein í nefi tók hún erfiða ákvörðun og lét fjarlægja nefið. Hún átti erfitt með að sætta sig við nýtt útlit sitt og gekk með gervinef þrátt fyrir að þykja það óþægilegt. En með stuðningi eiginmanns síns og barna, og einskærum vilja að Lesa meira
Manchester United er sagt skoða miðjumenn fyrir sumarið en félagið undirbýr sig undir það að Paul Pogba fari frá félaginu. Ensk blöð fjalla um málið. Pogba á aðeins ár eftir af samningi sínum við United í sumar en Juventus og Real Madrid hafa sýnt honum áhuga. Ensk blöð segja frá því í dag að Ole Lesa meira
Engin innanlandssmit af Covid-19 greindust í gær en fimm virk smit, þar sem aðilar bíða mótefnamælingar, greindust á landamærum. Samkvæmt frétt RÚV voru tekin 545 smit innanlands og 351 á landamærum. Ekkert innanlandssmit hefur greinst í sex daga eða síðan 11. febrúar.
Jamie Carragher segir viðvörunarbjöllur enn vera á leik Liverpool. RB Leipzig og Liverpool mættustu á Puskas Arena í Ungverjalandi í Meistaradeild Evrópu í gær. Mohamed Salah kom Liverpool yfir með marki á 53. mínútu. Fimm mínútum síðar tvöfaldaði Sadio Mané, forystu Liverpool og innsiglaði 2-0 sigur liðsins. Fleiri mörk voru ekki skoruð í leiknum og Lesa meira
Það getur fylgt því mikil fjárhagsleg byrði fyrir pör að flytja inn saman og festa kaup á íbúð. Charlie MacVicar, 26 ára, og Luke Walker, 27 ára, vissu að þau vildu fara aðra leið.
Charlie og Luke.
Faðir Charlie á landsvæði í Essex, Bretlandi og fengu þau leyfi til að búa þar. Eftir að hafa velt ýmsum hugmyndum fyrir sér, varðandi hvernig þau myndu nýta sér svæðið, þá komust þau loks að niðurstöðu. Þau keyptu tveggja hæða strætisvagn og breyttu honum í heimili.
Myndir: Bored Panda
Í viðtali við Bored Panda segir Charlie að þau elska að ferðast og vildu eiga samastað sem þau gætu kallað heimili á milli ferðalaganna.
Við tóku miklar framkvæmdir og eru myndirnar vægast sagt ótrúlegar. Sjáðu þær hér að neðan.
„Ég þekki til máls sem minnti mig meira á barnsrán en barnavernd. Ég hélt að barnaverndarnefnd myndi taka í taumana. Hún gerði það ekki. Barnaverndarstofa sendi bréf um að þeir myndu skoða þetta á tíu mánuðum. Þá geta þeir ekki gert annað en að senda vinsamleg tilmæli,“ segir Einar Gautur Steingrímsson lögmaður í stuttu spjalli við DV.
Einar kallar eftir breytingum á umgjörð barnaverndamála. Hann segir starfsmenn barnaverndar hafa allt of frjálsar hendur í störfum sínum. Álit þeirra renni meira og minna gagnrýnislaust í gegnum barnaverndarnefndir enda sitji þar fólk í hlutastörfum. Barnaverndarstofa, sem er yfir barnavernd, hafi síðan ekki nægilegar valdheimildir til að grípa inn í.
Tekið skal fram að þeim sem Einar þekkir til innan barnaverndar hefur hann ekki komið að sem lögmnaður.
Einar segir vissulega margt frábært fólk starfa og hafa starfað hjá barnavernd. En þar sé misjafn sauður í mörgu fé, eins og víðar. „Það er ekkert sem stöðvar starfsmenn í að leika lausum hala. Nefndarmenn hafa engan tíma til að skoða málin sjálfstætt af því þeir vinna annars staðar. Svo rennur þetta bara í gegn.“
Einar leggur til að stofnaður verði sérstakur fjölskyldudómstóll sem taki yfir barnaverndarmál. Skapa þurfi fullkomna fjarlægð milli barnaverndarnefndar og barnaverndar.
Í nýrri grein sem Einar hefur birt á Facebook-síðu sinni um, barnaverndarmal, þar sem hann rekur í stuttu en skýru máli hvernig barnaverndarkerfið virkar, segir hann:
„Niðurstaðan er því þessi; einstakir starfsmenn barnaverndar leika iðulega lausum hala. Stundum vinna þeir frábært starf en til eru alltof mörg dæmi um geðþóttaákvarðanir, valdníðslu, lygar og vanvirðingu á mannréttindum og mannlegri reisn. Stundum vinna þeir leynt og ljóst að því að börn sem eru vistuð tímabundið utan heimilis eigi ekki afturkvæmt þvert á lög og stjórnarskrá. Jafnvel hef ég séð hreina grimmd.“
Greinin er í heild sinni hér að neðan:
Barnaverndarnefndir
Ég hef heyrt mjög alvarlegar frásagnir af barnaverndarnefndum frá mörgum lögmönnum og sálfræðingum sem gjörþekkja til þessara mála. Frásagnir um lygar á hendur fólki í því augnamiði að það verði svipt forsjá barna sinna. Einnig frásagnir um hvernig farið sé offari. Þetta var svo alvarlegt að ég varð miður mín og leið illa. Ég ákvað þá að grafast fyrir um hvort orsaka væri að finna í lagaumhverfinu sjálfu.
Barnavernd fer í grunninn fram hjá starfsmönnum barnaverndar hvers sveitarfélags. Yfir þeim eru barnaverndarnefndir sem eru pólitískt kjörnar. Mjög misjafnt er hvaða hæfileikum nefndarmenn eru búnir en almennt getur þetta fólk, sem hefur mikið að gera á öðrum vettvangi, ekki sett sig inn í öll mál þótt verið sé að véla um örlög barna og fjölskyldna þeirra. Niðurstaðan er sú að starfsmenn barnaverndar leika oft lausum hala og þar er misjafn sauður í mörgu fé.
Þeir sem skipa nefndirnar, sveitarstjórnir, hafa ekki heimild eftir það til að skipta sér af málum. Eina eftirlitið er í höndum barnaverndarstofu. Þar kreppir skóinn. Því það er ekkert á milli lappanna í þeirri starfsemi þegar kemur að því að leiðrétta misfellur hjá barnvernd. Það er ekki við barnaverndarstofu að sakast. Henni eru bara ekki skaffaðar alvöru valdheimildir í lögum. Heldur ekki tæki og tól til verksins. Ráðuneytið getur ekkert gert annað en að anda ofan í hálsmálið á barnaverndarstofu sem það gerir ekki. Dómstólar eru oft barnslega einfaldir í trausti sínu á þetta starf enda fá þeir málin í áferðarfallegum búningi til sín.
Niðurstaðan er því þessi; einstakir starfsmenn barnaverndar leika iðulega lausum hala. Stundum vinna þeir frábært starf en til eru alltof mörg dæmi um geðþóttaákvarðanir, valdníðslu, lygar og vanvirðingu á mannréttindum og mannlegri reisn. Stundum vinna þeir leynt og ljóst að því að börn sem eru vistuð tímabundið utan heimilis eigi ekki afturkvæmt þvert á lög og stjórnarskrá. Jafnvel hef ég séð hreina grimmd.
Fjölmiðlar þora iðulega ekki að grípa í taumanna með alvöru umfjöllunum og yfir þessu grúfir þöggun eins og á tímum McCarthy en hugleysi í samfélaginu er nauðsynleg forsenda til að þessi ósköp þrífist.
Adriano hefði getað orðið einn besti knattspyrnumaður í heimi en áföll í fjölskyldu hans höfðu gríðarleg áhrif á hann. Adriano vakti gríðarlega athygli þegar hann gekk í raðir Inter árið 2001, fljótt sáust hæfileikar framherjans frá Brasilíu. Adriano fagnar 39 ára afmæli sínu í dag og í erlendum fjölmiðlum er eru gamlir liðsfélagar að ræða Lesa meira
Söngkonan Dagbjört Rúriks, sem gengur undir listanafninu DIA, var að gefa út tónlistarmyndband við lagið „Séð, heyrð og elskuð“ í dag.
Lagið snýst um að sigrast á eigin djöflum, áföllum, höfnun og því sem hefur skilið eftir ör í gegnum árin.
„Lagið snýst líka um að fyrirgefa sjálfri mér fyrir að hafa ekki sýnt litlu stelpunni í mér næga ást, viðurkenningu og virðingu. En textinn var samt fyrst og fremst innblásinn vegna reynslu af nákominni manneskju í mínu lífi,“ segir Dagbjört í samtali við DV.
„Það er hægt að túlka þetta á alls konar vegu. Það fer eiginlega bara eftir því hvernig fólk tengir. Lagið snýst líka um að finna sátt í núinu sama hver fortíðin er, sjálfsskoðun og viljann til að gera betur eftir eigin mistök.“
Dagbjört segir að henni finnst mikilvægt að minnast á barnið sem býr innra með okkur og veita því athygli. „Ég trúi því að það sé innra með okkur öllum sama hve fullorðin við verðum,“ segir hún.
„Ég ákvað að gera mjög persónulegt myndband við lagið þar sem þetta er afar persónulegt lag fyrir mér, og myndbandið er því samansafn af brotum úr æskunni og tökum fyrir utan æskuheimilið mitt, grunnskólann sem ég var í, við gönguveg þar sem ég labbaði í skólann og róluvöll rétt hjá honum.“
Dagbjört segir að von hennar með útgáfu lagsins og myndbandsins sé að ná til fólks. „Sama hvort það nái bara til eins aðila eða fleiri, þá vona ég að það minni aðra á að það er hægt að komast í gegnum erfiðleika sem sterkari manneskja. Það þarf ekki aðeins að brjóta mann. Að maður þurfi ekki að vera fullkominn sjálfur, maður lifir og lærir. Þetta lag er líka uppgjör fyrir mig og ég gerði þetta líka fyrir sjálfa mig og listakonuna í mér.“
Álfrún Kolbrúnardóttir sá um myndbandið, Stefán Örn Gunnlaugsson pródúseraði lagið og Sigurdór Guðmundsson masteraði það. Kolfinna Bergþóra Bjarnadóttir sá um förðun. Horfðu á það hér að neðan.
„Það gæti verið afmælið hennar en Amanda Holden ákvað að gefa aðdáendum sínum gjöf í staðinn,“ skrifar The Sun um mynd sem leikkonan Amanda Holden birti á samfélagsmiðlinum Instagram í gær.
Amanda fagnaði 50 ára afmæli sínu í gær og ákvað því að deila myndum af sér naktri í tilefni dagsins. Á einni myndinni má sjá hana nakta þar sem hún liggur á toppnum á risastórri afmælisköku með kirsuber í munninum.
„Hvernig gerðist þetta! Hálf öld… tíminn flýgur,“ skrifaði Amanda með annarri mynd úr myndatökunni. „Takk fyrir öll ljúfu og fallegu skilaboðin í dag… eiginmaður minn, Chris, og yndislegu stelpurnar mínar hafa dekrað við mig og eru ennþá að því.“
Þá sagði Amanda að hún ætli að fagna afmælinu sínu þegar það verður hægt að halda alvöru veislu. „Ég get ekki beðið eftir því að fagna almennilega þegar við getum það. Ég verð 50 í allt ár og við ætlum að fagna því allt árið. Haldið utan um ykkar nánustu, þetta er alveg að verða búið,“ sagði Amanda svo að lokum og vísar þá líklegast í kórónuveirufaraldurinn.
Helgi Valur Daníelsson, spilaði sinn fyrsta knattspyrnuleik í langan tíma er Fylkir spilaði gegn ÍBV í Lengjubikarnum í kvöld.
Helgi Valur hefur verið lengi frá vegna meiðsla en hann fótbrotnaði illa í leik með Fylki gegn Gróttu í Pepsi deildinni árið 2019. Helgi óttaðist á þeim tíma að knattspyrnuferillinn væri búinn.
„Löppin á mér brotnaði bæði fyrir ofan ökkla og rétt fyrir neðan hné. Lýsir sér eiginlega þannig að það fór biti úr leggnum. Þegar ég meiddist, þá vissi ég ekki strax hversu alvarleg meiðslin voru. Ég fann að fóturinn var næstum því alveg brotinn í tvennt og þá fór ég í smá panikk og hugsaði mikið út í það næstu klukkustundirnar að ferill minn í knattspyrnu gæti verið búinn.“ sagði Helgi í viðtali við 433.is í fyrra.
Helgi verður fertugur á árinu en hann ætlar sér byrjunarliðssæti í liði Fylkis á komandi tímabili.
„Við erum með flottan hóp og marga unga og efnilega leikmenn, liðið stóð sig vel í sumar og var í Evrópubaráttu. Stjórn og þjálfarar félagsins telja að
ég geti hjálpað liðinu á næsta tímabili. Ég ætla mér ekkert að vera bara í kringum þetta lið, ég ætla að keppa um sæti í byrjunarliðinu og hjálpa því að ná sínum markmiðum.“ sagði Helgi Valur Daníelsson leikmaður Fylkis í viðtali við 433.is í fyrra.
Viðtalið við Helga Val sem tekið var í fyrra, má lesa hér.
Bjarni Guðjónsson er nýr þjálfari u19 ára liðs Norrköping. Þetta kemur fram í tilkynningu frá sænska liðinu. Jóhannes Kristinn Bjarnason, sonur Bjarna, gekk á dögunum til liðs við Norrköping. Bjarni var aðstoðarþjálfari KR á síðasta tímabili en heldur nú á önnur mið ásamt syni sínum. „Ég er þakklátur fyrir tækifærið og mun leggja mig allan Lesa meira
Söngkonan FKA twigs birtist í sínu fyrsta sjónvarpsviðtali síðan hún sakaði leikarann Shia LaBeouf um gróft heimilisofbeldi í dag á CBS. Daily Mail greinir frá. Hún segir sambandið hafa verið martröð og að hann hafi beitt hana andlegu og líkamlegu ofbeldi. LaBeouf hefur neitað öllum sökum. „Hann vakti mig oft á næturnar til að öskra Lesa meira
Kirsty Barton hafði áhyggjur að þriggja ára dóttir sín, Amelia Bates, væri með Covid-19 því hún hafði vaknað nokkra morgna í röð með mikinn hausverk. Þar sem hausverkur getur verið einkenni Covid-19 ákvað Kirsty að fara með dóttur sína í skimun. Skimunin skilaði neikvæðri niðurstöðu og þá hófust áhyggjurnar af alvöru. Manchester Evening News fjallaði Lesa meira
Jón Daði Böðvarsson, leikmaður Millwall kom inn á 71. mínútu í 2-0 sigri liðsins gegn Birmingham City í ensku B-deildinni í kvöld. Jed Wallace kom Millwall yfir með marki á 3. mínútu leiksins. Þannig stóðu leikar allt þar til á 75. mínútu þegar að Ben Thompson tvöfaldaði forystu Millwall og innsiglaði 2-0 sigur liðsins. Millwall Lesa meira
Tveir leikir fóru fram í 16-liða úrslitum Meistaradeildar Evrópu í kvöld. Porto vann góðan sigur á Juventus og Dortmund vann mikilvægan útisigur á Sevilla.
Á Estádio Do Dragao í Portúgal tóku heimamenn í Porto á móti Juventus. Leikurinn endaði með 2-1 sigri Porto.
Mehdi Taremi kom Porto yfir með marki strax á 2. mínútu. Þannig stóðu leikar allt þar til á 46. mínútu þegar að Moussa Marega tvöfaldaði forystu Porto með marki eftir stoðsendingu frá Wilson Manafá.
Federico Chiesa minnkaði muninn fyrir Juventus með marki á 83. mínútu eftir stoðsendingu frá Adrien Rabiot en nær komust gestirnir ekki.
Fleiri mörk voru ekki skoruð í leiknum, seinni leikur liðanna fer fram þann 9. mars næstkomandi.
Á Estadio Ramón Sánchez Pizjuán, tóku heimamenn í Sevilla á móti þýska liðinu Borussia Dortmund. Leikurinn endaði með 2-3 sigri Dortmund.
Suso kom Sevilla yfir með marki á 7. mínútu. Þannig stóðu leikar allt þar til á 19. mínútu þegar að Mahmoud Dahoud jafnaði leikinn fyrir Dortmund með marki eftir stoðsendingu frá Erling Braut Haland.
Haland var síðan aftur á ferðinni á 27. og 43. mínútu er hann skoraði annað og þriðja mark Dortmund og kom þeim í þæginlega forystu.
Luuk De Jong náði að minnka muninn fyrir Sevilla með marki á 84. mínútu en nær komust heimamenn ekki.
Seinni leikur liðanna fer fram þann 9. mars næstkomandi.
Gettyimages
Porto 2 – 1 Juventus
1-0 Mehdi Taremi (‘2)
2-0 Moussa Marega (’46)
2-1 Federico Chiesa (’83)
